မုယန်သခင်မက ဧကရီအနားကို အမြန်ရောက်လာပြီးမေးလိုက်သည်။
ဧကရီသည် အခြေအနေတစ်ခုလုံးကို စိတ်ထဲမှာ သေချာသတိရအောင် ကြိုးစားရင်း မှင်တက်နေသေးသည်။
"ကျေးဇူးပြုပြီး အရှင်မိဖုရားကြီး၊ မင်းသား ဝူကျန့် နဲ့ လီရူရိတို့ လက်ထပ်ထားတာကို ဖျက်သိမ်းဖို့ သဘောတူလိုက်ပြီဆိုတာ ပြောပါ"
လီရူရိအကြောင်း ထည့်ပြောလိုက်ချိန်မှာ ဧကရီ၏အမူယာက အပြစ်တင်လိုဟန်အဖြစ်ကို ပြောင်းလဲသွားသည်။ ၃
"အရှင်မိဖုရားကြီး...မယ်တော် အဆင်ပြေပါရဲ့လား။ မယ်တော့်ကို ကြည့်ရတာ ဖြူဖျော့နေသလိုပဲ"
အိမ်ရှေ့ မင်းသမီးသည် ဧကရီ၏ မျက်နှာပေါ်တွင် ပူပန်သောကရောက်နေသည့် အမူအရာကို မြင်လိုက်ရပြီး စိတ်ပူစွာမေးလိုက်သည်။
ဧကရီက ဘာမှ ခွန်းတုံ့ပြန်ခြင်း မပြုပေ။ ထိုအစား သူမသည် မောပန်းနွမ်းနယ်စွာ ဖြင့် သူမ နန်းဆောင်ထဲကို ဝင်လာခဲ့သည်။ အိမ်ရှေ့ မင်းသမီးနှင့် မုယန်သခင်မ တို့သည် အနောက်မှ အလျင်အမြန် လိုက်လာကြသည်။
"အရှင်မိဖုရားကြီး...တင်းတင်းက အရှင်မိဖုရားကြီးဆီက သတင်းကောင်းကို စောင့်မျှော်နေပြိး အိပ်ရာထဲတွင် နေမကောင်းဖြစ်စွာ လဲနေပါတယ် "
"မုယန် သခင်မ...မင်းပြန်သွားပြီး တင်းတင်းကို သေချာ ဂရုစိုက်လိုက်ပါ။" ဧကရီသည် မျက်လုံးများကို တင်းတင်းမှိတ်ကာ ပြောလိုက်သည်။
"အရှင်မိဖုရားကြီး?"
မုယန်သခင်မက တစ်ခုခုမှားနေပြီဟု ခံစားမိလိုက်သည်။
"မင်း..မင်းသား ကျန့်က ငြင်းခဲ့တာလား၊ အရှင်မိဖုရားကြီးက သူ့ရဲ့ အဖွားတော်၊ ဧကရီပါ။ အရှင်မိဖုရားကြီး သူ့ကို လက်ခံလာအောင် အတင်းအကြပ် မလုပ်နိုင်ဘူးလား"
"လုံလောက်ပြီ မုယန်သခင်မ.... !"
ဧကရီသည် မျက်လုံးများကိုဖွင့်ကာ ဒေါသတကြီးပြောလိုက်သည်။
"ကျန့်နဲ့ ရူရိ ကို ခွဲဖို့ မပြောနဲ့တော့.. အဲဒါ မဖြစ်နိုင်တော့ဘူး!"
YOU ARE READING
(Completed) ရူရိ/႐ူရိ (MM translation)
Historical Fictionဘာသာျပန္သူ - May King *မင်း တစ်ခါမှ မပိုင်ဆိုင်တဲ့အရာကို ဘယ်လို ဆုံးရှုံးနိုင်မှာလဲ။ *သူများ သနားတာကို လိုချင်တဲ့အတွက် မင်းရဲ့ အမေရင်းကိုယ်တိုင် အဆိပ်ခတ်တာကို ခံရရင် မင်း ဘယ်လို ခံစားရမလဲ။ *အငယ်ဆုံးသမီးတစ်ယောက်ဖြစ်ပေမယ့် ဘာကြောင့် အရင်ဆုံး အိမ်ထောင်...
Chapter (92) - စိတ်ပြောင်းသွားခြင်း
Start from the beginning
