#روايه_ أميره
الجزء الرابع....:
ساره حاولت تهديها هي وداده راضيه
والبنت بتصوت والبنت الصغيره منهاره من العياط
داده راضيه شغلت قرأن عشان يهديها
ساره: حبيبتي اهدي متخافيش مفيش حاجه هتأذيكي ولا حد يقدر يجي جنبك انتي عندنا في امان محدش يقدر يوصلك اهدي البنت خايفه جدا اهدي عشانها كل ده وهي مش متفاعله معاها خالص
ساره::طيب لو خايفه في حد من اهلك نكلمه يجيلك هنا البنت هزت راسها بالرفض
ساره:: طيب خلاص مش هنكلم حد وهي ميته في جلدها واعدت عالارض ساره اعدت عالركبها جنبها وحاولت تلمسها عشان تحسسها بالامان الاول البنت كانت بتقاوم لحد ما القرأن هداها خالص وابتدت تستسلم للمس ساره ليها وداده راضيه اعدت جنبهم عالكرسي وحطت ايدها علي راسها وابتدت تقرالها قرأن البنت اخيرا استسلمتلهم وهديت معاهم خالص حتي البنت الصغيره سكتت خالص وكانت اعده علي رجل ساره وادتها لعب من لعبها وهي صغيره البنت اعدت بيهم عالسرير
داده راضيه ::قالتلها لازم تفطري انتي والبنت انتو من امبارح مكلتوش
ساره روحي هاتي الفطار ياداده وانا هأكلهم
راحت نجيبه وحاولو يأكلوها الاول مكانتش راضيه ابدا لحد ماوافقت واعدو يأكلوها البنت الصغيره كلت كأنها مكالتش من يوم ولادتها وساره شربتها اللبن والبنت الكبيره فضلت تاكل وهي دموعها مش بتقف لحظه ادتها اللبن مرضيتش تشربه ابدا ومان واضح انها مش بتحب اللبن اصلا
حاولو يعرفو اسمها معرفوش منها رافضه الكلام خالص
حاولت ساره تتكلم مع البنت الصغيره واخيرا البنت خوفها راح وحبت ساره طبعا عشان ادتها شيكولاته ولعب وقالتلها لو قولتيلي اسمك هجبلك لعب احسن من دول بكتير
البنت الصغيره: وهتجبيلي عروسه؟
ساره: عروسه واحده بس انا هجبلك كل العرايس الحلوه اللي تختاريها
البنت انا اسمي نور
ساره: الله اسمك جميل اوي تعرفي اني نفسي اجيب بيبي جميل زيك كده واسميها نور
البنت ضحكت
ساره : شاورت عالبنت الكبيره طيب هي اسمها ايه
نور: اسمها اميره
ساره: الله ايه الاسامي الحلوه دي انتو اساميكم احلي من اسمي
نور: حضرتك اسمك ايه
ساره: حضرتي ايه الجمال والادب ده انا ياستي حضرتي اسمي ساره
وايه رأيك لو نبقي صحاب لان معنديش اخوات بنات ومش عندي صحاب
نور: موافقه
ساره : هي تقربلك ايه انا كنت فكراها مامتك
نور: لا دي اختي
ساره : طيب انا ممكن ابقي اختكم
نور هزت راسها بالموافقه وفاللحظه دي ساره حست البنت الصغيره اطمنتلها خالص حتي الكبيره لانها سامعه كل الحوار ده وسيبالها اختها ومش بتحاول تاخدها منهم زي ماكانت بتعمل بس كانت اعده ومبلمه ودموع بس بتنزل منها وداده راضيه كل ده اعده جنبها بتقرالها قرأن
ساره : طيب ممكن يانور يا اختي ياجميله اخر سؤال
نور اتفضلي
ساره مين عمل فيكو كده
نور رجعت تتوتر تاني وساره كمان
ساره:: طيب خلاص بلاش بس لما تحبي تحكي انا هسمعك بس عيزاكي تعرفي ان محدش يقدر يأذكي انتي واميره اتفقنا
نور : اتفقنا
الباب خبط ودخل عمار
اميره مسكت اختها ورجعت لورا
ساره متخافيش عمار ده اخويا وهو اللي انقذكم وجابكم هنا عشان تكونو في امان
هو طيب خالص يانور اوعي تخافي منه
عمار: الله انتي اسمك نور اسمك جميل اوي انتي تعرفي ان ساره اختي نفسها تسمي البيبي بتاعها نور
نور: ايوه هي قالتلي
عمار اتبسط انها ردت عليه
ومدلها ايده عشان تجيله نور ضحكتله وكانت هتروحله بس اميره شدتها تاني لحضنها
عمار: سبيها متخافيش مش هأذيها ولا هأذيكي وبعدين انا اتفقت مع نور اننا هنكون صحاب يا...
