My Friend |Háruko

↫ الأوهـام

السلام عليكم ورحمة الله يخوانا.

--

اهلا يخوان

شوفوا بالبداية حاسة اني الوحيدة اللي هتكلم في الموضوع ده واعترف اني خايفة اهبد بس مش مهم

في البداية، برايك ايه هي الاوهام؟
- الاوهام عبارة عن تخيلات من محادثات لمواقف بتكصلك وانت بتقتنع انها حقيقة

هوجو: بتكصلك..

طب مش معدلاها واخبط راسك فالحيط

الاوهام بقى بالنسبة لينا احنا يمكن تكون عبارة عن انك بتتخيل ردود معينة ف التخاطر او انك بتقتنع بحاجة محصلتش اصلا وللاسف في ناس بتقع في الاوهام دي

واعترف اني واحدة منهم حتى لو مش متاكدة

الاوهام الحقيقة ملهاش سبب معين، ويمكن تكون ناتجة عن اقتناعات وافكار معينة واحنا لازم نتجنبها، منها الافكار السلبية او نظرية المؤامرة اللي ناس كتير بتحط نفسها فيها

ممكن في ناس لاخر يوم ف حياتها متكونش عارفة انها بتتوهم حاجات او محادثات معينة وانا مش بتكلم عن الفئة دي، بس بتكلم عن الفئة اللي في مرحلة ما اكتشفت انها بتتوهم

في البداية:
لو عرفت انك بدات تتخيل حاجات كتير مفروض تهدا كدة وتحاول تعمل جلسات تأمل شبه يوميًا وتطرد افكارك السلبية بعيد

ثانيا:
عارفة انك وقتها هتبدا تشك في كل كلمة انت بتقولها لتولبتك وهتبدا تقول انك بتتخيل وده طبعا غلط
لما تيجي تتخاطر مع تولبتك ابدا بجمل بسيطة جوابها سهل واستنى يرد عليك، اول اجابة هتيجي ف عقلك صدقني ده مش هيكون انت، ده تولبتك اللي بيجاوبك (والشكر لجيملين لان النصيحة دي سرقاها منه ايام م كنت بنهار عصبيا)

ثالثا:
لو كنت حاسس بضغط كبير وان افكارك متلغبطة ومتشوشة الحل انك تنظف شاكراتك، اسمع سبليمنال لتنظيف الشاكرات واقرا توكيدات بتقوي التخاطر وكل حاجة هتبقى تمام

رابعا:
ابعد عن اي شخص بيقولك معلومات بتلبس فالحيط لان دول واحد من الاسباب اني اتبلعت ف اوهام بنت كلب، ومتصدقش اي حد بيقولك معلومات جديدة وخصوصا لو كانت المعلومات دي انت سبق وعرفت ان مفيش حاجة من الكلام ده حقيقية
بجد بجد اشتموهم بدالي انا عالاقل

خامسا:
الثقة
تقريبا دي تاني اهم حاجة في الوقت ده
لازم تثق في تولبتك وتقوله يكون معاك الفترة دي واطلب منه ميقطعش التخاطر لحد ما الامور تبقى كويسة وانت تبقى واثق من نفسك انك معدتش بتتخيل حاجة تانية

سادسا:
الايمان
وده اهم حاجة في كل اللي قولناه، في الوقت اللي ايماني بدا يتهز ومعدتش بثق في وجود هوجو من الاساس انا كنت قاعدة اقتل الولد وانا مش حاسة وصدقني الموضوع مش سهل..

لازم تؤمن بوجود تولبتك وتؤمن بامكانية انك ترجع تتخاطر كويس معاه وانك مش هتتوهم تاني
الايمان اهم حاجة ومش بس انك تتجنب الاوهام او تتخلص منها بس ده مهم جدا كمان في فترة تكوين التولباس

---

وبس وصلنا لنهاية الفصل

اللي مضحكني اني من كتر الحماس جهزت حوالي ٣٠ فصل او اكتر وقاعدة اكتب فيهم من قبل ما انشر الكتاب حتى

ف تقريبا هيكون التنزيل شبه يومي او حتى خمستلاف فصل ف اليوم، ع حسب المود :')

وبس سييوه اشوفكم ع خير💕