အရင်ဦးဆုံး ဆန်နဲ့နို့ကို အရင်ရောပြီး ကျိုလိုက်သည်။ခဏနေတော့ ဆန်မပျော့မမာ အနေထားမှာ သာကူစေ့လေးတွေထည့်ပြီး အပေါ်အောက်နှံ့အောင် မွှေပေးရင်း သုံးမိနစ်ခန့်ကျိုပြီးနောက် အရသာထည့်တဲ့ အဆင့်ရောက်လေပြီ။လူမမာကို ကျွေးမှာမို့ အချိုလျော့ထည့်ပြီ်း သီဟိုဠ်စေ့နဲ့ စပျစ်ခြောက်လေးတွေကို အပေါ်ယံက ဖြူးချလိုက်တော့ အနံ့အရသာနဲ့ ပြည့်စုံတဲ့ နို့ဆန်ပြုတ် ပူပူမွှေးမွှေးလေး ရရှိလေသည်။
ထို့နောက် တခါစားပန်းကန်လုံးလေးထဲ သေချာထည့် အောက်ခံပန်းကန်ပြားလေးခံပြီး စားပွဲခုံပုလေးပေါ်တင်ပြီး လက်သုတ်ပဝါလေးပါယူ၍ အပေါ်ပြန်တက်လာခဲ့လိုက်သည်။
နို့ဆန်ပြုတ်လေးက အနံ့ရတာနဲ့တင် စားချက်စဖွယ်မို့ လူဆိုးကောင် ကြိုက်လောက်မှာ အသေချာပဲ။တခါ မိနွယ်ဆီက ကိုလေးစက္ခက နေမကောင်းရင် နို့ဆန်ပြုတ်ပဲ ချက်ပေးရတာဟု နားစွန်နားဖျားကြားမိထားသည်။ဒါကြောင့် နို့ဆန်ပြုတ် လုပ်ဖို့ စိတ်ကူးရသွားခြင်း။
"ကျွီ!"
အခန်းထဲ ဝင်သွားတော့ လူဆိုးကောင်က အခုမှနိုးသဘ်ထင်သည်။မျက်နှာသစ်ပြီး ရေစက်လက်နဲ့ ဘယ်မှာထားမှန်းမသိတဲ့ မျက်နှာသုတ်ပဝါကို စမ်းတဝါးဝါး ရှာလို့နေသည်။
အဲ့တော့လည်း ဒီကမနေနိုင်တဲ့ လေညှင်းကပဲ လက်ထဲက ပန်းကန်ကိုချပြီး ဗီရိုဖွင့် ရှာပေးရတော့သည်။
"ရှာမနေနဲ့..ငါထားတဲ့နေရာ မင်းသိမှာမဟုတ်ဘူး..ဖယ်..ကုတင်ပေါ်မှာ သွားထိုင်နေ..ငါယူလာခဲ့မယ်"
"ရော့..ဒါငါမသုံးရသေးတဲ့ သဘက်အသစ်..မင်းစိတ်သန့်သန့်သုံးလို့ရတယ်"
"မောင်မရွံတတ်ပါဘူး အသေးလေးရဲ့"
"အပိုမပြောနဲ့..မြန်မြန်သုတ်..အဲ့ဒါနဲ့ အအေးထပ်မိပြီး ဖျားဦးမယ်"
"ပြီးရင် ဆန်ပြုတ်သောက်လိုက်ဦး..ေဩာ်..ငါလုပ်ထားတာမဟုတ်ဘူးနော်..ကြီးလုံး လုပ်ပေးတါ.."
"ဟုတ်ပါပြီ..မောင်လည်း အသေးလေးလုပ်လာတာလားလို့လည်း မမေးမိပါဘူး"
"မဟုတ်ဘူး..တမင်သက်သက် ကိုယ့်ကိုကိုယ် အထင်တွေဇွတ်ကြီးနေမှာစိုးလို့.."
YOU ARE READING
စေလိုရာစေ(Completed)
Romanceဘဝတစ်ခုလုံး ပုံအပ်ခဲ့ပြီးပြီမို့.. သူစေလိုရာစေ.. နေဖို့အဆင်သင့်... Main Character-မှော်စက္ခ❤ လေညှင်းသွဲ့ Start date>>16/8/21 End date>>16/3/22
Ep(41)
Start from the beginning
