Devil's GAME

Chapter 33

"Natatakot po ako sa kanya," Sagot ng bata.

Nalungkot si Hurricane dahil sa sagot nito. Nagtangka siyang lumapit pero pilit nitong tinatago ang sarili sa bulto ni Primo. Sinenyasan naman siya ni Primo na huwag munang lumapit. Nanatili siya sa pwesto habang pinagmamasdan ang dalawa.

"Why?"

Napansin niya na lalong tumungo ang bata. Pinaglaruan din nito ang laylayan ng damit.

"K-kasi po hinalikan niya ako. Sabi po kasi ni Sister Mariam bawal halikan ng lalaki ang babae kung hindi niya ito pakakasalan. Ibig sabihin bawal din pong halikan ng babae ang lalaki. Paano niya po ako pakakasalan, e bata pa po ako. Hindi ko rin po kayang maghanapbuhay para sa kanya. Kahit sobra po niyang ganda, hindi pa rin nararapat na siya ang bubuhay sa akin. Ako po ang lalaki dapat responsibilidad ko siya,"

Natulala naman si Hurricane sa paliwanag ng bata. Hindi niya akalain na may ganito itong mindset. Sa tingin niya na sa 6 to 7 years old lang ito pero ganun na mag-isip.

Napalunok naman siya ng tumingin si Primo sa direksyon niya.

"Why did you kiss him?" Seryoso nitong tanong.

"What?" Gulat naman niyang sabi.

Hindi niya maunawaan ang gusto nitong iparating sa kanya.

"I said, why did you kiss him? He's too young for that."

Hindi naman siya makapaniwala sa sinabi nito.

"Are you serious?"

"Do I look like I'm joking?"

Napailing si Hurricane. Hindi naman ito mukhang nagbibiro dahil sa seryoso nitong itsura pero ang isipin na parang pinagsamantalahan niya ang bata ay isang malaking kalokohan.

Mabilis naman siyang nakalapit sa lalaki at hinila ito palayo sa bata.

"Bakit sinasang-ayunan mo ang iniisip ng bata? Dapat ipaliwanag mo na hindi tama na mag-isip siya ng ganoon. Bata pa siya! Dinidiin mo pa ako sa harapan niya!" Bulong niya rito para hindi mahalata ng bata ang gigil niya.

Bahagya pa siyang sumulyap sa bata na nagtatakang nakatingin sa kanila.

"You can't kiss someone without their permission," Sagot nito.

"He's a cute and adorable child. 

It's not a big deal to kiss him!"

"But it was a big deal for him,"

"Kaya dapat nating ipaunawa sa kanya na-"

"Ikikiss mo rin po ba siya?"

Napatigil si Hurricane dahil sa tanong ng bata. Kunot-noo siyang tumingin dito bago bumalik ang paningin kay Primo. Agad siyang umatras ng makitang sobrang lapit nila sa isa't-isa pero nagulat siya ng hapitin nito palapit ang kanyang baywang. Naramdaman niya ang kuryenteng dumaloy sa kanya ng maglapat ang kanilang katawan.

"W-what are you doing?" Kinakabahan niyang tanong.

Napalunok siya ng unti-unti nitong ilapit ang mukha sa kanya.

'Sh't!' sigaw niya sa isip pero iba ang isinisigaw ng kanyang puso.

Her body wanted him to kiss her and she unconsciously close her eyes to wait for the kiss. Nararamdaman niya ang mainit nitong hininga sa kanyang mukha na nagpapatunay na sobrang lapit nito.

"As much as I want to kiss you but I can't. I can't do it in front of a curious little man watching us,"

Napamulat si Hurricane ng maramdaman ang labi nito sa kanyang noo bago siya bitawan ng lalaki. Nagtungo ito sa harapan ng bata habang siya'y hindi pa rin makapaniwala sa ginawa nito.