نور: اسمها اميره
عما: الله اسمها جميل زي اسمك يانور
سبيها متخافيش وبعدين انا لو عايز أذيكي كنت سيبتك فالشارع مش اجيبك هنا وبعدين لو انتي خايفه من حاجه متخافيش الفيلا هنا عليها حراسه مشدده وفي بودي جارد مالي الفيلا بره يعني محدش يقدر يجي هنا
نور يعني ايه بوجي جارد
عمار: ههههه اسمه بودي جارد دول ناس بيجو يحمو المكان وميخلوش اي حد يدخل
نور: طيب ماانت قوي ليه تخلي الناس تحميك
عمار : ولله يانور انا اصلا مش بحبهم خالص وديما لما بخرج مش باخدهم معايا خصوصا لو بابايا مش هنا بخرج براحتي بس في وجوده مقدرش لازم يخليهم يجو معايا في كل حته
اميره ابتدت تسمع كلامه وساكته وشويه بشويه عمار وساره حسو ان اميره ابتدت تسيب ايدها شويه بشويه عن نور لحد مانور ابتدت تروحله واعدت تهزر معاه ويلعبها باللعب
داده راويه وساره كانو مستغربين عمار اوي ازاي بيلعب وبيهزر ازاي الراجل اللي بيهز الارض وبيهز الدنيا وكل الدنيا بتعمله حساب ياعد يهزر ويلعب ويعمل كده عملو في ايه عشان يكسرو الحاجز اللي مقفول من كام سنه من يوم ما كان عمار خاطب بنت كانت معاه فالجامعه وللاسف مكانتش اد الحب اللي عمار حبهولها وساعتها كان عمار بالنسبالها مكنش رجل الاعمال الكبير اللي مصر كلها بتعمله الف حساب وفضلت انها تقرب من دكتور ماده كانت ديما بتسقط فيها هي كانت شخصيه وصوليه بتجري ورا مصلحتها مع اي حد وطبعا عمار سابها ومن يومها حلف يندمها علي حبه ليها وبعدها بفتره اتعلق ببنت تاني وواكتشف ان سلوكها مش حلو وعرف بالصوت والصوره انها بتعمل علاقات غلط مع شباب طبعا اتصدم لتاني مره ومن بعدها كره الستات بسببهم
فضل يلعب معاها وهما مركزين معاه واميره ساكته وبتبص عليهم
فجأه الباب خبط عم محمد دخل عامله ايه يابنتي انهرده يارب تكوني بخير اميره فضلت مركزه معاه ومخافتش بس حاسه انها مرتاحه خبط الباب ودخل احمد وادهم وماجد اميره ابتدت تعمل نفس صوت الخوف تاني ونور مسكت في رجله جامد وطي عليها شلها مسكت بأيدها الاتنين في كتفه ونامت علي كتفه حس احساس عمره ماحس وقلبه فضل يدق من حضن نور ليه وحس بضربات قلبها وخوفها وابتدت اميره تعيط وتعمل صوت كله خوف وهلع وفي هستيريا مسيطره عليها من كتر الخوف ساره ابتدت تهديها وتعرفها عليهم عشان متخافش واميره مش ساكته
ساره اميره حبيبتي ده احمد جوزي ودكتور متخافيش
اميره مستمره حاطه ايديها الاتنين علي ودنها وبتهز نفسها لادام وورا والحاله مسيطره عليهم
ساره: ده ماجد وادهم صحاب عمار اخويا هما اللي انقذوكي معاه وبرده مفيش فايده عمار ابتدي يضايق عشانها اطلعو بره كلكم
اطلعو بسرعه ساره خرجتهم براحه وخرج معاهم عم محمد وداده راضيه قامت تشيل صنيه الفطار وماشيه تكلم نفسها ربنا يشيل عنك ياحبيبتي
خرجو كلهم وساره بتقفل الباب وراهم نور نامت في حضن عمار ودي حاجه كانت مفرحاه جدا وواجعه قلبه اوي
حطها براحه عالسرير وغطاها
ساره خلاص يا اميره خرجو متخافيش وبمجرد ماخلصت كلام غابت عن الوعي وكأنها استسلمت لما ساره طمنتها فاللحظه دي ساره صوتت الحق ياعمار عمار كان قريب منها مسكها بسرعه وشلها وحطها عالسرير جريت ساره قاستلها الضغط وطلع واطي جدا ادتها حقنه وطلعو بره
عمار : وبعدين ياساره دي مش بتنطق في سر كبير في حياتها تفتكري هتتحسن
ساره انا حاولت يس لحد الوقت هي مش مستجيبه خالص بس ده طبيعي للحاله اللي هي وصلتلها دي وواضح ان الحاله دي مش من امبارح بس..... عشان توصل بالبني ادم لحاله الرعب والذعر والخوف وفقدان الثقه دي لازم تكون من فتره وده نتاج ايام ويمكن اسابيع او شهور البنت الصغيره اللي استجابت لما لعبتها باللعب وادتها شيكولاته عرفت اسمها واسم اختها بس مرضيتش تقول مين عمل فيهم كده وخافت
