●●●
ساعه 4 :30 عصر
المربوعه صوت الرجاله يسلمو علي بعضهم والبنات جوا حيسات يوتن
ايمن...خشي من الكوجينه
هاجر...عينك من ايهم
ايمن...تمام
هاجر...خشت خيييير
امينه...هجوري نجك لي جت سلمت عليها وخذت منها امينه بدت اتبوس فيها
هاجر...تسلم عليهن وخشت علي حني امينه
امينه...نجك لي اشدوقي
فرح...ههههههه تضحك سرقت منها بوسه
امينه...حبيبتي سميتي نجك لي
ابتسام....خذتها منها خيررر ابنيت عمي السمحه
امينه...نجك لي تضحك عطيها ليا نخش بيها جوا
ابتسام...باستها وعطتها لها
بدن البنات يحوسن
امينه...وتن القهوه علي ماجيت
●●●
في المربوعه
خليفه....عطيت ياعمران
عمران..هالمره عطيت يابوجار
خليفه...كل شي علي البركه
صالح...ربي يتمم عليكم بالخير
خليفه عمران...انشالله يارب
عم مجدي....كي اللي اطاولت هالمطايبه ايناسبكم بكرة تكون الفاتحه
عمران...شاف ل صالح
صالح.. يناسب بكرا ياخذها ادير التحاليل في الصبح ويسير خير
خليفه...كل شي علي البركه معناها
وبدو يهدرزو
خش ايمن ايضيف فيهم
●●
ابتسام...لعند توا الجو تمام
مجدي...ههههه كنك خايفه
ابتسام...بنعرف من اللي ح يحجر هالمره
مجدي...معش ياخذك مني حددد يابنت عمران
ابتسام..يارب حبيبي
مجدي...وسام يرن علي
ابتسام...حاضر معاهم
مجدي...اها هوا واحمد
ابتسام...تمام ياقلبي
مجدي...سلام ياروح صكر الو
وسام...معاها طبعا
مجدي..مش شورك
وسام...تمولك فيها وبكرا الفاتحه
مجدي...امشي كذاب
وسام...والله نحكي جد هاك معاك احمد
مجدي...الوو
احمد...مبروك ياطيري
مجدي...تحكو جديات
احمد.. بكرا اوعا بدري عدي دير التحاليل
مجدي...ناااعلي يعني مافيش اي تعرقلات
احمد...لا ياطيري ربي يهنيك
مجدي...يبشرك الله بالخير
احمد...يارب توا طالعين انت وين
مجدي...عند صاحبي
احمد...تمام عمامي طلعين للحوشنا تعال
مجدي...تم تم
احمد.. اوك وصكر
●●● #نورهان✍
خليفه....انشالله بكرا موعدنا وين تبو الفاتحه
صالح..هنا في الحوش
خليفه...خلاص وانت قلتها انشالله ربي يكمل عقدنا علي خير
عمران...انشالله
خليفه...صبا ديما عامر ياعموره
عمران...عامر بضيوفه
طلعو الرجاله لحوش خليفه
ايمن...هاجر
هاجر..نعم
ايمن..هيا
هاجر...انجيب منونه وين ايهم
ايمن...برا مع عبسي
هاجر...هيا جيتك
فاطمه...وين ماشيه
هاجر...ل امي
فاطمه...تلحقي عليها تعشي معانا
هاجر...لاوالله قاعده بروحها خوتي زاردين بروحها ف الحوش نمشي انونسها
فاطمه...تعالي بكرا
هاجر...خليها مفتوحه
فاطمه...سلمك جيايه
هاجر...سلمك ربي يهنيها انشالله
الكل...انشالله
حني امينه...دفي منونه
هاجر...حاضر ياعمتي
ابتسام...وين ماشيه
هاجر..الامي
ابتسام...كان قعدتي
هاجر...الجيات اكثر
طلعت.....
●●●
مكالمه فيديو....
