Theme Song :
တစ်နေ့နေ့တော့ ချစ်၍ လာလိမ့်မည်...
(Htoo Eain Thin)
12122022
" ကျွန်တော့် ဇာတ်လမ်းမှာ အသုံးချချင်ရင် အသုံးချဖို့ လူက အရံသင့်ရှိပါတယ်... "
'တွဲကြမလား' ဆိုတဲ့ ကိုယ့်စကားကြောင့် ဆွေးမြေ့စွာ ရယ်မောရင်း ဆိုလာတဲ့မင်း ။
ဖွာနေတဲ့ ဆံသားအိအိတွေနဲ့ မျက်ရည်ဝိုင်းနေတဲ့ ပုံသဏ္ဍာန်လေးက ကြေကွဲဖွယ်ရာ စိတ္တဇပန်းချီကားတစ်ချက်လိုပဲ ။
" ကိုကျော်အောင် ထင်ပါရဲ့... "
ကိုယ့်ထင်မြင်ချက်ကို ပါးပြင်ပေါ် မျက်ရည်တစ်စက်စီးကျရင်း နှာတစ်ချက်ရှူးခနဲ မှုတ်ရင်း မင်းက ခပ်ပြုံးပြုံးခေါင်းညိတ်ပြတယ် ။
" ကျွန်တော်သာ အသုံးချချင်ရင် ကိုကျော်အောင် ကို အသုံးချလိုက်တာ ကြာပါပြီ... ဒီလိုသာဆို သူ့ သူငယ်ချင်းတွေလည်း ကျွန်တော့်ကို မုန်းကြမှာ မဟုတ်ဘူး... "
'မင်းကို မုန်းကြတယ်' ဆိုတဲ့စကားကြောင့် ခပ်အေးအေးနားထောင်နေတဲ့ ကိုယ် မခံမရက်နိုင် ဖြစ်သွားမိတယ်။
ပြီးတော့ ချက်ချင်းပဲ မင်းရှိရာ နောက်ကို လှည့်လိုက်ပြီး
" မင်းကို ဘာလို့ သူတို့က မုန်းကြရတာလဲ "
" ကျွန်တော်က ကိုကျော်အောင့် အသဲကို ခွဲလို့တဲ့လေ... "
အသဲကို ခွဲရအောင် မင်းတို့က ဘာမှဆိုင်တဲ့ ဆက်ဆံရေးတွေမှ မဟုတ်ကြဘဲ ။
" လောကကြီးမှာ လူတွေရဲ့ အတွေးတွေက ဘယ်လောက်တောင်ကွဲပြားကြလဲ ခင်ဗျားသိလား... "
မင်းဟာပြောရင်း ကောင်းကင်ပေါ်က မြောက်များစွာသော ကြယ်တွေကို မော့ကြည့်နေတယ် ။
" ကျွန်တော့် အတွေးမှာ ကျွန်တော်က ကိုကျော်အောင်ကို တကယ်မကြိုက်ဘဲ အပျော်သဘောတွဲလိုက်ရင် ကိုကျော်အောင့်အပေါ် ရက်စက်ရာကြမယ်လို့ ထင်တယ်... ကိုကျော်အောင်နဲ့သူ့သူငယ်ချင်းတွေ အမြင်မှာကျတော့ ကျွန်တော်က ကိုကျော်အောင့်အပေါ် စိမ်းစိမ်းကားကားတွေလုပ်လို့ အသဲနှလုံးမရှိသူလို့ မြင်တယ်လေ... "
မင်းစကားကြောင့် ကိုယ်ဟာ ဆုပ်ကိုင်ထားဆဲ မင်း လက်ဖမိုးလေးကို ပိုလို့ တင်းသွားအောင် ဆုပ်ကိုင်လိုက်မိတယ် ။
ČTEŠ
ကံ့ကော်ပွင့်ချိန်
RomanceTitle : Kant Kaw Pwint Chain Genre : Own Creation, BL Tags : Angst , Romance Author : Yaung Che Nway Starting Date : 26,April,2022 End Date : The Cover is from Pinterest. Photo Credit goes to the original uploader.