عمار : اختها
ساره: ايوه اختها بس الحاجه الوحيده اللي استغربتها واللي اميره استجابت فيها لما عرضت عليها لوحابه اننا نكلم حد من اهلها شاورتلي براسها انها مش عايزه
احمد طيب وده تفسيره ايه
ساره ولله لو علي تحليلي انا هما حاجه من الاتنين اول حاجه يكون ده حبيبها وتكون خايفه من اهلها ومحمله نفسها الغلط وخايفه يحاسبوها او تكون هي خايفه اصلا من اهلها وحد فيهم السبب فاللي هي فيه وطبعا التحليل الصح والسر مع اميره
ادهم:: بعيدا عن كل ده بقي قلق عمار قالقني
عمار حدفه بعلبه السجاير يلا ياض امشي من هنا
ادهم :همشي يا عم عندي شغل بس خلي بالك من الموزه
عمار : طب احدفه بأيه تاني مسك طفايه السجاير حدفها ادهم وطي في اقل من ثانيه جت فالفازه اتكسرت ادهم بص ورا بخضه
يا ابن المجنونه لا انا هطير انا احمد فطسان مالضحك هو وماجد ساره ::ولله ياعمار كانت هتيجي فيه
عمار ::احسن عشان ارتاح منه
ماجد:: انا همشي انا عندي شغل كتير والمفروض بليل هقابل يارا عشان نجيب حاجات للبيت
احمد : قرطاس انا هقابل يارا
ماجد : هي مش خطيبتي ياعم ارضي عني بقي انا جوز امك
احمد : اوسخ ولله
مشي ادهم ومشي ماجد واحمد بيستأذن هو وساره
ساره ::هخلص اللي ورايا ولو قدرت اجي هجيلك بليل وطبعا لو احتاجتني كلمني في اي وقت ياحبيبي
احمد: حبيبي اه والله فعلا انا قرطاس ماجد هقابل يارا بليل وساره ياحبيبي
عمار مسكه من رقبته ::في اعتراض اختي تقولي حبيبي
احمد : يخربيت اللي يزعلك هتكسر رقبتي بأيد اهلك الطرشا دي
مشيو احمد وساره وعمار ماصدق اخيرا بقو لوحدهم داده راضيه قالتله هروح احضر الغدا وهو بعت عم محمد يجيبلو ورق مهم ويعمل شويه شغل بما انه مش هينزل الشركه
وهو كان من جواه عايز يفضي البيت علي اد مايقدر. سابها نايمه ودخل علي موقع اون لاين للعب الاطفال واختار عرايس ومرجيحه وعربيه كبيره وعجله وزحليقه عشان نور وعشان تلعب فالجنينه براحتها واعد يختار شويه لعب واتصل بيهم وحجزهم واكد انه عايز الحجات دي ضروري خلال ساعه في فيلا الليثي
واتصل علي ساره طلب منها تدخل اي موقع تختار شويه هدوم للخروج وللبيت عشان نور واميره وتبعتهم عالفيلا
ساره: لا كده كتير وادهم عنده حق ايه يا عم الاهتمام ده كله
عمار :يعني بزمتك ينفع يفضلو بلبسهم المقطع ده
ساره : ماشي ياعم عندك حق يلا سلام بقي عندي كذا مشوار مهمين،وعشان الحق اختارلك كذا حاجه
عمار : ماشي ياحبيبتي خلي بالك من نفسك سلام
دخل عمار ياخد شاور وخرج لبس شورت جينس اسود وكوتشي اسود شيك اوي وتيشرت كت ابيض في اسود كان مبين عضلاته بشكل كبير ورافع شعره علي ورا ومظبط لحيته وراشش برفان قالب الفيلا كلها كان وسيم جدا خرج بره يشرب سجاير وعمل كذا تليفون مهمين اعد حوالي ساعه إلا ربع بيخلص شغل فجأه الجارد اتصلو ان في حد من شركه العاب طالب يقابله
نزله وخد منه كل الحاجه اللي طلبها وحاسبه ويادوب هيخرج اتصل الجارد تاني ان في شركه ملابس طلباه دخلوه وخد منهم الحاجه وحاسبهم برده ومشيو ولع سيجاره تانيه ووقف يشربها واعد يكلم نفسه انا ليه بعمل كده هي عشان صعبانه عليا بس لا لو صعبانه عليا كنت ساعدتها هي واختها وسبتهم كنت ودتهم المستشفي عملو معاهم اللازم وطبعا انا ولا خوفت من شوشر ه ولا الكلام اللي قولته لادهم وماجد عمار الليثي يقدر يعمل اي حاجه بس دي كانت حجه وفجأه حس بحد مسك ايده........
