#روايه أميره
الجزء السابع::
طيب لو مش هنفذ
عمار :: هتاكلي فطار وغدا وعشا الوقت
اميره:: نعممممم
عمار : ولله ده اللي عندي
اميره:: موافقه خلاص هاكل
عمار ::تمام مع ان بقول كفايه العشا وتتعاقبي علي فطار وغدا
اميره :: لا هاكل
عمار ::براحتك هنزل اخلي داده راضيه تحضري العشا وتحضرلك فطار وغدا وعشا وطلعلها لسانه وغمزلها
اميره:: بتحدي هاكل
نص ساعه وداده راضيه خبطت عليهاوقالتلها الاكل جاهز نزلت اميره لقيته اعد عالسفره ادامه عشا خفيف واحده توست وقطعه جبنه وعصير
وادام الكرسي بتاعها 3 صواني اكل فطار وغدا وعشا وجمب الفطار كوبايه لبن وجمب الغدا عصير وجمب العشا عصير هي شافتهم اتصدمت
اميره:: انت بتهرج صح
عمار:: لا مبهرجش انتي مش عملتي فيها سبع رجاله يلا ياشاطره كلي من غير صوت بس قبل الاكل عايز تفاصيل عن عماد
اميره ::انا مش عيزاه يعرف مكاني
عمار:: اخلصي
اميره:: شقتنا في الهرم وده العنوان................ بابا عنده معرض موبيليا كان بيبعد عن بيتنا بحوالي محطتين وده عنوان المعرض..............وده رقم عماد اخويا...............وفي قهوه جمب المعرض علي طول بيأعد فيها وفي كباريه في شارع الهرم كان ديما يقول اسمه فالفتره الاخيره اسمه روز وبس
عمار:: كل ده تكتبيه في ورقه تاني واي تفصيله تفتكريها اكتبيها اتفضلي يلا ادخلي المعركه وكلي
اعدت اميره قربت صنيه الفطار كان فيها توست وبيضه مسلوقه وقطعه جبنه وعسل ابيض وكوبايت لبن كلت وسابت العسل والجبنه واللبن
عمار :: بقول ايه اي صنيه هتمسكيها هتاكلي اللي فيها كله
اميره :: طيب موافقه بس بالله عليك بلاش اللبن
عمار:: حس انها صعبت عليه طيب موافق
كلت باقي الفطار بس هي فعلا مش بتاكل كتير كانت حست انها مش قادره بس مرضيتش تستسلم ادامه هو كل العشا بتاعه ورجع بضهره للكرسي وربع ايده وفضل مركز معاها بعينه المتكحله وبأبتسامه جميله ووش رجولي هي بصت لقته مركز
اميره::لا بقولك ايه متركزش معايا عشان اعرف اكل
عمار :: ليه هتتلغبطي
اميره:: ايوه مش بحب حد يركز في عيني كده
عمار :: حب يرخم عليه بصلها اكتر وهو مبتسم وبصوت هادي
ليه ؟؟؟؟
اميره اللهم اطولك يارووح
مسكت الصنيه التانيه كان فيها رز وسلطه وستيك وخضار سوتيه اتنهدت ونفسها تطلع تجري عالاوضه وتقفل علي نفسها عشان متاكلش بس حست انها هتبقي عيله اوي كلت معلقه رز
وبصتله وقامت معيطه زي الاطفال
عمار ::بتعيطي ليه
اميره:: ولله مش قادره اكل انا اصلا مش باكل كتير
عمار:: خلاص هتنفزي العقاب
اميره ::عيطت اكتر لا مش هينفع
عمار ::خلاص هتاكلي وده هيعلمك تاكلي اكلك بعد كده واعد بكل ثقه وبرود بس هي صعبانه عليه عشان عيطت
اميره::طيب هو انا ممكن اسألك سؤال
عمار:: يارب نخلص اتفضلي
اميره :: هو انا لو نفزت العقاب هتقول عليا قليله الادب
عمار :: ضحك من طريقتها الطفوليه ..لا طبعا مقدرش اقول كده وبعدين ده تنفيذ عقاب ولو مش عايزه تتعرضي للموقف ده تاني يبقي تاكلي اكلك
اميره ::حاضر
عمار ::حاضر ايه هتاكلي ولا هتنفزي
اميره:: بعياط هنفز
عمار:: اتبسط جدا بس مرضيش يبينلها طيب تعالي نفزي
