My Friend |Háruko

↫الطاقة الكونية ج٢

يا هلا بالطش والرش

بقالنا زمان متكلمناش عن حاجة مهمة ف خلينا نبدا

ف اول جزء اتكلمنا فيه عن الطاقة الكونية احنا شرحنا ان الطاقة الكونية متجددة لا محدودة مبتخلصش ولا بتتاثر بطاقات الاغراض السلبية بل بتنقيها وتحولها لايجابية في بعض الاحيان

في ناس كتير بتستغل الطاقة الكونية في تجديد طاقاتهم الداخلية وتخليهم يبصروا الطريق الصواب عشان يبعدوا عن افكار عقلنا السلبية

قغدنا نشرح هي ايه ماهية الطاقة الكونية بس في الجزء ده هنشرح طريقة تفعيلها

؛---؛

الطاقة الكونية طبعا هي ف كل مكان حوالينا وهي كبيرة وقوية جدا، الانسان بيبقى هو المتحكم او المحرك للطاقة دي عشان يفعلها ويقدر يستغلها للصالح الشخصي ليه او حتى للصالح العام مع اني اشك

الناس المتمرسين في علم الطاقة هتلاقيهم بيستغلوا الطاقة الكونية بصورة منتظمة لتنقية روحهم من السموم الطاقية او المعيقات، وفي ناس بيحبوا ينقوا هالة المكان المحيطة بيهم وده ليه طرق كتيرة جدا منهم المعقدة ومنهم السهلة او المتعارف بيها وانا هجيبلكم الخلاصة

؛---؛

- القرآن الكريم
القران ده اكبر طاقة كونية في الوجود وطاقته هائلة لا مثيل لها، البيوت اللي لا تخلوا من ايات الله وترديدها طول الوقت هتلاقوها عامرة بطاقة مريحة لا مثيل ليها

وزي م قلت، الانسان هو بيبقى زي البروجيكتور اللي بيحرك الطاقة دي وبيفعلها، يعني هي حاجة متعلقة بيك انت، هتقولي ازاي؟ هقولك الانسان لما بيكون مؤمن وواثق بقوته انه قادر يفعل الغرض من ايات الله زي ابطال السحر او جلب الرزق بانواعه هو فعلا هيحقق ده بس محتاج اتصال وثيق بينك وبين اللي خلقك

هيبقى صعب اشرح النقطة دي ومش الكل ممكن يفهمني

بس عشان تقدر تفعلها صح لازم تلاقي الاسلام جواك

لان اللي بيتولد مسلم من اب وام مسلمين لازم يدوروا ع الاسلام جواهم ويفهموا فعلا يعني ايه اسلام

اول ما هتوصل للمعنى الحقيقي ورحلتك الحقيقية كمسلم قلبا وقالبا تبدا هتفهم كل اللي بقوله دلوقتي

؛--؛

- الريكي
الطريقة الاكثر شيوعا بس بتحتاج تدريب هو مش طويل المدى بس تدريب مرة او مرتين وبردو بيختلف عن استجابة الفرد نفسه واستجابة وعيه وعقله

في البداية دور على اكتر نقطة مريحة في البيت او اكتر مكان طاقته ايجابية وغالبا بيكون المكان اللي انت يا بتصلي فيه يا بتدعي لربك فيه (الكلام ده للمسلمين وغير المسلمين يا جماعة الخير، مفيش انسان مش بيبطل يدعي لخالقه واحيانا بتختاروا نقطة معينة واللي بتبقى زي المصلى كدة)

اقعدوا فيها وغمضوا عينكم، لو مش قادرين تسترخوا ممكن تستعيونوا باصوات الطبيعة او موسيقى هادية ف الخلفية تساعدكم لو استصعبت عليكم الامور

في البداية متفكرش باي حاجة حاجة وكل ما تجي فكرة ف عقلك اطردها بسرعة لحد ما تحس عقلك فاضي من الافكار وانت وصلت لاعلى طاقات التامل وتنقية العقل

ابدا حس ان كمية الافكار اللي انت بتطردها دي وجودها بيسببلك تقل وعائق لجسمك لدرجة انك حاسس قد ايه انت تقيل

وبعدها اطرد الافكار دي واحدة واحدة، كل ما تطرد فكرة ابدا حس ان تقل جسمك بيخف ومع الوقت جسمك بيبقى خفيف اوي اكتر واكتر

لحد ما تحس انك بتطفوا في الفراغ، وروحك بقت نقية وكانك نسمة ريح بالضبط وابدا اتخيل بشويش ان الكاقة الكونية الايجابية جسمك قاعد يمتصها وهي قاعدة تتغلغل جواك اكتر عشان تطرد باقي العوائق اللي جواك وحاول تسترخي اكتر

هنا هتحس بكل الوجع اللي جواك بيخف ونفسيتك قاعدة تتحسن لان ربنا رزقك بطاقته الايجابية اللي قاعدة تنقيك، اول ما تبدا تحس ان كل احاسيسك السلبية استبدلت بطاقة ايجابية احمد ربنا ع كرمه الواسع وعطفه بيك وافتح عينك بهدوء

وكدة مبارك عليك انت نجحت فعلا في استغلال الطاقة الكونية لصالحك وفعلتها

؛----؛

خلصنا البارت

اكتر بارت خفيف ولطيف انا كتبته في الكتاب كله وحسيت بجد براحة وانا بكتبه واتمنى تكونوا استفدتم زي ما انا استفدت من شهور

وبس اشوفكم ع الف خير، باي🖤