نوفيلا حكايه مطلقة

البارت ٤

#اسكريبت ٤
#حكايه_مطلقة
قررت أن تحرق كل الصور وتتخلص من اي شيء ممكن أن يذكرها بسامر بعد مرور ١٠دقائق كانت تقف دنيا وهي تنظر إلي الصور وهي تحترق ظلت تنظر إليها إلي أن دخلت والدتها الغرفه

ام دنيا بخوف :يالهوي يابنتي انتي كويسه ابعدي يابت عن النار خليكي بعيده لحد ما اجيب حاجه تطفي النار دي

دنيا ببرود :سبيها انا عايزه النار تاكل كل حاجه ممكن تفكرني بسامر

ام دنيا بحزن علي حال ابنته:اعملي يابنتي اللي يخليكي مرتاحه

دنيا بهدوء :ممكن تخرجي لان انا عايزه انام

ام دنيا :حاضر يابنتي لو عايزه اي حاجه نادي عليا

..............................
بعد مرور يومين كانت تقف دنيا في البلكونه وهي تمسك كوب نسكافيه وتنظر الي كل شخص يمر في الشارع وتتحدث بينها وبين نفسها

دنيا :ياتر الرجل دا عايش مبسوط في حياته طب هي اي حكايه الست اللي ماشيه بتعيط دي طب البنت اللي بتجري دي بتجري كد ليه

ام دنيا بستغراب:دنيا انتي سرحانه في أي

دنيا :في حكايه كل شخص من دول

ام دنيا :وانتي فاكره انك هتقدري تعرفي حكايتهم من أشكالهم كل واحد فينا يابنتي عندو هم كبير اووي في مننا اللي مش بيان عليه اي حاجه والناس شايفه أنه مبسوط وأسعد واحد في الدنيا وشخص تاني مهموم وحزين الصوره مش ديما بيكون اللي فيها دا حقيقي بمعني شايفه البت اللي بتجري دي ممكن تكون متاخره علي الدرس والست اللي بتعيط دي ممكن تكون حصلت حاجه بسيطه جداا بس بسبب التركمات اللي عندها مستحملتش فاهمه يابنتي المهم بقي هنا اي انك مركزيش مع الناس اصلا ركزي في نفسك وفي حياتك

دنيا :هعمل كد من انهارده وهركز في حياتي انا وبس المهم قوليلي الظابط متصلش

ام دنيا :اتصل وانتي نايمه وقال إنه قبض علي سامر وأنه دلوقتي في السجن وكمان قال إن سامر طلاقك والورقه هتيجي ليكي انهارده او بكره

دنيا بفرحه :الف حمد وشكر لله كنت عارفه اني ربنا هيجيب ليا حقي

إم دنيا بحزن :بس انا خايفه من كلام الناس يادنيا انتي شوفتي الوليه العقربه قالت اي عليكي

دنيا بهدوء:ياامي مش كل الناس كد في ناس لسه نظرته في المطلقة زي زمان وناس تانيه شايفه أن المطلقة انسانه عاديه ليها حقوق وحياه عشان كد انا مش عايزه اركز مع الناس انا بس عايزه اركز مع نفسي كلام الناس مش هيخليني اوصل لحاجه بعكس دا هيرجعني للوارء

ام دنيا بستسلم:عندك حق المهم تعالي ادخلي اقاعدي جوه عشان متتعبيش

دنيا :حاضر ياماما يلا

بعد مرور ساعه كانت دنيا جلسه في غرفه المعيشه أمام التلفزيون

ام دنيا :حلوه اوووي المسرحيه دي انا بحبها جدا