Baby of the billionaire

YOU ARE READING

Romance

It is not written in English, this is fiction written in Burmese .

by Garlic_Boom

" သူ့ကို ရှင်းစရာ တောင် မလိုဘူး သူ့ အတွင်းရေးမှူး လာခေါ်သွားတယ် ။ အလုပ်ကိစ္စ ပြောစရာ ရှိတယ် ဆိုပြီး ဖွေး တို့ သူ့ကို ဂရုစိုက်ဖို့ မလိုဘူး ကိုမင်း "

" အသံ ကြားတယ် ဖွေး လာပြီ ထင်တယ် သူတို့ "

ခြံရှေ့မှ ကားရပ်သံကြောင့် ကိုမင်းရော သူရော မျက်နှာပေါ်မှာ အပြုံးတစ်ပွင့်ကို မပီမသဖန်တီးထားလိုက်ကြသည်။

" အင်း ကိုမင်း တစ်နေရာက စောင့်နေ ဖွေး သူတို့ကို Coffee ရအောင် တိုက်မယ် "

" ဒါဆို ကိုယ် ဟိုအခန်းထဲကနေ စောင့်ကြည့်နေမယ် ဖွေး "

နန်းမဟာဖွေး ခေါင်းသာ ငြိမ့်ပြလိုက်သည် ။ ကိုမင်း ရှိနေရင် ကုဋေက သူတို့ အကြံစည်ကို ရိပ်မိသွားမှာ ။

" ကိုကို "

" အင်းးးး လီယို "

အသံက မပွင့်တပွင့် နဲ့ ပင်ပန်းသွားပြီ ထင်တယ်။

" ဘာစားချင်လဲ ညစာ "

" ဟင့်အင်း "

မျက်လုံးကမပွင့်တော့ဘဲ သူမေးသမျှ ပြန်ဖြေနေသည့် ကိုကို ။

" အိပ်ချင်နေတာလား "

" အင်း "

" ညစာ ဘာစားချင်လဲ မစားလို့ မရဘူး တစ်ခုခု စားရမယ် အရည်ဖြစ်ဖြစ် သောက်ရမယ် "

"ဟင့်အင်း အိပ်မယ် အိပ်မယ် "

တစ်မနက်လုံးလည်း ဒီလောက် အိပ်ထားတာ ကို ကိုကိုက အခုလည်း အိပ်ပဲအိပ်ချင်နေတယ် ။

မင်္ဂလာ ဦးညမို့ ကိုကိုကသူ့ကိုရှောင်နေတာတော့မဟုတ်ဘူးမလား ။

" ဘုန်းဘေဘီ ! ဘာစားချင်လဲ "

" မင်း "

" ဘာ !!! ။ ဘာစားမယ် ပြန်ပြောလိုက်စမ်း "

" မင်း ဝယ်ကျွေးတာ စားမယ် လို့ ကိုယ် အိပ်ချင်နေပြီ လီယို ရာ မင်း ဘာဖြစ်နေတာလဲ "

ဟုတ်တယ် မနက်ကလည်း အစောကြီး နှိုးပြီးတော့ ရေထချိူးခိုင်းတာ ။ ဘုန်းဘေဘီ တကယ် ပင်ပန်းနေပြီ။

ညကြရင် လီယိုဆိုတဲ့ လူဆိုးကောင်က သူ့ကို အလွတ်ပေးမှာလည်း မဟုတ်ဘူး ။