وردة الجنوب

بارت 17

#وردة_الجنوب
#بارت_17
الكاتبة الفاطمية الصغرى

ويبقي عطر حديثك....
الجرعة المهدئة لروحي.....
عندما يصاب قلبي  بالاشتياق..!!!❤️

««««««««««««««««««««««««««« 

مصطفى: بعد وقت جان كملتي نومتج
ياسمين: كول علي كال تريدني
(باوعلي يهز برجله ماعرف فسر نظرته عمتي شنو حاجيتله ماعرف )
مصطفى: علي بابا روح نام بجربايتك، باجر صبح تعال 
علي:بابا اخذ وياي العاب  زين
مصطفى: اي اخذهم وروح
( يحجي يباوع عليه، علوش طلع، كام اقترب مني)
مصطفى: موسى شعنده اليوم هنااا
(صفنت عليه هذا شجاوبه)
ياسمين: اني شكو تسئلني ماسئلت امك
مصطفى: ياسمين من الاخير، احجي تعرفين شي وضامتة عليه
ياسمين: ماضامة عليك شي
مصطفى: سامر شعنده صعد للغرفتج
(سئل وشك بعينه يقرة الف)
ياسمين:  هاي نظره تحملها من الكل اله منك
( كلتها نزلت دموعي دنكت ،تقرب مني )
مصطفى: اذا متردين هاي نظره جاوبي سامر شعنده هناا واني منبة ميجي البيتي  كتله
ياسمين: اجه علمود مشكلة اليوم
مصطفى: شدرا هو منو كال اله
ياسمين: مو اخت ابو بكر صديقته
مصطفى:وانتي شدراج بيهم
ياسمين: الي جابها بلمشتمل نفسها اخت ابو بكر
مصطفى: انتي منين جيبين هذا الحجي ،منو كلج
ياسمين:  اني شفتها من دزيتني شوف البيت واليوم من هدت علمود ابن خوهاا
مصطفى: سامر يعرف بيج تدرين بي
ياسمين؛  اي
مصطفى:  منو كال اله
ياسمين: اليوم جاوز عليه متحملت ذبيتلي حجايه وصعد يهددني
مصطفى: غبية شكم مرو منبهج ششوفين شسمعين سوي نفسج متدرين شون بيج بعد ميجوز منج غبية ماطول عرف انتي تعرفين بسالفته
ياسمين: مصطفى تعبت كافي الخاطر الله اذا اله خاطر يمك عوفوني بحالي اخوك يهدد وامك تتهم بشرفي وانت شك بيه شسوي حت ترتاحون
مصطفى: انجبي اني اذا عندي شك واحد بل ١٠٠ اتجاهيج ماخليج صبحين ،واذا ع امي حقها شتفتهم، صعد يمج ،مو من عادته وانتو اصلا متتكابلون صار عدها شك ،واني حجيت وياها نبهتها مينعاد الي صار اليوم، شون تجاوزين عليها انتي، امي خط احمر ياسمين ،شما تحجي ممسموحلج تجاوبيها تكليلي واني اردها
ياسمين: كملت اروح انام
مصطفى: معاجبج الكلام موووو
ياسمين: مصطفى اني ممجاوزة  ع امك، واذا ممصدك اسئل لارا منار جهالك هم، شسوي اني حت امك ترتاح ،من  اقتل نفسي وترتاح
( كلتها وطلعت رحت للغرفتي)

ماخذت عيني نوم من البجي ساعه ب٢جتي رسالة منه (بعد نوم فوك ماريد تنامين يمي)،قريتها اربع مرات ممصدكة ،شيكول هذا صدك لو اموت ماسوي اليريده ،خوش حجه جته خاف مساع مفكره نام من قريت رسالته طار نوم من عيني، ظليت افتر بغرفة شون بيه بس لا صدك ينفذ  والله ماتحمل

نوم طار من عيني نزلت للمطبخ ،اخذتلي تفاحة كوه جبرت نفسي اكلت، شويه منه باب غرفته مفتوح جاي يصلي صلاة الليل، شوكت يشبع نوم ماعرف يكعد ب٥صبح صعدت كوه نمت