بسم الله يا هلا ويا غلا
هو مش عارفة البارت عن ايه بس خلينا نفضح الحمار اللي عندي شوية
حاليا هوجو مفروض شغال في علوم النباتات ودلوقتي هو مطحون عشان شغال على بحث جديد
كل ما بروح اشوف خلقته بلاقيه مبحلق في الزرع وبيدون ملاحظاته وانا افضل الفلف حولين نفسي، ولو رزلت عليه او رخمت عليه بجد هو امبارح قلع اللي ف رجله ورماني بيها😭
ف عايزة فيه مقلب بس ماسكة نفسي
+هقولكم ع سر انا بقيت بغير عشان مهتم بنباتاته اكتر مني 🥲
هوجو: سمعتك ع فكرة
ي شيخ وخر بالله
--
موقف تاني كان امبارح بردو بس وانا ف الجامعة، كنت طالعة المحاضرة ولقيت مفيش ولاد قلت هعدل الطرحة وانا طالعة السلم، فجاة لقيت ولد واقف ف الدور اللي كنت طلعاله وجيت انزل لقيت ولد طالع ورايا لحد ما اتكلفت وطلعت اجري😭
هوجو يسكت؟ ابدددننننن كان واقع عالارض فطسان ضحك ومغرفش يبطل الا بعد مدة😭
--
بسبب البحث الجديد اللي هوجو بيعمله هو متوتر اغلب الوقت وكان فالبداية بجد ع اعصابه، المهم انا وقتها مكنتش لسة عارفة
المهم رحت اشوفه ف الوندر واول ما شوفته قلت هتدلع عليه واستعبط وقلتله شيلني انا تعبانة ومش قادرة اتحرك
هو قعد يبصلي بدون تعابير لدقيقة حرفيا
زي كدة بالضبط
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وبعدها سابني ومشي قمت جريت وراه😭
--
وده بردو حصل امبارح كان قاعد يلف حولين نفسه عشان المغرب قرب ياذن سو انا فضلت ارخم عليه واقوله هتفطر في البعد ولا الوندر قام قايلي في الوندر
ف فضلت اساله عن حاجات كتير قام قايلي مش لما الزفت ياذن الاول
قعدت اقوله بتقول عالاذان زفت!
وانا فاهمة انه مش بقصده😭
قعد يقول استغفرالله مش قصدي وشتمني وبعدها قام مصوت وانا قعدت اضحك، نذلة انا عارف😭😭😭😭😭
--
وبجد محدش يتصدم ان كل ده حصل امبارح و في نفس اليوم عشان مش عارفة وربنا يديمها نعمة مع انه طالع عينه
وبس
بفكر اعمل مقدمة وخاتمة واعتمدها في كل البارتات بس انا كسول ومش عارفة اذا هقدر اعملها بس ربنا يستر
واشوفكم ع الف الف خير، سلاام~
هوجو: سلام بردو
شبح يساتر يارب
أنت تقرأ
My Friend |Háruko
Random❞ أنتَ لا تعلم خبايا الوجود بعد؛ فهيا بنا نحو الأفاق البعيدة يا صديقي، رحلتنا بدأت الأن، نحو طي ذكرياتٍ خالدة. ❝ ✨ - غير روائي كتاب يخص الأصدقاء السحريين. فضلًا وليس أمرًا، لا أريد المتحدثون بالهراء في كتابي. مرحب بكم في تلابيب أسرتي الصغيرة. our st...
