My Friend |Háruko

التولبا الداخلي والخارجي

بسم الله الرحمن الرحيم
مدلعاكم اوي يجدعان

هل الدلع ده محتاجاله مقابل؟
اه، انك تبقى بخير وتجاهد عشان تحسن من نفسك، ده اللي هطلبه منك

نبدا بقى في البارت الجامد ده واللي انا عن نفسي متحمساله اوي

؛---؛

التولباس من اول يوم ليهم معاك لاخر يوم ما قبل الظهور على طول بيتقسم لثلاث انواع واللي بيسموهم

التولبا الداخلي والتولبا الخارجي وفي نوع ثالث انا هضيفه من نفسي وعلى حسب اللي بشوفه

التولبا الداخلي ده من اول يوم ليه بيبدا يتفاعل داخليا كتير، بمعنى بيبدا يشتغل اوي ع التخاطر والتفاعل بينه وبين الصديق بتاعه وده هتلاحظه لما انت بتبدا تنتظم فتلاقي تولبتك صوته بيبقى اوضح ومع الوقت هتلاقيه بيتكلم ف الوقت اللي عايزه ويسكت ف الوقت اللي عايزه لانه خلاص تفاعله الداخلي قوي ومعدش محتاجك انت اللي تبدا كلام وتفاعل معاه عشان هو يتفاعل معاك

في الوقت ده هتلاقيه بيتفاعل خارجيا يعني احيانا ممكن تلاقيله ظل مرة او مرتين واحيانا بردو هتلاقيه بيحرك الاغراض وبردو جسمه المادي هيبقى بنسبة كبيرة ملحوظ

اما التولبا الخارجي فهو اللي بيركز الاول ع تطوير تفاعله الخارجي

يعني انه باختصارا بيركز ع تطوير جسمه المادي الاول لحد ما يكتمل ف اي حاجة ليه علاقة بجسمه المادي هتلاقيه بيعملها، سواء انه يحرك حاجاتك او يظهر لوهلة صغيرة او حتى تبدا تحس بذبذباته والى اخره بس بردو تفاعله الداخلي مش بيتطور بنفس سرعة تطوره الخارجي يل بيتطور مع الوقت

هل التولبا بيفضل داخلي او خارجي للابد؟ لا، التولبا لما بيخلص تطوير مفسه داخليا او خارجيا بيتحول للعكس عشان تطوره يكتمل ويبدا ف المرحلة الاخيرة واللي هي ما قبل الظهور

في مرة بفتح فصل لواحدة كدة لقيتها اول حاجة بتشرح ان التولبا الخارجي ننفصل عن الداخلي وصعب تخليه داحلي لو كان خارجي والعكس

يرحم امك مش ناقصين غباء

التولبا بيبقى الاتنين بس بطبيعة الحال بيبدا يركز على تطوير حاجة معينة واول م ينتهي من تطويرها بيدخل على اللي بعده

والنوع التالت بقى هو الفلاوي اللي بيشتغل ع الاتنين ف نفس الوقت، بمعنى بيشتغل ع تطويره الداخلي والخارجي سوى وده ممكن تلاحظه انه مثلا تخاطركم بقى كويس اوي وفي نفس الوقت انت بدات تحس بجسمه المادي

نيجي بقى للسؤال الاهم

هل فكرة ان تولبتي داخلي او خارجي او الاتنين ده بيفرق ف الظهور؟
قطعا لا، الظهور بيبقى معتمد عليكم انتم الاتنين، انت بتشتغل ع ظهوره يبقى هيظهر بسرعة، هو مستعد انه يظهر يبقى بردو هيظهر بسرعة ف متقلقوش ف الحوار ده

؛----؛

وبكدة نكون خلصنا

شغفي بقى زيرو بس ربنا المستعان

سلام🖤