Gun X Bounty

Chapter 21: Celestial Project. Part 2

 

“Ta..ta..talaga? Pero hindi imposible para sa kaniya na gawin ang bagay na yon, kung totoo ang teyorya ng mga syentipiko.” Gulat muling pagkakasambit ni Yngritte.

 

“Teyorya?” Tanong ni Dal.

“*Uhm.. Ayon sa mga syentipiko ay malaki ang posibilidad na 1/4 ng planetang lore ay inu-ukupahan ng Bulmium. At kung tama ang pagkakaunawa ko sa inyo ay malaya nyong nako-kontrol ang taglay nyong elemento.” Sambit muli ni Yngritte.

“Ganon na nga.. *Hmm.. Kung ganon ay nung umpisa pa lang ay kayang-kaya ng wasakin ni Bul ang planetang ito?” Sambit muli ni Dal.

“Tama ka, pero hindi lang naman ang bulmium ang elementong mga nakabaon sa lupa. At ito ang mga elementong pumipigil sa bulmium na sumingaw o lumabas sa ilalim ng lupa.” Sambit muli ni Yngritte.

 

“*Hmm.. May punto ang mga sinasabi mo, kung ganon ay kinakailangan pa rin niya ang kapangyarihan na’min para maialis ang mga elementong pumipigil sa bulmium. Pero hindi ko naisip ang tungkol sa bagay na ito.” Sambit muli ni Dal.

 

“Tama ang mga sinabi ni Yngritte, Dal.” Sambit ni Bul.

Agad napalingon ang dalawa sa malaking monitor na halos kabubukas lang.

 

“Bul? Kung ganon ay tama ang teyorya ng mga syentipiko?” Sambit ni Dal.

“Ganon na nga, pero tsaka ko na ipapaliwanag ang lahat kapag nandito na kayo sa Asteruins.” Sambit muli ni Bul.

 

“Okay, nauunawaan ko.” Tugon ni Dal.

Matapos magsalita ay bigla ng namatay ang monitor at kasabay nito ay nagkatinginan ang dalawa.

 

“Ang mabuti pa ay libutin ko muna ang bahay at maghanap ng pwede na’ting magamit.” Sambit ni Dal.

 

“Mabuti pang samahan na kita.” Sambit ni Yngritte.

Matapos mag-usap ay sabay ng naglakad ang dalawa para libutin ang bahay. Samantala, halos kalalabas pa lang ng gubat nina Khastro at patungo na sila ngayon sa bayan ng Aruan upang bumili ng kanilang makakain.

Mapunta naman tayo sa Asteruins. Sa ngayon ay nasa byahe sina Fate at Lisa patungo sa pinakamalapit na bayan upang dito ay bumili ng kanilang pagkain para sa ilang linggo nilang pamamalagi sa lihim na base sa kailalim ng lupa.

Hindi na rin sila nagtaka na nabawasan ang mga tao at nadir na nakatira sa Asteruins. Dahil na rin siguro ito sa takot sa kanila o dahil sa malaking halagang ibinigay sa kanila ni Eiel nung nakaraang araw.

 

“Mukhang aabutin tayo ng isang buwan sa paghihintay kina Khastro na dumating.” Sambit ni Fate.