رواية عقاب بلا جريمة"بقلم زينب سعيد"

الفصل الخامس عشر

رواية عقاب بلا جريمة. 

بقلم زينب سعيد. 

              الفصل الخامس عشر 

أميرة بقلق :دول باين عليهم أغنية أوي يا سليم.

سليم بالمبالاة :وأيه يعني يا أمي المهم أني بحبها وهي بتحبني.

أميرة بقلق: ماشي يا أبني.

بعد دقائق.

يأتي حسام ويرحب بسليم ووالدته بشدة ويجلس معهم حتي ينزل والده.

★***★***بقلم زينب سعيد***★***★

بعد ساعة.

نزل والد حسام الدكتور صفوت العشري بغرور فهو قد أصر علي النزول متأخرا ويعرفهم مكانتهم.

ليدخل الغرفة بغرور وعنجهية ويجلس ويضع قدم فوق قدم غير مبالي بسليم ووالدته الذين نهضوا لإستقباله.

ليتجاوز حسام الأمر ويتحدث بتوتر أتفضلوا أرتاحوا يا جماعة.

ليجلس سليم ووالدته بإحراج.

ليتحدث الدكتور صفوت :بتكبر خير يا سليم حسام قالي إنك طالب تقابلني.

سليم بتوتر :بصراحة يا عمي أنا جاي أطلب ايد الآنسة حلا.

صفوت بتكبر :جاي تطلب إيد حلا ممممم طيب أنت ساكن فين.

سليم بهدوء :ساكن في. 

ليقاطعه صفوت بتكبر :ساكن في شقة إيجار ولسه حتة ظابط متخرج وبتصرف علي أمك وأخواتك تقدر تقولي هتتجوز بنتي منين ولا فين ولا هتصرف عليها منين .

أميرة بهدوء :هو هيخطب سنة ولا أتنين عقبال ما يجهز نفسه يا دكتور .

صفوت بسخرية :لا والله هيجيب ليها فيلا زي دي أنت مرتبك كام يا سليم.

سليم بتوتر :تلات ألاف يا عمي.

صفوت بسخرية: أنت عارف مصروف حلا كام في الشهر ست ألف جنيه غير فلوس هدومها وحاجتها إلي بتجبها من بره مصر غير مصريف كليتها أنت ناسي أنها طب خاص غير الكتب وغيره عندك إستعداد لده كله.

سليم بخجل :والله يا عمي أنا بحب حلا وهقدر أعمل كل إلي أقدر عليه.

صفوت بسخرية :وهو أيه إلي انت تقدر عليه أصلا قوم أنده أختك يا حسام.

حسام بأدب :حاضر يا بابا.

لينزل حسام بعد دقائق ومعه حلا لتسلم حلا علي والدة سليم وسليم وتجلس بجوار أخيها.

ليتحدث صفوت بغرور :سليم جاي عشان يخطبك يا حلا أيه رأيك بس قبل ما تقولي رأيك أنت عارفة إنك لما تتجوزية مش هتقدري تكملي كليتك ولا تقدري تركبي عربيتك ومصروفك الكبير وهدومك إلي من بره ده كله هيتلغي وهتعيشي علي مستوي جوزك .