قامت وهي بتقدم رجل وتأخر رجل وقفت ادامه وهو اعد زي ماهو مربع ايده وضهره لورا ومش بيبص عليها وغمضت عينيها وقربت من خده وباسته براحه وبعدت بسرعه
عمار:: بصلها براحه وقلها ايه ده
اميره : بنفذ العقاب
عمار:: لا مش في خدي
اميره:: في سرها هو ده اللي كنت خايفه منه وبصوت عالي لا انت بتحلم
عمار ::اعدي كلي ومش عايز عقاب وهتاكلي الاكل وعمل نفسه بيعلي صوته وطبعا هو بيمثل عليها
اميره:: اعدت تعيط جامد طيب عشان خطري خليها المرادي من خدك وانا اوعدك لو مكلتش تاني هنفذ عقابك
عمار:: احنا هنفاصل .طيب بصي انا موافق عارفه ليه عشان انتي صعبتي عليا وبعدين انتي عنديه وعارف انك هتقعي في يوم تمام
اميره ::تمام ولله مش هعند خالص وهاكل كل اكلي
عمار ::اما نشوف يلا تعالي نفذي
قربت منه وباسته من خده
وبعدت
عمار :: دي بتاعت الغدا فاضل بتاعت العشا
اميره ::لا انا ادتهالك من شويه
عمار:: وقف لا مش هتتحسب عشان كنتي بتساوميني
اميره:: انت استحليتها مش هديك تاني
عمار ::تمام عقابي هيرجع وحالا
اميره لا وعلي ايه قربت وشبت علي طراطيف رجليها عشان تطوله واديته بوسه وجريت علي فوق بسرعه تصبح علي خير
عمار في سره وانتي من( أهلي)😍😍
الكل نام وعمار صحي علي شغله كان عنده شغل كتير وطول اليوم مشغول ادهم وصل الشغل وفضل مشغول معاه وطبعا الاعده معاه مش هتخلي من المناغشات والضرب والضحك مع ادهم
عمار كلم ماجد وعرفه كل التفاصيل اللي عرفها عن عماد بس لاخر وقت غير رأيه وخلي ادهم هو المسؤول ادامه عشان حاسس ان ادهم هيعرف يتصرف اكتر وعشان مشغول مع يارا خطيبته في تفاصيل الجواز
ماجد : تمام ياعمار بس اي حاجه عايزيني فيها انا موجود بردو
عمار :: تمام ياماجد انت فالشغل
ماجد :: ورايا شغل كتير انهرده واخر اليوم هنزل انا ويارا ورانا كذا حاجه
عمار :: تمام سلمليي عليها كتير لحد ما اظبط يوم للعشا نتعشا كلنا سوا
ماجد تمام ياصاحبي يلا سلام
عمار سلام
عمار : انت كده خلصت روح انت بقي وعايز انهرده اعرف اي معلومه
ادهم : تمام
عمار : طيب عرفني هتعمل ايه
ادهم:: لا سيبهالي انا بقي انت مش بتثق فيا دي لعبتي وكله يهون عشان خاطر اميره حبي انا
عمار:::: حدفه بعلبه السجاير ولله هضربك
ادهم :: رجعله تاني بقولك ايه هتعمل ايه صحيح مع سامح المر وابوه فالصفقه الجديده
عمار: متقلقش هسويهم والصفقه دي بتاعتي
ادهم بس متنساش انه المررر
عمار المر علي نفسه انا عمار الليثي
ادهم احبك وانت واثق متجيب بوسه
عمار امشي جتك القرف لو حد دخل علينا ولله هيشك فينا
ادهم سلام يابوس
عمار :: اسماء ابعتيلي ملف الصفقه الجديده وملف المر
اسماء حاضر يامستر عمار دقيقه ويبقي عندك
عمار:: ياانا ياانت ياسامح يامر هعرفك
ازاي تعمل راسك براس اسيادك
في الفيلا
نور صحيت هي واميره وفطرو مع داده راضيه واميره كلت كل اكلها خايفه من عقاب عمار
داده راضيه:: مرتاحه هنا يا اميره
اميره :: جدا ياداده الحقيقه كلكم ناس جميله جدا وكفايه وقفتكم جنبي
داده راضيه:: ان شاء الله عمار يجبلك
حقك وتعيشي وانتي مرتاحه
اميره يارب ياداداه
اميره:: مالك يانور
نور:: فين عمار انا عيزاه
اميره:: مينفعش تقوليلو عمار عيب كده
