Theme Song : Nway Oo Kant Kaw (Htoo Eain Thin) 2642022
.........
မင်းကို စတွေ့တာ နွေဦးမှာ ။
ကပ်ဘေးကြောင့် ကိုယ် အလယ်ပိုင်းကိုရောက်လာရာက အစပြုတာပေါ့ ။
အမည်မသိဗိုင်းရပ်စ်ကပ်ဘေးက ပြီးခဲ့တဲ့နှစ် နွေနှောင်းပိုင်းက စ ပြီး တစ်နိုင်ငံလုံးအပေါ် ဆိုးဆိုးရွားရွားကျရောက်ခဲ့တယ် ။
အဲ့ဒီဗိုင်းရပ်စ်ပိုးက ဆန်းတယ် နောက်ပြီး ဆိုးတယ်။
ဖြစ်ရင် ကုဖို့ရာ ဆေးမရှိဘူး ။
ဖြစ်စက ကာကွယ်ဆေးပေါ်ခဲ့ပေမယ့် အဲ့ဒီကာကွယ်ဆေးက လက်တစ်ဆုပ်စာ လူနည်းစု... အင်း... အခွင့်ထူးခံလူတန်းစားတစ်ရပ် အတွက်ပါပဲ။
" ရှမ်းမြောက်ဘက်မှာ အခြေအနေ သိပ်ဆိုးတာပဲလား..."
" ဒီလိုပါပဲ ဒေါ်ဒေါ်... မန္တလေးထက်စာရင်တော့ ဆိုးတယ်ပဲပြောပါတော့ "
" တို့မန္တလေးလည်း ဖြစ်စက တော်တော်လေးဆိုးလိုက်ပါတယ်...လူတွေလည်းသေကြတယ်..."
" မသေသင့်ဘဲ သေသွားကြရတာပါ..."
စိတ်မလုံသံတစ်ဝက်နဲ့ဆိုမိတော့ ဒေါ်ဒေါ်က သက်ပြင်းတစ်ချက်ချရင်း ထုံးစံအတိုင်း စကားလမ်းကြောင်းလွှဲသွားတယ်။
" တိုက်ခန်းမှာ တစ်ယောက်တည်း နေရမှာဆိုတော့ မင်းတစ်ယောက်တည်း အေးအေးလူလူပါပဲ ... နေရာကတော့ မြို့ထဲ မဟုတ်ဘူး... မြို့သစ်ဘက်မှာ... "
" ကားသံလူသံ သိပ်မကြားရတဲ့နေရာဆိုတော့ အေးအေးဆေးဆေးရှိမှာပါ... အဆင်ပြေပါတယ် ဒေါ်ဒေါ်"
ရောက်သွားတော့ တကယ်လည်း နေရာက တော်တော်လေး ဆိတ်ငြိမ်ပါတယ်။
မြို့ထဲလောက် လူနေမထူထပ်တော့ လေထုကအစ အသက်ရှူချောင်တယ် ဆိုရမယ်။
တိုက်ခန်းအိမ်ရာနားက ကံ့ကော်ပင်ကြီးကတော့ ကိုယ်လို လူစိမ်းအဖို့ အထင်ကရ အရှိဆုံးပဲ ။
နွေပေါက်လာတော့ အလယ်ပိုင်းမှာ သိပ်ပူတယ် ။
လေးလွှာအထိ ချွေးတလုံးလုံးနဲ့ မတက်ခင် ကံ့ကော်ပင်အရိပ်အောက် ကိုယ့်မှာ အမောကြိုဖြေရတယ်။
အနံ့ခံ အာရုံမှာ ရွှေဝါရောင်ကံ့ကော်ဝတ်ဆံရနံ့ဟာ သင်းလို့ ။
YOU ARE READING
ကံ့ကော်ပွင့်ချိန်
RomanceTitle : Kant Kaw Pwint Chain Genre : Own Creation, BL Tags : Angst , Romance Author : Yaung Che Nway Starting Date : 26,April,2022 End Date : The Cover is from Pinterest. Photo Credit goes to the original uploader.
