- The Meaning of Love -

15

هايمي : متخافش لسه قدامي مشوار طويل قبل مافكر في الخطوة دي، لو طلعتلهم دلوقتي مش هيبقالي عين ابصلهم وانا ماحققتلهمش العدالة وجبتلهم حقهم ، لازم الاول ادفع كل واحد اذاني واذي اخواتي وعيلتنا التمن اضعاف، وقتها بس هقدر اروحلهم مرتاحه

لوهان واقف وراها خايف يقرب وصوتو متوتر وميت من القلق : طب انزلي بس عشان خاطري

اول مالفت عشان تنزل لقي وشها كلو احمر وعينيها بلون الدم من العياط

لوهان قرب ببطء وسحبها من علي السور وحضنها طبطب عليها عشان يهديها : انتي اقوي من انك تتكسري بالسهولة دي ياهايمي

هايمي وهي بتعيط : بس انا اتكسرت فعلا.. وكسرتي مكانتش بس ان الحيوان ده عمل فيا كدا، انا لسه مش قادرة اصدق ان ده تاو، تاو اتخلي عني في اكتر وقت كنت محتاجاله فيه.. حتي لو مكانش حبني .. انا كنت محتاجاله زي زمان لما كان بيبقي دايما معايا من غير الحب ده ، ليه مشي من غير مايبص وراه، مافرقش معاه اني قولتلو اني محتاجاله ،  تاو اللي كان اول واحد بيقف جنبي وبيسندني لما بحتاجله دلوقتي اتخلي عني كدا؟ ازاي بقي بالقسوة دي؟ ولا اللي كان زمان ده كان براءة طفولة وراحت وبقي زيه زي الباقيين اللي بيأذو من غير مايهتمو ..

لوهان : مافيش تبرير للي عملو بس اعملي حساب ان هو مش عارف ان انتي آسا ف اكيد مش هيعاملك نفس المعاملة بتاعت زمان انتي بالنسبالة شخص غريب عارفة من كام شهر بس

هايمي بصوت متقطع من العياط : يعني عشان مش عارف اني آسا يعاملني بالقسوة دي؟ مش ملاحظ ان ده بيأكد اللي بقولو انه بقي زيه زي الباقيين بيأذي اي حد عشان نفسه من غير مايبصله ماعدا اللي يخصون بس؟

لوهان : انا من الاول قولت ماببرش بس انتي قولتي انه مش زي زمان معاكي وبقولك.. طب اقولك انسيه خالص ، درجات هانا طلعت وجابت درجات كويسة وعايزين نحتفل بينا 😉

هايمي : الدرجات نزلت؟

لوهان : اه عرفتها قبل ماكلمك لما..

هايمي : لما حكولك اللي حصل.. بس انت عرفت منين ان تاو مش معايا هو كلمك؟

لوهان : عشان تصدقي انه مش وحش للدرجة دي .. اه كلمني وقالي اللي قالهولك وقالي انه كان لازم يعمل كدا عشان حس انه بيضحك عليكي وانك شخص مايستحقش ده، قالي انه ماقدرش يبصلك عشان ماقدرش يشوفك بالحالة دي ..

هايمي قعدت تعيط اكتر ..

لوهان : طب اهدي طيب صدقيني هو لو مكانش بيحبك مكانش هيفرقله يشوفك بحالة وحشة او كويسة، بس هو لسه مش مستوعب لسه موهوم انه بيحب لورين..

هايمي مسحت دموعها ورفعت راسها : مباقتش فارقة انا مابديش الفرصة مرتين وقولتلو وهو ماهتمش، قولتلو لو رجع بيموت مش هرجعه ، خلاص خد فرصتو وضاعت وانا مابرضاش بالاعادة..