" ကိုယ့်မှာ ကောင်လေးရှိတာ မဝင့်ဧကရီထက်လည်းသိမယ် ထင်ပါတယ် "
ထိုအမျိုးသမီးနာမည်ကား ဝင့်ဧကရီထက်။ XZ အုပ်စု၏အမျိုးသမီးရှယ်ယာရှင်တစ်ဦး။
" သိတာပေါ့။ ဒါပေမယ့်လည်း ကောင်လေးတစ်ယောက်က ဘယ်လိုလုပ်ပြီး မျိုးဆက်အတွက်ကလေးမွေးပေးနိုင်မှာလဲ၊ ဟုတ်တယ်မလား "
" ဒီတော့ မဝင့်ဧကရီထက်ပြောချင်တာက... "
" နားလည်လွယ်အောင် တည့်တိုးပြောရရင်တော့ စီးပွားရေး၊ အသက်ရွယ်ချင်း လိုက်ဖက်ညီတဲ့ သူချင်းချင်းဆိုရင် ပိုမကောင်းပေဘူးလား "
...📱(ဖုန်းသံ)📱...
" ခဏလောက်စကားရပ်ပေးပါ မဝင့်ဧကရီထက် "
ဖုန်းကိုကြည်လျက် စကားရပ်ပေးရန် ဆိုလာသူကြောင့် ပြောလက်စစကားတို့ကို ရပ်လိုက်ရ၏။ အရေးကြီးဖုန်းဖြစ်ဟန်တူ၍ စကားရပ်ပေးလိုက်ရသော်လည်း ကြားလိုက်သော နာမ်စားကြောင့် ကသိကအောင့်နိုင်လှပေသည်။
" Hello ကလေးငယ် "
" ........."
" အချဥ်ပေါင်းဆိုတာ..."
" ........."
" ကိုယ့်သိပြီး။ ရှာအောင် ရှာခဲ့မယ်၊ လိမ်လိမ်မာမာနေနော် ကလေးငယ် "
"..........."
" အင်းအင်း။ ချစ်တယ် ကလေးငယ် "
ရှေ့တွင်ပါးစပ်ကိုလက်နှင့်အသာအုပ်၍ ဖုန်းပြောနေသူ၏အသံမှာ ပုံမှန်ထက်များစွာပိုချိုသာနေ၍ ဝင့်ဧကရီထက် မနာလိုမိသည်။ အသက်ငယ်ငယ်ယောက်ျားလေးတစ်ယောက်ကို မယှဥ်နိုင်ဘူးဆို တာကိုလည်း လက်မခံချင်။
" မဝင့်ဧကရီထက် "
" ပြောပါ "
" အချဥ်ပေါင်း ဘယ်နားဝယ်ရလဲ သိလား။ ကိုယ့်ရဲ့အိမ်သားလေးက စားချင်နေလို့တဲ့ "
" မသိဘူး။ တစ်ခါမှလည်း မစားဖူးဘူး "
ဝင့်ဧကရီထက် ဒေါသထွက်ရ၏။ ပြောစကားတို့အား အလေးမထားသည့်အပြင် အချဥ်ပေါင်းဘယ်မှာဝယ်ရမလဲဟုပါ မေးလာသူ။ ငြင်းလိုက်သည်ကိုပင် ဘာစကားထပ်မဆိုဘဲ အချဥ်ပေါင်းအဝယ်ထွက်သွားသူကြောင့် ဝင့်ဧကရီထတစ်
ယောက်တည်းဒေါသထွက်ကာ လက်သီးကို ခဲ၊ခြေကို ဆောင့်လျက်ဖြင့် ကျန်ခဲ့ရလေသည်။
YOU ARE READING
ချစ်မြဲ ချစ်ဆဲ
Romanceယခု ( ချစ်မြဲ ချစ်ဆဲ ) ဇာတ်လမ်းတွင် ပါဝင်သော ဇာတ်လမ်း ဇာတ်ကောင်များသည် ကိုယ်တိုင်ဖန်တီးထားသော အရေးအသား အကြောင်းရာများသာ ဖြစ်သည်။ တိုက်ဆိုင်မှုရှိသော် သတိပေးနိုင်သည်။ စတင်သည့်နေ့ =(21.8.2021-4.5.2022) ယခု ( ခ်စ္ၿမဲ ခ်စ္ဆဲ ) ဇာတ္လမ္းတြင္ ပါဝင္ေသာ ဇာ...
အပိုင်း ၄၈
Start from the beginning
