صاحب دعوتي

لقاء

فواحد القصر لي اي حد شافو كيدوخ بتصميمو ويقول كانتمنا نعيش فيه ولكن كاينة لي كايخنقها وكيجيها بحال الحبس فواحد البيت بالضبط لي خارجة منو وهي كاتشوف وراها لا شافها شي حد  وهازا سباطها فيديها حتا خرجات وهي كاتسلت بحال شي شفار  وصلات للجردة ونقزات السور ولقات طوموبيلة لي فيها صديقها سلمات عليه وكسيراو للملهى
وصلنا للبار وتجمعنا بالكليكة كنت ديما كاندير هاكا ونتسلت من دار فليل حتاش فاش كنكون فالبار كانسا الهموم ديالي، لموهيم شربت بزاف داك نهار وانا نشوف واحد دري كان زويين بزاف كايبان اول مرة يدخل لهنا حتاش عمري شفتو باينة عليه لاباس عليه وخانز فلوس حتاش كي دخل بداو القحبات يدورو حداه باينة عليه معكس ومكبر حتاش مداها فحتا وحدة فيهم تفو حاس براسو وانا درب ليا فالخوا قلت يا حاس براسو انا نوريه ماعرفتش آش جاني ولكن تأتير الشراب وآش يدير هزيت كأس تاع العصير ومشيت عندو وانا كانتمايل ودرت راسي طحت بالعاني وتكب عليه الكاس ناض كايغوت عليا تفو فعوط ما يهزني غالس كايغوت عديم الاحساس لاخور شديت فالطبلة ونضت وهو كاينغر : واش حمقا ولا تسطيتي لاش خاوية عليا العصير لا كونتي سكرانا سيري سكري فالتيساع تفو وجوه النحس ماتعرف منين يسلاطو لقحبة لوخرا. لا شفت هادا قالي قحبة ولا انا ماكانسمعش مزيان انا على أخير يامي يتقالي قحبة وانا نطير عليه كانتف ونضرب وهو تصدم باينة عمر شي بنت ضرباتو تجمع علينا البار كامل وانا  غالسة كانضرب بيدي ورجلي َوكنعاير ونسب يا لكب يا زامل وهوما يجيو صحابي يفرقونا.،
فرقونا صحابي واخا هوا مزال دافع كبير وكايغوت ويسب بحاليلا راه ولد الملك ولاكين غير صبار مازالا باغا نتفو يا انااا ااانااا بنت برادا على آخر يامي يتقالي قحبة اوا دبا تشوف خرجت وانا نشوف واحد طونوبيلا وااااعرة وغاالية باينة غتكون ديالو كان حداها واحد الحارس طوييل وعاامر داير بحال الغريلا لموهيم وانا طيحلي فبالي واحد الخطة مشيت حداه وانا نقولو جري جري راه غيموت وهو يشوف فيا قالي شكون يمااما خلعني صوتو كان صوت غليظ وقوي ناري وانا واقفة حداه كنبان بحال شي قطة صغيورة وهو بحال شي دب كبير وعامر لموهيم جاوبتو وانا كنترعد قوتلو الرئيس ديالك لموهيم عرفت راسي ماعنديش العقل لي نستوعب فيه هادشي لي كاندير حتاش بديت كاندوخ شديت عكاري لي كان فساك و واحد ساروت وبديت بزربة كنخرط طونوبيب ونكتب صافي حتى شدني شي واحد من لور وانا ندور مع دورة مع تقياا..
ويلييي تقييتلو فوجهو ما عرف راسو باش تبلا وانا نشوف موراه داك الغوريلا عرفتو هاداك لي بلبلتها معاه لداخل ولااا حممر بالاعصاب يالاه جا يغوت وانا نقول غي بشوية عليك لا تصدق طايحلنا هنا بالعضام ونصدق واحلة فيك زاد تعصب وعروقو خارجين ناض يغوت يا لق..  وانا نقول مسح داك تقية لي كاتشبهلك وعاد اجي هدر، وييلي عرفت راسي قفرتها وانا نبغي نجري وهو يهزني ولتخني فالطوموبيل تا حسيت بعظامي تزعزعو  وانا كانغوت ونصرصر ربي لي خلقني وخدا السوارت من عند الغوريلا وكسيرا وهز منديل كايمسح وجهو وهو كاينغر وانا غالسة كانعض فضفراني وانا نقول فين غادي بيا واش تصطيتي هادا كايتسما اختطاف وهو يغوت وعينيه خارجين سكتي ولا والله حتى ندير فيك شرع يديا خلعني لحمار وانا نسكت قلت مع راسي انا دابا هاد راس الكلب يخلعني والله لا كانت ليه قوتلو نزلني ما جاوبنيش ونضت نغوووت ونفركل برجلي ويدي وهو كايغوت : هداي هداي غادي تقلبينا. حتا فرينا بالجهد وقالي: والله وما تغلسي بعقلك حتى نزدحلك راسك مع داك الباب وانا نحل الباب وحبطت وضرت عندو وخرجت لساني وقوتلو: حتا تشدني بعدا وعلقت هو نزل كايجري موريا معا انا سكرانا تفوو لكلب شدني ونضنا كانتقاتلو انا شادة من شعرو وهو شادني من شعري وكانتسابو وهي دوز سطافيط جماعتنا بجوج........
.
.
.
.
.
.
.
.
أنا عارفة هاد الرواية قليل لي غادي يقراها ويقدر حتا واحد ما يقراها ولكن هادي اول وحدة لينا و كانتمنا من قلبي الى خطأت تصحولي وتدعموني😖😖❤