اميره:: هو اللي قالي احنا صحاب واقوله ياعمار مش تدخلي بين الصحاب
داده راضيه واميره هههههههههه
طيب يلا تعالي اغيرلك هدومك وبعدين روحي العبي
نور ::لا انا عايزه اكلم عمار الاول
اميره:: مينفعش يانور وبعدين اكيد عنده شغل وانا اصلا مش معايا تليفون ومش عارفه رقمه اصلا
داده راضيه :: والنبي ما ازعل القمر اللي ملت البيت روح وضحك استني هكلمهولك لو مشغول هيكنسل ويتكلم بعد شويه لو فاضي هير د
نور :: طيب
عمار :: الو ازيك ياداده صباح الفل في حاجه ولا ايه
داداه راضيه :: ايوه نور زعلانه منك ومش راضيه تلعب وكانت عايزه تكلمك لو فاضي
عمار :: ايوه فاضي ادهالي
نور :: الوو انا زعلانه منك ومخصماك ومش هكلمك تاني وتعالي يلا خد لعبك
عمار :: الله الله ليه كده بس انا عملت حاجه
نور:: مش بتكلمني ومش شوفتك ومش جيت صحتني
عمار:: حقك عليا نزلت بدري عندي شغل وبعدين مينفعش ادخل عليكو الاوضه وانتو نايمين بس حقك عليا انا هصالحك ولما اجي هاعد العب معاكي
نور :: طيب ممكن اقولك كلمه سر
عمار:: طبعا
نور:: انا عايزه شوكولاته
اميره:: نور كده عيب ويلا اقفلي بقي عشان شغله
اميره من جواها كانت نفسها تسمع صوته ومش عارفه ليه
عمار ::بقولك ايه يانور قوليلها ملكيش فيه
نور:: ملكيش فيه
اميره بنت عيب كده
نور:: عمار اللي قالي
عمار:: هههه بتفتني من اول قلم
بقولك ايه هجبلك كل حاجه نفسك فيها واناجي تمام كده موافقه
نور ::موافقه يلا باي
اميره كان نفسها يقولها اديني اميره
وعمار كان عايز يسمع صوتها بس حب يتأكد من احساسه ده
يلا باي ياقلبي
نور باي
اميره طلعت تغير لنور ومعاها داده راضيه عشان ايديها طبعا
عند ساره واحمد
ساره:: الو ايوه ياحبيبي
احمد:: ايه ياعمري صحيتي
ساره::ايوه ونزلت كمان
عمار::يابختك نازله متأخر
ساره:: معنديش شغل بدري فالمستشفي عندي بليل بس فالعياده فاقولت انام وبعدين هعدي عليك عشان نتغدي سوا عشان وحشتني
احمد::ماشي ياحبيبي هستناكي
عند يارا وماجد
ماجد ::بس ياستي هي دي كل حكايه اميره
يارا:: هو في كده انا قلبي وجعني عليها اوي
ماجد:: سلامت قلبك هو مينفعش اصعب عليكي وتجيبي بوسه
يارا :: هقول لاحمد
ماجد :: انتي بتهدديني طب هاخد بوسه ووريني هتقولي ايه
يارا :: لا لا لا ههههه ياقليل الادب
ماجد وربنا بحبك بقولك ايه هنخلص شغل بسرعه وبلاش دلع عشان ورانا حجات مهمه ننزل نجيبها خلينا نخلص الشقه دي بقي عشان نتجوز
يارا :: انت متسربع علي ايه
ماجد:: تعالي وانا اقولك
يارا:: هههه بعينك
عند رؤوف وراويه
رؤووف بقولك ايه انا حجزت علي بعد بكره خلاص عشان في شغل كتير وفي صفقه مهمه بتاعت الزفت المر وابنه سامح وعايز اكون مع عمار
راويه ::ماشي ياحبيبي انا كمان عايزه انزل مصر
رؤوف ::زهقتي مني بسرعه كده وانا اللي قولت اخدك واهرب بيكي شويه
راويه : مقدرش ياحبيبي بس الولاد وحشوني اوي وبعدين عايزه اشوف اميره خصوصا كمان ان داده راضيه كل يوم تديني تفصيل عن اليوم وبتقولي انها حاسه ان عمار متغير
رؤوف ويوم ماهيتغير يتغير مع اميره
طيب وايه المشكله ادام كويسه وبعدين هي ايه زنبها
رؤوف:: انا قولت حاجه المهم اصلا ابنك وانتي عرفاه كويس
