ဦးစံဖွင့်ထားတဲ့ မိဘမဲ့ဂေဟါတွေဘက် သွားဖို့ပြောထားသည်မို့ ဆေးရုံခွင့်တရက်ယူထားလိုက်သည်။အချိန်ရတာကြောင့် ဘုရားသေချာရှိခိုးပြီးနောက်အခန်းထဲက လူမမာအတွက် မနက်စာတစ်ခုခုပြင်ဖို့ စိတ်ကူးမိတာကြောင့် အောက်ထပ်ဆင်းလာလိုက်သည်။
"ဟော..သားငယ်လေးတောင် နိုးလာပြီ..လာ..သား ကြီးလုံး ဒီနေ့တော့ မုန့်ဟင်းခါးလေးချက်ထားတယ်.."
"မိနွယ်ရော ကြီးလုံး"
"အိပ်ရာသိမ်းနေတယ် သားရဲ့..ပြီးရင်ထွက်လာလိမ့်မယ်"
"..."
"ကဲ..စားလို့ရပါပြီ..ကြီးလုံး ဟင်းရည်ထည့်လိုက်တော့မယ်နော်"
"သား မစားသေးဘူး ကြီးလုံး..ဟိုလေ..မှော်စက္ခ မနေ့ကအနာရှိန်နဲ့ ဖျားနေလို့..အဲ့ဒါ သားတစ်ခုခု လုပ်ကျွေးမလားလို့..မုန့်ဟင်းခါးကျ သူစားချင်မယ်မထင်ဘူး"
"အေးအေး ဟုတ်တာပေါ့..နေမကောင်းတော့ ဒါတွေ ဘယ်စားဝင်မှာလဲ...နေဦး..နေဦး ကြီးလုံး ရေခဲသေတ္တာဖွင့်ကြည့်လိုက်ဦးမယ်..ကြက်သားလေးများရှိမလားလို့"
"......"
"အတော်ပဲ သားရေ..ရှိသေးတယ်..ဒါဆို ကြက်သားဆန်ပြုတ် ပူပူလေး ကြီးလုံး လုပ်ပေးမယ်လေ..နော်..ခဏလေးစောင့်"
"ဟို..ကြီးလုံး..သူက နို့ဆန်ပြုတ်ကြိုက်တာ..အဲ့ဒါ သားချက်လိုက်မယ်လေ..သာကူစေ့နဲ့ စပျစ်ခြောက်ရှိတယ်မလား"
"ေဩာ်..အေးအေး..ရှိတယ် သားငယ်လေး..ဟိုနေ့က ဒန်ပေါက်ချက်ချင်ချက်လို့ရအောင် အချိန်နဲ့ဝယ်ထည့်ထားတယ်..အဲ့ဒီ မီးဖိုစင်ပေါ်မှာပဲ..သားငယ်လေး ကြိုက်သလောက် ယူသုံး"
ပြောလို့မဆုံးသေး မီးဖိုခန်းထဲဝင်ပြီး ဆန်ပြုတ်ကျိုဖို့ လုပ်နေတဲ့ သားငယ်။ဒီကလေးက မောင်စက္ခအပေါ် အပြောသာဆိုးတာပါ ၊စိတ်ရင်းလေးကတော့ ကောင်းရှာပါတယ်။အခုလည်းကြည့်လေ ဟိုကလေးအပေါ် မုန်းတယ်သာ ပြောနေပေမယ့် မောင်စက္ခ ဘာကြိုက်လဲ ဘယ်လိုအစားစာစားတတ်လဲဆိုတာ သိနေပုံပဲ။မသိစိတ်က တစ်ဖက်လူကို အသေးစိတ်ကအစ သတိထားမိနေပုံထောက် မောင်စက္ခကို သဘောကျနေတာပဲ ဖြစ်မှာပါလေ။
YOU ARE READING
စေလိုရာစေ(Completed)
Romanceဘဝတစ်ခုလုံး ပုံအပ်ခဲ့ပြီးပြီမို့.. သူစေလိုရာစေ.. နေဖို့အဆင်သင့်... Main Character-မှော်စက္ခ❤ လေညှင်းသွဲ့ Start date>>16/8/21 End date>>16/3/22
Ep(41)
Start from the beginning