هناء...اتجن بكرا
اروي...علي باتي
هناء...شور امي توا تحكي معاه خالي
رزان...خلاص تمو فيها
اروي...اها
هناء..شن قالت
اروي...تسأل قالت تمو فيها
هناء...قوليلها الفال لك
اروي...هييي
رزان...مطبسه ع التلفون كنك
اروي...قلتلك الفال لك
رزان.. علي اي واحد
اروي...حقيره
رزان...سؤال عبيط قوليلها انشالله
اروي...بالله عليك حبي قولي ل عمتي تكلم باتي
هناء...شوري تمام
~~~~~ #نورهان✍
فرح...الووو
عبدالله...وينك حبي من بدري انرن
فرح...كنت انلم في الحوسه المربوعه
عبدالله...عدو
فرح...عدو
عبدالله...امتي الفاتحه
فرح...بكرا قالو
عبدالله...ماشالله باهي والله ربي يتملهم علي خير
فات يوم من غير اي احداث تذكر غير ابتسام ومجدي واخير حيتمو ل بعضهم
●●●
وعينا في الصبح علي هرجه بنات خالي بدر يوعن فينا
رزان...مرقدات عطكن شن
ابتسام...نجكن لي جيتن
رزان...نبي انزغرت نلعلع صوتي
ابتسام...هههههه نجك لي
امينه...ترفع في شعرها وحقالله ضحكتنا وجونا ما يكمل الا بيكن باهي اللي جيتن
روان...عمتي مريم واميمه جيات بعد الغداء
هناء...ساعه كم توا
رزان....10ونص
ابتسام...واااو مرقدات للوقت هذا انتن
رزان...بكل
من هرجت رزان الكل وعا
عايشه...يابت خليهن مرقدات
رزان...مارقدن الا واجد
البنات..ههههههه
ابتسام..ماليا شي رديت رقدت
رزان..عالقتها صباحي معاه
ابتسام...لاعشان تحليل الفاتحه
رزان...العقبالي يارب
ابتسام...انشالله يارب
●●●●
وسام....وين ياباشا
مجدي...انجيب في تحاليلي
وسام...الفال للعزابه
مجدي...انشالله مش قايل لا يعني
وسام...غير وين اللي تمشي معاي وتجي ع ذوقي
مجدي...انت ينعلي منك ماتوحلش
●●●
فات الوقت
خليفه...مجدي
مجدي...ايوااا
خليفه...وين تحاليلك
مجدي...اهن مشا لطوله خذاهن وعطاهن له
خليفه...ربي يتمم هالفاتحه ع خير
وسام...اتم اتم غير تصفا النيه بس
خليفه...شافله هيا معانا
وسام...لا انا نرجا برا مع الشباب
خليفه...فكوني من التفريغ راك تسبب في شي حد
وسام.. تمام ماعليك
مجدي...ماوصيت الا هذا
خليفه...ماقلت الا الصادقه انا نازل للعمامك ناخذهم وماشي وين خوكم
وسام...ماشي للحلواني يجيب في الطالبيه
خليفه... وعصير
وسام...كل شي واتي ياباتي معاي في السياره غير الحلواني عشان حنان ترضا
خليفه..عليش
وسام...قالت لالا موس كيك تاخذو وبلون معين اخري قصص عيت حنه ماشي احمد ايجيب فيهن
خليفه...هذا جزاء اللي يقدر فيكم
وسام...شفلها لاخيتي هذي ع عيني وراسي
حنان...امشي روح تقولي ديري تغليف ع ذوقك نهارك وعدت
وسام....غير تعالي انا انبصر
سعده...تبيلكم غير الحاجه الزينه
وسام...ماقلت شي توا انرضيها
سعده...نمشي نشوف التشاركيه ترن علي
وسام...ياامي مضمونه نبوها غير تسترنا
سعده....لامضمونه
وسام...خليها ادير عشاء مسقم جيين جماعه الكتيبه
سعده...الخير واجد
خليفه...نا نازل فكني من التفريغ
وسام...تم ياحويج
●●●
مربوعه عمران مليانه رجاله وبرا اصحاب مجدي وسام قايمين بالواجب
احمدد....هههههه خوك جايب كتيبه بحالها مصكرلك الشارع استلم
مجدي...بكل امتي تنقرا الفااااتحه طولوووو
احمد....ههههه حقاتك تقعد ع اعصابك حتي هو حب خطرت عليا بأيام فاتحتي
مجدي...مسك في كتفه وشاف ل وسام
