زينب/توني صعدت لغرفتي دك علاء ....رجع دك....
فتحت خط ...
علاء:حبيبتي ليش متجاوبين
زينب:تينه يمي ومن راحت يله كدرت اتصل
علاء:اني حجيت ويه العمال كالو يومين ويكمل البيت حبيبتي استعدي معناها الاسبوع الجاي ان شاء الله زواجنا...
زينب:بس اني وياك ممتفقين على الزواج هسه اقصد خل شوية نأخرة ...
علاء:وليش نأخر زواجنا كلشي كامل بيوم واحد نفتر ونجيب اثاث سهلي للامور تسهل ..
زينب:صار ...
علاء:اممححححح احبج
زينب:احبك
سديت التليفون منه .....اني اي اني ورطت نفسي شجاني....خلص كلشي انتهى بس هو الصبح ماكال شي يمكن خاف اطفر وماخذة ملكه من عندة واستعجل بموضوع الزواج ....يمه ربي شسوي متوقعتها تصير صدك ...؟
اخلاص سوت اكل وصاحتهم تينه وزيد كعدو سوة ....
اخلاص:يلا ماما زنوبة وينج تعالي؟
زينب/نزلت وكفت كبالهم ...تينه ضلت تباوع عليه
زينب:لاتباوعيلي هيج ...
تينه:راح اعوف الأكل حتى ماريد اكل...
اخلاص:اش حرام احترمي نعمه الله....
زينب/كعدت بهدوء احرك اصابعي بقلق كتلهم :
_ترة...علاء خابر ويكول تقريبا كملنا كلشي ويريد الزواج بعد اسبوع ..
تينه:لللللللوووووييييي ...(ب استهزاء)
زينب:كافي تره راح اكلب الجدر فوك راسج
اخلاص:اسسس اسكتي حرام زينب نعمه الله كدامج تحترميها..وانتي ..انتي الي جبيتها لنفسج وانتي تتحملين كلشي راح تواجهيه....
يوم ويومين وثلاث ايام ... وكل يوم يجي يقترب بي زفافي....
وقبل يومين من العرس اجت اخلاص كالت"
_ يلا بدلي خل نروح نحجز بدله عرس ..
_ماريد روحي انتي وتينه ؟
_شنو روحي انتي وتينه هو عرس منو دكومي يلا..
_ماريد كتلج ماريد ...
_زينب هيج هيج لازم تروحين وتقيسين وتلبسين وتنزفين بيها هم...
_ما فرحانه مختنكه ماريد علاء ...
_باوعي هاي مالنا دخل بيها بس خل نروح وانتي وعلاء تفاهمي بعدين ..
طلعنا وحجزنا الفستان والحنه والكاسات والديجي وفستان الحنه ....ونخبصو بينا اني وعلاء همه وين وإني براسي الف فكرة ....يارب ....يارب قبل يوم من ليلة الحنه ...دك علاء جانت مرت خالو مصطفى كاعدة ترتب مكياجي...
مرت الخال:هههه مستعجل هههه يلحك بس عمي حقة طالعه كمر اويلي ...يلا جاوبي .....
ČTEŠ
رجال لاتعرف الحب(مكتمله)
ChickLitهي فاتنه ...هو رجل بلا رحمة،اي؟عاصفة جمعت الخريف والربيع معا ؟ أجتماعية،حقيقية،واقعية بقلمي #الكاتبة_شهناز_الخزعلي Jaymin
البارت31
Začít od začátku
