قاع الشياطين

مقتطف

"ولما بدا لي أنها لا تحبني
          
وأن هواها ليس عني بمنجلي

تمنيت أن تهوى سوايَ، لعلها

تذوق صبابات الهوى فترقّ لي."

بعد صراع طويل و يه مخي وافكاري كدرت اغفى ، ماكو وقت قصير و سمعت صوت طبه قويه ..

فزيت كعدت لحيلي نااانه؟؟؟!

هاي شنوو نانه ، هم ساري و تالا ..

كمت مشيت بهدوء ، نانه ، صوت تكرر خرعني ، مشيت كوه خايفه لا انضرب بشي ..

-خاله اديه كبال جسمي ، صحت ناانه هاي شنوو هاي انتي ..

فتحت الباب مال غرفتي بهدوء خايفه ، صحت مره ثانيه تالااا ، نانه؟؟!!

ثواني ونرعب من صوت صراخ نانه و صوت صياح ساري ..

-عطت ناااانه شكووو ، صحت بخوف نااانه ساري شبيكم ؟!!

صوت ربد رجلين وصياح ساري وفجاءه خنس ساري ، و نانه تعيط يماااا  ابني ، فدوه لعينكم شرايدين يمااا …

بجيت نزلت ارجف من درج واصيح ناانه تالاا ولكم شكوو ..

صوت الاقدام تقربت علي وباتجاهي ضليت اهامش باديه واردد شكوو منووو نانه شبيج ..

انعتيت من شعري حيل و كعت من درج للارض على وجهي عطت ابجي ناانه وينج ناانه ..

-نانه تصيح فدوه لعينك عوفها ضريره ماتشووف عووف البت فدوه بيش طالبيها  ..

لميت نفسي ابجي:- شكوو شصار منووو وخر عني ، انجريت من شعري حيل ونسحت باتجاه  صوت نانه تبجي قوي و تالا تتوسل بيهم يعوفون شعري ..

انشمرت وانضربت على ركبي ، مدين اديه اريد أحد يلزمني ، جلبت بيد نانه  ، همست هنا يمه هنا ، حظنتها حيل ابجي دفنت راسي بحظنها …

اصوات رجاليه غريبه ، و اصوت اقدام قويه وضربات رجل ثابته و كانو بساطيل او بوتينات بطركات قاسيه ..

همست بخوف نانه شكوو شنوو ..

ردت حراميه حرااميه يماا ..

دفنت نفسي بحظنها حيل و راي تالا دافنه راسها بضهري ، واحد يصيح بصوت عالي ...

...............................................

فإذا كان الحٌب يعمي عن المساوئ

فالبغض أيضاً يعمي عن المحاسـنْ .

وكفت اغسل المواعين ، و اخلي على صفحه ، 

المطبخ بعيد عن الفله تقريبا ، موقعه يصير اخر الفله بصف الصاله ، مخصص للاكل و تركيب ومناسبات يعني ماله دخل بالبيت تربطه بالفله باب وحده تدخل منها مرت عواد ام امير ..

على كولتها ميروو ، و سن تدخل منها تنظف فله ، لذلك ماخذه راحتي ، 

كافه ردني و اغسل ، نانه حجت اودي صينيه فواكه خلصي بيدج و انتظريني ارجعه للملحق ..

تمام ، طلعت هيه و اني كملت وكفت اريد اخذ منشفه انشف ..

تمشيت باتجاه اليمنه ادور منشفه على كاونتر ..

ماكو اجت ايدي على عتبه باب ..

وكفت بمقابيلها ريحه جكاير و معطرات ..

عرفت هاي باب المطبخ الي تدخل على الفله ، ضليت واكفه ثواني ، اتحسس صوت والعطر صار شكد مر ماشميت ريحه بخور بالنوعيه غاليه ..

من صده الضحكه من بره عرفت الصاله جبيره ..

مديت رجلي اضرب بالارض صوت قوي ، جن مرمر لو كرانيت ، ضربت باصابعي باب ، باب خشب ناعم ، وطبه عميقه ..

ابتسمت ، فجأءه اختفت ابتسامتي من سمعت طبه كعب بن صاله ..

رجعت رجلي ليوره و كفت بمكاني متصنمه ..

كعب رجل مو انوثيه ، لا طبه قويه بكعب غليض مو رفيع ، عرفت حذاء جلد كلاسيكي ..

ريحه عطر قويه حيل ، رجعت ليوره بسرعه ، الصوت تكرر و كانو قريب ، رجعت للمطبخ اتعثر و كفت قريب الميز درت وجهي اسوي نفسي مشغوله ..

الصوت وكف ، اي والله وكف ، بس اكو نفس يصعد وينزل و عطر هم ..

درت وجهي باتجاه الباب ، اباوع بعثره يمنه ويسره ..

نطق صاحب صوت خشن ، وكانو شارب طن جكاير او حسه مطبك ..

هيه جمله بس قشعرت بدني :- شسوين هنا انتي ، ماكلي بيبيرس جايب كحا* الليله .. 

فكيت عيوني حيل …

...................................................

رجعنا وياكم برؤايه جديده ان شاء الله ،

نزلت مقتطفات بسيطه بس ، أما نشر الفعلي يريد وقت ، لذلك راح اخذ وقتي بترتيب القصه و مشاهدها ويله انزلها .. بس احاول ما طول عليكم هواي ..

رؤايه و صلت الي قبل سنتين تقريبا بس الصراحه ماتجرأت  اكتبها ، شوي وضعها وأفكارها حساسه ،

جنت اتحفظ عليها ، بس بعدين كلت لا خلي أطلق العنان لها ..

اضافه الى انو صاحبه القصه وضعها خاص جدا ، يرادله صفنه وقت طويل ، حتى اكدر انقل القصه بكل تفاصيلها ومشاعرها وصورها ..

ارجع واكرر القصه جريئة و محتواها هالمره غير ، تتكلم عن اختلاف الأديان ، عن اختلاف و ضع الاجتماعي ، وعن خارجي القانون ...

وبطلات أسماء ديمير غير بطباعهم ،  وعندما أكثر من بطله راح ندخل بحياتها و نسمع عنها   ..

لذلك احنه بدورنه ولحسن خلقنه لازم نحترمهم  لان سمحوا النه نسمع قصصهم ، و نطلع على ماشاهدو هم،

انتظرونا انشالله فد بشهر ال٣ أو ال٤ اذا الله راد...