لـ مريم البرلسي
"لا تصعد بي إلى السماء، ثم تتركني أهوى وحيدة"
....
جلس مالك بجوار هيام ثم اردف بأبتسامة: هيوم قلبي عامله اي
قهقهت على حديثه ثم اردفت بسخريه: قولي عايز اي
حك ظهر عنقه بحرج: للدرجادي مكشوف
ربتت على يده: انتو ولادي يا مالك، اعرفكم اكتر من نفسي
قبل يدها ثم ابتسم بحرج: بصي هو انا كنت عايز اقولك..
نظرت له تحثه على الاكمال فأردف
: بصراحه كده انا بحب روح واعترفتلها وطلبت منها نتجوز وهي موافقه، فانا عايز اتقدم
ضمته بسعادة وحب: ياقلبي مبارك، اكيد شوف وقت مناسب
شدد من ضمها بسعادة ثم اردف: بكره ان شآء الله
غمزت له بمشاكسه: علطول كده
عزم على الوقوف بتوتر: اه، عن اذنك بقا
اردفت هيام بعد رحيله: دايما كده بتتهرب مني
......
اردفت خديجة وهي تنظر لشاشة الهاتف: ايو الناس اللي في شهر عسل ونسينا بقا
ابتسم حسن ثم اردف: شيلي بوزك الفقر انتي بس منها
: بعينك، قلبي وربي غضبان عليك يا حيوان مردتش تاخدني معاك
اردف مازن وهو يجلس جوارها: ياخدك ازاي بس يا ديجة
قهقه حسن: قولها يابني
ابتسم مازن بحب: سيبك منها، المهم انت اخبارك اي
اردف حسن وهو يأكل الموز: انا زي الفل يباشا
مازن بمشاغبه: الله يحنن عليك انت
رفع حسن كفه: خمسه في عينكم يافقر انت وهي، اقعدوا نقوا فيها لما هتخرب
رفعت خديجة حاجب: لا وننق لي، بكره قرة عيني حبيبي يوديني شهر عسل وقتها هبقى اغيظك
نظر لها مازن بعشق لا يستطيع تخبئته: وافقي انتي بس
توترت خديجة ثم اردفت لتغير الجو: اومال البت باربي فين يلا
ضرب حسن وجهه: يالهوي ده انا نسيت انها مستنيه تحت
اردفت خديجة بسخريه: نسيتها ياللي منك لله
_اغلق حسن الهاتف في عجلة، بينما نظر مازن لخديجة واردف
: خديجة
همهمت له وهي تسكب اهتمامها على الهاتف
: هعدي عليكي الساعه 5 ونتعشى برا مع بعض
حولت نظرها له بصدمه: نعم
: نعم!!
اردفت بسخريه: يابني هو انا خطيبتك تقولها هنتعشى برا فتقولك عيوني
نظر لها بترجي وابتسم: مترفضيش بقا يا ديجة، ده عشا يعني وبعدين من زمان مخرجناش واهو نغير جو
ترددت قليلا ثم اردفت: فل
وقف مازن بسعادة: اشوفك وقتها بقا، باي
_نظرت لأثر رحيله ثم اردفت بشرود
: مازن متعلق بيا اوي و واضح انه بيحبني ده بيبقا شويه وعيونه هتطلع قلوب، وانا مش عارفه المستقبل مجهزلي اي وقدري صعب اوي، خايفه اكسر قلبه واكون سبب يأسه
: اطمني هو هيموت قبل كل ده
نظرت بفزع لمصدر الصوت فوجدته جالس بكل شموخ ينظر لها ببرود: رحيل! انت هنا من امتى
اعتدل في جلسته ثم نظر له بعيون تكاد تحرقها: انا موجود دايما ياقطتي، بس انتي غلطتي لما قبلتي دعوته وكمان خايفه على مشاعره
اردفت بعناد وقوة: اه خايفه على مشاعره لانه شخص غالي على قلبي، ويا عالم ما يمكن في المستقبل اكون معاه
زفر بغضب ثم اقترب منها بسرعة البرق واحكم فبضته على ذراعها يردف بفحيح: في الماضي والحاضر والمستقبل انتي ملكي، ليا انا وبس فاهمه
قال اخر جمله بصراخ مما جعلها تفزع ولكنها عاندت: انا مش لاعبه عشان اكون ملكك وقت ما تحب
قرر الرحيل قبل انا يأذيها فهي دائما تنجح بأغضابه واخراج الوحش داخله: انا همشي بس اوعدك راجع قريب، وكمان متلوميش غير نفسك لو خرجتي معاه
أنت تقرأ
احتار قلبي بين عشق الشيطان والملاك!
Adventureلقد نجا مِن الغرق، لكن البحر ظلّ دائماً في عينيه.
