"လူမသိသူမသိ စွန့်ပစ်ခံခဲ့ရတုန်းက ကယ်တင်ထားပေးတဲ့ ကျေးဇူးရှင်သူငယ်ချင်းပေါ့ King လို့ခေါ်တယ်"
အဏ္ဏဝါ့စကားကြောင့် ဦးဇေယျမျက်နှာအရောင်ရင့်သည်။ နှလုံးသားထဲဝင်တဲ့ကျောက်ခဲသလဲဆိုတာ ပျော်ကျရိုးထုံးစံမှမရှိဘဲ။ မေတ္တာငတ်ပြီးနေခဲ့ရတဲ့ အဏ္ဏဝါဇေယျရင်ထဲမှာ အစိုင်အခဲတွေဘယ်လောက်များလိမ့်မလဲ။ အပြင်လူရှိနေတဲ့ ဒီစကားဝိုင်းမှာတောင် မမြိုသိပ်နိုင်လောက်အောင် အဏ္ဏဝါ့မျက်နှာထား တည်တင်းနေသည်။ ဦးဇေယျအနေအထားလည်း မကြည်လင်တော့ပေမယ့် အမူအရာတွေကိုတော့ ထိန်းသိမ်းနေသေး၏။
"Ravi de vous rencontrer (Nice to meet you King)"
ဦးဇေယျက လက်ကမ်းပေးကာ King ကိုနှုတ်ဆက်သည်။
"မင်္ဂလာပါ အန်ကယ်လ်"
ဦးဇေယျမျက်နှာမဲ့သွားသည်။
"ပြင်သစ်နိုင်ငံသားမဟုတ်ဘူးလား"
"King က ပြင်သစ်နိုင်ငံမှာကြီးတဲ့ မြန်မာ"
"အော်... ဘယ်အိမ်ကသားလဲ။ ပြင်သစ်မှာလည်း အန်ကယ်လ့်အသိတွေရှိတော့"
"ကျွန်တော်က မိဘမဲ့"
"အော်..."
ဦးဇေယျမျက်နှာမှာ အထင်မကြီးမှုနဲ့ နေရာမပေးလိုတဲ့အမူအယာတွေထင်ဟပ်လာတာ King မြင်နေရသည်။ အဏ္ဏဝါမဲ့ပြန်သည်။ ပန်းသီး၊ နဂါးမောက်သီးနဲ့ နာနတ်သီးတွေကို ခပ်စိတ်စိတ်လှီးထည့်ထားတဲ့ပန်းကန်ကို King ရှေ့တိုး ပေးလာ၏။
"မိဘမဲ့ဆိုတိုင်း ဆင်းရဲဒုက္ခတွေနဲ့ လောကဓံရဲ့ နှိပ်စက်မှုခံနေရတဲ့ကလေးလို့ထင်နေရင်တော့ ဒက်ဒီ လူကဲခတ်အရမ်းညံ့တယ်လို့ ကျွန်တော် ဝေဖန်ချင်တယ်။ King က Mesopotamia ဟိုတယ်ပိုင်ရှင်။ လတ်တလောလည်း Yangon Bus ယာဉ်လိုင်းရဲ့ တင်ဒါအောင်ထားတဲ့ သူဌေး"
ဦးဇေယျပါးစပ်ထဲထည့်ခါနီး ပန်းသီးစိတ်လေးက လမ်းတစ်ဝက်မှာတင် ရပ်တန့်သွားသည်။ King မသိချင်ယောင်ဆောင်နေလိုက်ပြီး နဂါးမောက်သီးတစ်စိတ်ကို ခက်ရင်းနဲ့ခပ်ဆဆထိုးယူစားလိုက်သည်။ ဦးဇေယျလိုလူနဲ့မိတ်ဆွေဖွဲ့နိုင်ဖို့က အချက်အလက်တွေကို မဖော်ပြဘဲတော့ မဖြစ်နိုင်။ အချက်အလက်တွေကို ငါးစာအဖြစ်သုံးပြီး လာဟပ်မယ့်သတ္တဝါတွေကို အမှန်တရားနဲ့ဖော်ထုတ်ရမှာဖြစ်သည်။ ဦးဇေယျ မျက်လုံးတွေတောက်ပသွားတာကို King ရိပ်မိသည်။
YOU ARE READING
KING
Actionကံတရားကေနာက္တစ္ႀကိမ္လွည့္စားခဲ့ရင္ေတာင္ မင္းကကိုယ့္ဆီကိုပဲေရာက္လာဦးမွာ ကံတရားကနောက်တစ်ကြိမ်လှည့်စားခဲ့ရင်တောင် မင်းကကိုယ့်ဆီကိုပဲရောက်လာဦးမှာ Cover Artist_ Bryan
KING(18)
Start from the beginning
