صاحب دعوتي

منين سلاطيتي عليا

يالاه بغا يهدر  وهوما يغوتو علينا وسكتونا بجوج حتا وصلنا لكوميساريا ولاحونا فلحبس وهو ناض يغوت : آش هاد الليلة المنحوسا منين شفتك ماشفت الضوو تفوو سلعة ناقصة خاوية عليا العصير ناتفاني تقيتي عليا منين سلاطيتي منيييييين
جاوبتو اما زعما نتا الربح بحاليلا فاش شفتك شفت النور راح حتا نتا وجه النحس يا المنحوس شوف فين وصلنا بسبابك دابا, اوا وهو يشوف فيا واحد شوفة ويقولي وا بااز بااز والله ماكاتقشري بحاليلا انا لي درت داك لحالا فطونوبيل وانا لي تقييتلك فوجهك وا اصلا لاش خرجتي من طونوبيل راه بسبابك نتي باش وصلنا لهنا. وانا معكسااا راسي قاسح ماشي نسكت ونحشم واخا ساراحا عندو لحق بسبابي وصلنا لهنا لا زدت كانتزايد ونخرج فجبهتي لا نتا سباب وهو يقولي لا نتي سباب لموهيم كنا كانبانو بحال شي براهش حتا سمعنا البوليسي حل الباب وخرجنا ودخلنا لكوميسارية عرفتو اول مرة ندخل لشي كوميسارية حسيت براسي موجريمة واخا غانبقى هنا هي نهار ونخرج والاكين عاجبني لحال انني ندخل للحبس بحاليلا دايرا شي انجاز وهو داك زامل يشوف فيا لموهيم انا فاش كنفرح كنضحك واحد ضحكة بهلا و هو منين شفني كانضحك هاكاك تفرشخ بالضحك وبدا عليا كاتشبهي للبقرة الضاحكة وانا نشوف فيه وركلتو للمنطقة لحساسا ديالو لموهيم منعاودش ليكوم سيد زراق وصفار وطاح فالارض وبقا شاد فكرشو انا فلول كان كيحسابني كايديرها بلعاني سعا سيد تقسح ديال بصح نارييي قودتها معاه لموهيم بغيت نوضو ونساعدو ساعا مادير خير مايطرا باس سيد بدا يغوت عليا ويقول وا بعدي مني وا عطيني ها التيساع واش بغيتي من عندي لاش باغا ضيعيلي مستقبالي انا تعصبت وقتلو بطريقة استفزازية على اساس انه قبل مانضربك كان هايكون عندك مستقبال بدا كايشووف فيا
قوتلو تا مالك كاطرطق فيا عينيك راه نتا لي جبدتيني شي واحد قالك جبدني بغا يهدر وهوا يغوت البوليسي أسكتونا من الصداع اداك جوج بعالك جلسو هنا نفك معاكم هاد الحريرة خنزر فيا وخنزرت فيه وجلسنا
سولنا البوليسي شحال فعمرنا قوتلو 20 وهو يطلق لاخور واحد الضحكة: ههه مازالا برهوشة ومصدعانا من الفوق ضرب البوليسي فوق الطبلة وغوت السكات. سكتنا وكمل التسوال شنو سميتك وسميت والديك وفين كاتسكني شفت بكل ثقة:سميتي لورين برادة بابا الحاج حمد برادة وماما ناريمان تازي وهو نشوفو تزننق وقال نتي بنت السي احمد برادة قوتلو ايه وهي تقلب موعامالتو و ولا كايضحكلي ولفت على هاد الشي منين كايعرفو شكون بابا كولشي كايتقلب تفو بنادم كي مادي وهو بدا كايخنزر فلاخور وكايغوت عليه هدر حتا نتا ومنين كاتعرف بنت السي برادة وهو يشوف فيه بكول برود قالو انا زياد المرنيسي وانا نشوف وجه البوليسي دازو فيه كل الوان قوس قوزاه وقال : ويلي السي زياد والله ما عرفتك غي سمحليااا وبدا كايعتادر انا عرفتو شي حد عندو هيبتو فالبلاد غي من داك النفخة لي فيه وطوموبيلتو
زياد: دابا ماغانخرجوش
البوليسي : حاشا حاشا سيرو فوق ما بغيتو
ناض زياد وهو عاقد دوك الحجبان و اخيرا غادي نتهنا منو وتمينا خارجين وانا ضربلي فالراس اوييليي وايلا وصلات لبابا بلي كونت فالكوميساريا وييليي قواادت عليا ضرت كانجري وهو يشدني داك الجحش
زياد : تي فين غادا مازال حسابي معاك ماسالاش
انا : اينا حساب ياكما  يسحابلك راسك فسامحيني طلق طلق ولا والله حتا نعاود الضربة ديال قبايلا
طلق من يدي ومشيت كانجري عند البوليسي هضرت معاه بثقة وتهديد اما ايلا رغبتو غايوصلها لبابا نيشان لكلاب خصهوم غي السبة باش يهدرو
انا : شوف يا نتا اييااك تم اياك نسمع هادشي يوصل ل بابا ولا والله لا باقي حلمتي تبقا بوليسي
تخلع وقالي واخا خرجت مالقيتش داك وجه الكلب نيت ما فيا لي يتناقر معاه وانا نتفكر بلي ما عندي لا تيليفون نعيط بيه لا فلوس لا والو وماعارفاش حتا فين انا اوييل على تقفييرة قفرتهااا قريب يصبح الصباح وماما غاتمشي تقلب عليا ماتلقاني داك ساعا غي نتلاح من شي سطح وايلا رجعت عند البوليسي غاتمشي هيبتي بديت كانتمشا نلقا شي طاكسي ما بالي تا واحد تفو علا زهررر كلشي بسباب داك الجححش والبررد وانا لابسة واحد الكسوة قصصيرة الريح كايدخل من كل جيها ورجلي ضاراني وحالتي حالة....
.
.
.
.
.
.
كانتمنا يكون تفاعل 😔😔