قاع الارض

بارت 18

قاع الارض
     
                                                                           بقلم(سيلين علي)

الحمدالله ❤️

////////////.////////////

قائد

...كعدت مفزوع واقره بلرساله عدتهه اكثر من مره دخلت علئ صاحب رقم خابرته يطلع خارج نطاق التغطيه واحس دنيا طلعت من عيني منو هذا ومعقوله سلوئ عندهه واحد لا لا فطيره منيلهه هل سوالف كعدت علئ جربايه وايدي علئ راسي افكر هذا منوو ومنين جاب رقمي ومنين يعرف سلوئ ردت بس يطلع الصبح وروح لبيتهم وانعل والديهه منين يعرفهه لل 7 صبح. اني كاعد ماتحملت لبست ملابسي ورحت ركض لبيتهم اجيت ادك لباب باوعت يمنئ يسرا محد طالع خليت وطفرت علئ البيت دخلت .....كلش صغير وغرفتين كدامي ياهيه منهن غرفتهه الي علئ اليمنئ ردت افتحهه وحسيتهه مقفوله خليت ورحت علئ ثانيه لكيتهن نايمات وحده دايره ضهرهه من ثانيه كعدت فوك راسهه واباوع عليهه شعرهه علئ وجهه نايمه مثل طفل معقوله تسويهه وتصاحب واني صافن عليهه تقربت منهه وحجيت بصوت ناصي

قائد:ساسي ....كعدي

...ماكو عبالك ميته

...رجعت علئ اذنهه بصوت خافت

قائد:سايي ولجج اكعدييييي

.........   

سلوئ

...شلون نايمه نومه حلوه واحس صوت قائد يحجي بأذاني معقوله دا احلم فتحت عيوني علئ كيف وفزيت من مكاني

سلوئ:ها ...ها شكوو شكووو

.....لزمتهه من ايدهه وايدي علئ حلكهه لاتصرخ

قائد:اششششس اشششش تعاي بهدوء برا اريد احجي وياج

.....بقيت صافنه بوجهه شكاعد يصير شلون دخل للبيت وشيريد وشعده هنا طلعت ورا وكف عل درج ويحجي بعصبيه

قائد:تعاي نصعد فوك ليشوفنه احد

....من كال هيج خفت لان صارت بيه خوفه من زلم بعد الي صارلي بقيت متصنمه منا لمن خزرني صعدت ورا بلصطح مخلي ايدي بجيوبه وحالته حاله وعيونه ماتنشاف نار طلع تليفونه وقربه مني

قائد:هذااا منوو

....بقيت صافنه بتلفون شحجي هو اني عمري كله مالازمه تلفون

سلوئ:قائد شنو هاي شفهمت هسه اني ماعرف بلتلفون

....بقيت اباوعلهه ومقلص عيوني هيه لوتيه لو من صدك ماتعرف

قائد:شوفي اقري هاي رساله

...اخذت تلفون من عنده قريتهه واحس جسمي كله كزبر

سلوئ:شنو ....هذاا منوو ...قائد ولله ماعرف اصلن بحياتي ماتعرفت علئ رجال غيرك والله ماحاجيه ويه احد