احتار قلبي بين عشق الشيطان والملاك!

البارت الثاني🖤

لـ مريم البرلسي

الجمال لا يعني أن يكون لديك وجه جميل، الأمر يتعلق بإمتلاكك لعقلٍ جميل وقلبً جميل وروحٌ جميلة.💙💙

_بعد مرور اسبوع

نورا ببكاء: هما دول يا خديجة
خديجة بنبرة هادئة ومخيفة: طب خدي جمب انتي بقا

تقدمت خديجة من اربع فتيات وانهالت عليهم بالضرب، حاولت احداهن ضربها من الخلف ولكن سحبتها بسرعه لتقع امامها واخذت تخرشم وجهها، واخرى تشد شعرها وتسحبها ارضا، وهكذا حتى انتهت منهن، وكانوا في حالة يرثى لها.. حيث تمزقت ملابسهم، وهاج شعرهم، وامتلئ وجههم بالجروح..

خديجة بتحذير: واحده فيكم تفكر بس تبصلها تاني انا هكسرها

...
في المكتبة

خديجة: انتي كويسه
نورا براحه: ايو الحمدلله، مكنش ليه داعي تعملي كل ده
خديجه بحنان: نورا انتي مش بس صاحبتي انتي اختي وغاليه عندي اوي، يستاهلوا عشان فكروا يلمسوكي
نورا بدموع: بجد انا بحبك اوي يا خديجة انا مليش غيرك، يديمك ليا
خديجة بمزاح لتخفيف الجو: ايه يابنتي الدراما دي، يلا نقرأ بقا
نورا بملل: اوووف انا مليت من القراءة
خديجة: هشششش

بعد قليل من الوقت شعرت نورا بشخص يقف امامهم..

: ازيكم يبنات
نورا: اهلا
: انا روح
نورا بفزع: ر ر رو.. اي، هاار اسود
خديجة بفزع ايضا: اشتاتا اشتوت، اللهم احفظنا اللهم احفظنا، هشش بعيد هششش
روح بضحكه عاليه: ههههه مش قادره هموت، يبنات انا اسمي روح
خديجة وهي تجلس اعلى الكرسي ونورا خلفها يضمون بعضهما بطريقة مضحكه

خديجة بخوف: وايه اللي يثبت
نورا مؤيدة: ايو هاتي دليل ان اسمك روح، وانك مش روح بجد اععععا
روح وهي مازالت تضحك: طب استنو هنا وانا هرجعلكم

نورا وهي مغمضة عيناها: مشيت
خديجة وهي تتنهد وكأنها كانت في بيت رعب: ايو الحمدلله انصرفت
نورا براحه: خافت مني، المهم قولتك المكتبة دي ملبوسه مسمعتيش الكلام يلا نمشي

.. التفتوا ليغادروا ولكنهم تفاجئو بروح تقف امامهم هي وشخص اخر

نورا بصراخ: احييييه، دي جابت واحد كمان
خديجة بفزع وهي تولول: يا صغيرة على الاكل يا خديجة، مكنش يومك ياااختي، ده انا لسه متجوزتش حتى
روح بضحكه: هههه حرام عليكم هموت من الضحك
خديجة و قد عادت لوضعها السابق هي ونورا حيث نورا خلفها وهي في الامام: انصرفي انصرررفي
يوسف بحدة: بسسس، بس انتي وهي
خديجة بتفكير: انا شايفه السحنه دي فين قبل كده
يوسف بصدمه وصوت منخفض: سحنه!؟
نورا باندفاع: ده يابت الولا اللي لما كنا قاعدين، جيه قالنا متتكلموش بصوت عالي
خديجة: اه هو افتكرت
روح بهدوء: ده يوسف اخويا
نورا بتلقائية: يعني انتي انسانه زينا
روح بضحكه خفيفه: اه والله انسانه عادي