همس:ما اعرف كل شخص وضروفة بس همام من الاشخاص الي تخون ماعرف بعد.
احمد :حبيبتي يخون او لا احنا اتفقنا مترجعين اذا مو سبب مفصل يبينلج ليش عافج بالمستشفى ومننسى شلون ضربج.
همس:اني احس قيس يعرف شي بس ساكت تلاحظ من تحجي انت او جدو ميقبل عليه مع العلم انت صديق همام اكثر منه.
احمد:اليوم يوصل قيس وادخلة بدورة تأديب اخلي يكت الاول والتالي راضية حضرتج علينا.
همس:استغفر الله واني اكدر ما ارضى بس شنو سالفة دورة التأديب الي الكل تحجي بيها.
احمد:هاي قبل جان اكو شي اسمة دورة تاديب تتعلمين الادب يم الحكومة.
همس:عزة وانت داخلها.؟!
احمد:طبعا اني وهمام حفظو اشكالنا من كثر منروح تصوري هناك اكو ناس كل فترة يروحون وحسب الوضع وناس اطول شهر مثلا اني اخذ غراض جديدة واعوفها هناك.
همس:ما اتخيلك يعذبون بيك يمة جسمي كزبر.
احمد:لا يابه يعذبون ونص شنو اني وحد وثانيا ترا هاي كلها لخاطر اغلاط ماكو تعذيب بدون سبب بس احنا جنا مستفلكين الوضعية هي صدك دورة تأديبية.
همس:زين وبعدها.؟
احمد:احنا نتأدب شهر ونرجع نلعب لعب ونرجع ندخل للدورة.
همس:ههههههههه شو اني ما اتذكر هيج احداث.
احمد:جنتي صغيرة وملتهية بالدراسة قبل ما انسى اليوم موعد الدكتورة.
همس:اليوم شو اني متذكرت وانت تذكر .!
احمد:يا ذكية اني حاط منبه ولا اني ذكرياتي على كدي .
اكلنا ودخل يرتاح واني بدلت وطلعت للسهولة لبست فستان طويل ولميت شعري بسكارف صغير وطلعنا.
الدكتور؛صحتة الطفل ممتازة بس انتي تعانين من سكر الحمل ووجود كيس مائي بجانب الطفل.
جنت متوترة كلش بالرغم الدكتورة زرتها كل شهر بس حسيت مدا استوعب حتى كلامها كل عقلي راح تطلب مني اجهض الطفل.
همس :يعني شنو اسوي .؟
الدكتورة:بنتي تلفونج وياج.!
همس:ها... اي اي تلفوني وياية تفضلي.
الدكتورة: لا انتي خابري على زوجج خلي يتفضل هنا.
YOU ARE READING
شقة العراقيات
Short Storyالدنيا ظلمة هندس والمكان مليان اشياء مقرفة ماعرف رجلي وين وعلى شنو دامشي احساسي هالمرة اخذني لمكان كلش غلط. صرخت وبجيت بصوت عالي حسيت نفسي مغدورة حسيت نفسي قائد جيش انتصر بس كل الاشخاص الي انتظرو ماتو وماكو احد يحزن لحزنه ويفرح لفرحتة. ركضت واني اجف...
البارت السابع عشر
Start from the beginning