- The Meaning of Love -

8

عدي ايام وجه معاد الحفلة*

في الايام اللي فاتت لوهان حاول مع تاو اكتر من مره عشان يخليه يرجع معاه وتاو مكانش راضي حتي سوهو وتشين حاولو يكلموه وبردو مكانش راضي بس قال انه هييجي الحفلة ..

يوم الحفلة الصبح*

البنات كانت بتلبس كان الزام انهم يلبسو سواريه ف راحو جابو فساتين اليوم اللي قبلو مكانوش قايلين للشباب هما جابو ايه ومكانوش موريين بعض شكل اللي جابوه كل واحدة كانت عايزة اطالتها تفاجئهم وتشوف ردة افعالهم ..

كل واحده جهزت وخرجت بعد فترة من اوضتها واتقابلو وكانو بيبصو لبعض بابتسامة ومبهورين بجمال بعض واستنو شوية العربية اللي طلبوها توصلهم تيجي وبعدين راحو الحفلة ..

طبعا الشباب موجودين هناك من بدري جدا لانهم لازم يبقو موجودين هناك بدري هما وباقي الخريجين لانهم استلمو شهادات تخرجهم الصبح زي ماقولنا والحفلة هتبدأ مع غروب الشمس 🌥

طبعا كلو استلم شهاداتو وغير هدومو ولبسو بدلات رسمية للحفلة وكانو موجودين لاستقبال الضيوف وكل اللي جايين يباركولهم علي التخرج وبعد ماستقبلو الضيوف ودخلو تاو كان اخر اللي جم ودخل بلامبالاه في ملامحو مافيش ملامح فرحة او حزن في وشو كان عادي جدا دخل وبهدوء سلم عليهم وهناهم علي التخرج هما كانو بيحاولو يتعاملو بطبيعية ومايلفتوش الانتباه بس هما لسه متضايقيين من اللي عملو ماهو مش زرار هيدوسو عليه يسامحوه ويصفو .. المهم سلم عليهم ولما جه قدام كاي وكريس وتشان عشان يهنيهم الاربعة كانو واقفين بيبدلو النظرات لبعض في صمت ومش لاقيين كلام يقولوه لحد راح لوهان وتشين رايحين يتكلمو عشان مايلفتوش الانتباه وهزوهم عشان يفوقو ف تاو سلم عليهم وحضنهم وهما حضنوه بس كلهم كانت مشاعرهم متجمده وبيحاولو يتعاملو..

المهم خلصت فقرة الاستقبال والتهنئة وهيدخلو يبدأو الحفلة بس قبل مايتحركو من مكانهم لاي قعد يكح جامد بطريقة غريبة ومتنح..

لفو يشوفو هو بيبص علي ايه .........

هانا ..

روزي  ..