Theme Song : That Tant Pone Pyin (Kaung Myat) 2742022
.......
နောက်တစ်နေ့မနက်ရောက်တော့ ကိုယ့်အခန်းနံဘေးက မင်းအခန်းလေးက တိတ်ဆိတ်လို့နေတယ် ။
ညတစ်ရေးနိုးချိန်တုန်းက ကြားရတဲ့ သီချင်းသဲ့သဲ့လေးလည်း မကြားရတော့ဘူး ။' ဘေးခန်းက ကောင်လေးက အထူးအဆန်းလေး '
အဒေါ့်စကားကို ပြန်ကြားယောင်မိတော့ ကိုယ့်မှာ သာသာလေး ပြုံးမိပါရဲ့။
မင်းလေးက ညဆိုမအိပ် ၊ မနက်ဆို မ ထ တဲ့ အထူးအဆန်းလေးများလား ။တကယ်ပဲ ကိုယ်ထင်တာ မှန်နေပါတယ်။
နေမွန်းတည့်ချိန်ထိ မင်းအခန်းက လိုတာထက်ပိုပြီး တိတ်ဆိတ်နေတယ် ။တစ်သက်မှာ တခါမှဒီလို မကြုံဖူးတော့ ကိုယ့်မှာ မင်းအခန်းတံခါးကို ခပ်ကြမ်းကြမ်းသွားခေါက်မိတော့တယ် ။
အထဲမှာ အိပ်နေတာမဟုတ်ဘဲ တစ်ခုခုများ ဖြစ်နေရင် ဘယ့်နှယ်လုပ်ပါ့မလဲ။" ဘယ်သူလဲ မသိ... "
တံခါးဂျက်က ချောက်ခနဲ အသံကြားရပြီးတော့ မင်းအသံလေး ထွက်လာတယ်။
ကပိုကရိုဖြစ်နေတဲ့ ဆံပင်တွေနဲ့ မပွင့်တပွင့် မျက်လုံးလေးတွေကိုကြည့်ပြီး...
အင်း... ကိုယ်တော့ အချိန်မှားလာခဲ့ပြီ ထင်ရဲ့ ။" ဘာရှိလို့ပါလဲ! "
စကားလုံးတွေက မရိုင်းပေမယ့် မင်းလေသံလေးက ခပ်ဆတ်ဆတ် ။
" ဆောရီးပါ အခန်းက အရမ်းတိတ်ဆိတ်နေတော့... "
" ကျွန်တော်အိပ်နေတာပါ... ဘာမှ မဖြစ်ပါဘူး "
ကိုယ်သိချင်တဲ့ အဖြေကိုပေးပြီးတော့ ချက်ချင်းပဲ မင်းလေးက ထွက်ပြေးဖို့ လုပ်ပြန်ပါပြီ ။
ပိတ်ခါနီးဆဲဆဲ အခန်းတံခါးနား ကိုယ်အသာလေး ခြေထိုးကလန့်လိုက်တော့ မင်းက 'ဘာရှိသေးလို့လဲ' ဆိုတဲ့ပုံလေးနဲ့ မော့ကြည့်လာတယ်။" ၁ နာရီတောင် ထိုးနေပြီ... မနက်စာ မစားဘူးလား "
" ကျွန်တော် ဒီလိုပဲ အိပ်နေကျမလို့... ဖယ်ပေးပါတော့ အိပ်ချင်လို့ပါ "
တောင်းဆိုသံတစ်ဝက် ငြူစူသံတစ်ဝက်နဲ့ ဆိုလာတဲ့ မင်းပုံစံလေးက ပြိုတော့မယ့်မိုးလို ။
YOU ARE READING
ကံ့ကော်ပွင့်ချိန်
RomanceTitle : Kant Kaw Pwint Chain Genre : Own Creation, BL Tags : Angst , Romance Author : Yaung Che Nway Starting Date : 26,April,2022 End Date : The Cover is from Pinterest. Photo Credit goes to the original uploader.