وسام...تم خش جوا للمربوعه
ابتسام...ينعلي امتي يخشو يقولو قروها
اميمه..هههههه ماتخافي بكل
رزان...غير يقولو قروها وحقالله تحقي زغلانه قدامك طلعتو دينا وراكم
الكل...هههههه
ايمن...فتح باب الفاصل
امينه...تبو شي
ايمن...تؤتؤ يبتسم قولي ل ابتسام مبروك قروها
امينه...سيباته بيسووو قروها قرووهاا
رزان..لووووووووووووووووووووووووووولي
البنات...لووووووووووووووولي
ابتسام...تحضن فيهن وتبكي بصوت
فاطمه...مبروك عليك ياامي
ابتسام...حضنتها وتبكي
حني امينه...كلمن ابتسام انبركلها
●●●
وسام...طلع يفرغ
الشارع انقلب تبيب وتفريغ
مجدي...قلبه يرقص من الفرحه
احمدد...يحضن فيه مبروكك ياطيري
مجدي...تنهددد من وسط قلبه يبارك في عمرك
رزان.....لووووووووووووولي
ايه...زغراته رزان
رزان...ماريتي شي
روان..لوووووووووووووووووولي
اميمه....لووووووووووولي الفال لكن يارب
رزان...اروي قبل كبيره القوم
مريم...ههههههه
اروي..هههههه انشالله
ابتسام...تحضن في حناتها وطلعت للكوجينه عشان يرن مجدي الو
مجدي...واخييييراااا تميتي ليااااا ياشدوقي
ابتسام...تبكي مش مصدقه حبيبي
مجدي...من اليوم صدقي مختوم اسمك علي اسمي
وسام...مجددددي
مجدي...شافله
وسام...خليها تطلع تسمع الاغنيه
مجدي...روح
وسام...قرب يامراه خوي اسمعي الاغنيه اهداء من خوي لك
ابتسام...تبكي تمام
مجدي...زحمه علي حبيبي نحكو بعدين ياحلالي انتي
ابتسام...ربي م يحرمني منك اجودي
البنات...طلعن ل ابتسام
اميمه...ادموع فرح خلنها
ابتسام...قعمزت علي الكراسي اللي قدام الكوجينه وجنبها البنات
رزان....حقها تبكي بس رااااااجل مجدي اللي خذيتيه جابلك شيخ قبيلتهم عشان اليوم اللي كيف هذا
وسام...ركب في سيارته وخلاها في نص الشارع فتح الرواشن الأربعه وعلق ع الأخر الأغنيه
ابتسام..تضحك من وسام
رزان...نبيه نا خلاص
البنات..ههههههه
امينه...اسمعن شكلها سمحه
طلعن خلاتي للحاجر والبنات يسمعن
((كتبوا كتابك يا نقاوة عيني
احلي كلام بينك يا حلوة و بيني
جيه اليوم اللي تكوني فيه حلالي
ما انا اصلي طيب و أمي دعيالي
كتبوا كتابك بالقلم عالورقة
واللحظة دي ف حياتي لحظة فارقة
حافظ التاريخ بالهجري و الميلادي
ده من النهاردة يبقي عيد ميلادي
و ابتسمي . عايزك تترسمي
كتبوكي علي اسمي
بقي رسمي
البنات..يتراقصن مع الأغنيه
رزان..ماسكه في يد ابتسام اترقص فيها
هي العروسة و الليلة ليلتها
سيبوها تتدلع علي راحتها
زي القمر اجمل بنات حتتها
فالزفة مش هننيم منطقتها
هالله هالله صلوا علي النبي يا جيرانها
عملت اللي ما يتعمل عشانها
هاتوا البطاقة و غيروا عنوانها
من الليلة دي بيتي بقي بيتها
و ابتسمي . عايزك تترسمي
كتبوكي علي اسمي
بقي رسمي
رزان...ترقص مع الاغنيه
تهبلي
البنات...فرحانات ل ابتسام واخيراااا بعد حب دام ثمان سنوات تما حلالها
فات الوقت
مجدي مش فاضي بكل حايس مع اصحابه اللي لبزوه بالباستي والدحي فرحانين بيه
ابتسام....اعيونها حمر من البكاء
رزان...بنات صوت من
امينه...يعيط ل ابتسام صاح
ابتسام...هذا صوت............#يتبع
اسفه لو في لخبطه في الأسماء
ان شاءالله تنال #اعجابكم
#انتظروووووني في #الحلقه_الخامسه_عشر
#نورهان✍