راويه:: ربنا يهديه يارب
فالقهوه
ادهم: عايز قهوه مظبوطه
عامل القهوه ::تأمرني
ادهم: بقولك يا
عامل القهوه: محمد ياباشا
ادهم بص يامحمد خد دول ليك....اداله فلوس
عامل القهوه ::تسلم ايدك ياباشا بس ده كتير
ادهم : بص ياسيدي انا عايز بس اعرف ايه رايك في معرض الموبيليا ده عايز اجيب منه حجات بس عايز اطمن لسمعته والخشب بتاعه يعني حد اشتكي قبل كده
عامل القهوه : بص ياباشا المعرض ده بتاع المعلم سعيد الباشا
راجل محترم وسمعته سبقاه
متجوز وعنده بنتين مربيهم كويس والكبيره في كليه طب وهما اهم حاجه عنده هما والست والدتهم هو كان بيحبني اوي وساعد معايا في حاجت جوازي يعني من الاخر ناس محترمه
ادهم :. كان بيحبك
عامل القهوه : لا مقصدتش بس هو الله يرحمه العربيه اتقلبت بيه هو والست بتاعته واتوفو والحقيقه الكل حزن عليه
ادهم:: طيب خد دول كمان
عامل القهوه:: بس ده كتير ياباشا
ادهم:: ولا كتير ولا حاجه انا اصل كدبت عليك انا ولا عايز اشتري موبيليا ولا حاجه الحقيقه انا كنت مرتبط بالانسه اميره وكنت هتقدملها بس قررت اسافر اكون نفسي عشان ابقي اد المسؤوليه ومن يوم ما رجعت وهما ولا حس ولا خبر
عامل القهوه:: قولتلي انا بردو شكيت انك عايز تشتري حاجه
بص ياباشا من يوم وفاه المعلم سعيد الباشا وفعلا حصل اختفاء لبناته كمان ومحدش بقي يشوفهم اول شهر المعرض اتقفل حوالي اسبوعين بعد كده رجع اتفتح تاني والانسه اميره كانت بتيجي هي واختها الصغيره تشوف الشغل بس هي مكانتش فاهمه في حاجه وبعدها بمده بسيطه ظهر استاذ عماد وقال انه ابن عم سعيد بس صراحه مكنتش برتاحله
ادهم : ليه
عمل القهوه::مش عارف بس هو مش مريح ومن يوم ماظهر بعد الحادثه والانسه اميره ونور اختها اختفو
وحبيت مره اسأله عليها كان فاليوم ده واضح عليه انه محشش كنت متردد بس قولت مش هخسر حاجه المهم سألته
قالي وانت مالك بتسأل عليها ليه قولتله عشان خاطر عم سعيد مش اكتر والناس دي ليها افضال عليا قام رد عليا وقالي اتجوزت خلاص قولتله ولله طيب كويس اكيد شاب ابن حلال من زمايلها ربنا يعوضها خير
قام رد عليا وقالي لا ياسيدي اتجوزتني انا....انا العريس واعد يضحك يضحك استغربت من طريقته و عرفت ساعتها ان الصنف عالي وانها متجوزتش وكان بيهزر وادام بتقول كنت هتتقدملها يبقي فعلا كان بيهزر ماهو محدش بيتجوز اخته
ادهم :: غرببه طيب هو الوقت فين
لوقت هو بقاله حوالي اسبوع المعرض مقفول وشوفته من حوالي اربع ايام رابط راسه كلها بشاش وكان راجع من المستشفي ولما اطمنت عليه قالي انه وقع ودماغه اتفتحت بس.
ادهم : هو ليه علاقه بحد
عامل القهوه لا خالص مش بشوفه مع حد ولا حد بيتعامل معاه
ادهم::طيب هو هيئته ازاي اصلا انا
معرفوش واول مره اصلا اعرف ان ليها اخ
عامل القهوه ::هو شاب عادي شكله من لبسه يعني حد نضيف وبيهتم بنفسه ومعاه عربيه يعني شكله ابن ناس
ادهم:: طيب تسلم
عامل القهوه تحت امرك لو احتجت تسأل علي اي حاجه ده مكاني ولو وصلت ابقي طمني عليها هي واختهابالله عليك
حاضر ان شاء الله
بتبع الجزء التامن😍😍😍تفاعل كتييييييرلو عايزين احداث ومفجئات كتير
