قاع الشياطين

البارت السادس والعشرون

والله لاخنكج مد اديه وهجم عليها يخنكها نوب تكامشو بنص سياره هو وياها وجاهل بالنص يعيط ...

لكفته بعضه وعاط عضتني بت الكلب عضتني ، نزل عليها ستار يصيح دكااافي شبيك ..

جرها نزلها وصعدها بالصدر وخلو هو وره لوحده ، صعدت تبجي و تغلط ، ستار كل شوي يتلفت عليهم لا يمتاخون ..

وصلهم للبيت دخل عواد و هيه ركضت للبيت شارده دخلت لغرغتها و قفلت الباب عليها ..

ستار وصله و كعده بصاله ورجع للحفله ، 

رفع راسه عواد البيت يصفر بس هو لوحده ، يحجه ياكواو** هسه ديتونسون واني هنا لوحدي مثل جلب  ..

فر راسه وصاح  بصوت رن بالبيت ، ولج بربو* ديماا وينج تعاي هنا ..

كام لحيله يروح عليها ، مشه كم خطوه و عثر وكع ، انعل ابوج ديمااا وينج ، وصل لباب غرفتها دكه افتحي الباب ولج ..

ماحاجته .. دفرها برجله لج عااار رجلج مو يكلج افتحي الباب يعني افتحي يله ..

ردت بصوت عالي :-  امشي منا عواد مثكل بشرب انته ماتدري بنفسك ..

- ماكو احد وضايج تعاي انام وياج وين اروح ..

ماردت عليه ، صوت ابنها يبجي ..

-حجه اشمري هذا السكط الي ديبجي ، من الشباك وتعاي هنا يمي ،

ماردت عليه تجاهلته ، جر نفس بقله صبر ... حجه بهدوء :- عيوني دمدم ، رجلج مشتاقلج يله تعاي اني سامحتج على كل نكاسه سويتيها بحياتي بس اطلعي حتى ن**** 

ماكو رد ، خله راسه على باب الغرفه ، ديما اطلعين لا انعل والديج ، 

-حجت روح عواد الطفل مات بجي مخترع منك روح كاافي لخاطر الله ..

-افتحي الباب اني اسكته يله ..

-ماحجت شوي وانفتحت الباب ، وكفت الطفل يصرخ بيدها ، باوع عليه حك راسه دايخ ، هذا ماضن يسكت هيج، حجه اكلج عدي حبايه زركه نطحنها  تنطيها اله ..

فتحت عيونها و شهكت لا يال… مو اكول اني انته ماتنعدل سدت الباب بوجهه حيل ..

صاح بيها :- لا يالكحب* انا الج عبالي اسويج ادميه واذكرج انتي مره بس ماتستاهلين ، راح اشوفلي كح** بفلوس اشرف الي ..

عافها وطلع ،، …..

دخل ستار ، لكه الشباب بعدهم على كعدتهم بالحديقه  ، بس عدي ماشي لبيته ، دانيال كاعد يغني خطار عدنا فرح نعلك صواني شموع ..

يحجون وياه مايحجي ضايج ، يكللهم هاي تاليتني بيبرس يكلي هيج وكبال نسوان يفشلني ..

-رد بشار يمعود ميخلف صلي على محمد ..

-دار وجه نوب يكلي احطه بشسماتك ..

-ضحك ستار مو زين ماحطه من صدك غير عواد طاح بيها شوف وجه دعه خريطه .