وردة الجنوب

بارت 11

#وردة_الجنوب
#البارت_11
الكاتبة الفاطمية الصغرى

هل تحبني ؟
اجل
لماذا تكلم اناث غيري ؟
لانكِ تعشقيني و لم ترحلي عني
هههه هل انت ضامن وجودي لهذا حد
اجل
وان رحلت
لم ترحلي
(مضت ايام وهي تبكي من شدة عشقها)
رسالة: لماذا مختفية تلك الفترة
اتى رد
لقد توفيت من كانت تعشقك

(حافظوا ع من يعشقونكم بصدق فقد يرحلون والسبب انتم)

بقلمي 🖋️

«««««««««««««««««««««««««««

طلعت من حمام رجعت نمت بغرفتي، اجت لارا جايبه عشه كعدتني اكل
ياسمين: وين جهال
لارا: يم خالو
هزيت راسي اكلت ورجعت نمت 

فزيت من النوم بالي يم جهالي ابد مصعدولي اتصلت ب لارا
ياسمين: الو لولو وين جهال
لارا: يم ابوهم نايمين
ياسمين: عمتي
لارا: راحت بيت اختها وياها فاطمة
ياسمين: انتي شعجب باقية
لارا: خالو اتصل بماما بقاني يمهم
ياسمين: اها تصبحين ع خير
لارا: وانتي من اهل الخير

رجعت نمت وتذكرت كلمة لارا ابوهم ياريت صدك ابوهم يبقى حنين عليهم،ضحكت ع نفسي، نفس بيت لا هي بيها حيل تصعد ولا اني انزل

غفيت دك جهازي، باوعت نصدمت معقولة هذا مصطفى، ممتصل عليه ابد هو، رديت قبل لا ينغلق
ياسمين: الو (بهدوء)
مصطفى: هلو شلونج
ياسمين: هلوات الحمدلله
مصطفى: ليش ما تعشيتي
ياسمين: تعشيت
مصطفى: خفت صخونة
ياسمين: اي احسن
مصطفى: راح اصعد افتح ايدج
ياسمين: ميحتاج عوفها باجر
مصطفى: ليش جبانة
(سكتت)
مصطفى: ليش سكتي
ياسمين: هاا
مصطفى: وتالي ويه هاا
ياسمين: اي
مصطفى: صاعد
ياسمين: لا
مصطفى: خو ما قافلة باب
ياسمين: لا
مصطفى: صاعد

طبكه، اريد اكوم اغير دشداشتي لان صدري طالع مااشوفه الا فتح باب،رفعت دشداشة من يم صدري كعد يمي باوع عليه وابتسم
مصطفى: الحمدلله ع السلامة
ياسمين: الله يسلمك
مصطفى: ههه الحمد لله مو طلقة

عفتها ماجاوبت اخذ ايدي فتح وخلاه علاج لو روحي راحت
ياسمين: امسح
مصطفى: غير علاج هسه بده مفعولة
ياسمين: يوجع ( دموعي نزلت)
مصطفى: انتي ليش جبانة ياسمين تخبلتي خلي علاج ياخذ مفعولة و اضمدها شبيج

مارديت مسحت دموعي، هو ظل كاعد يمي اني تمددت و الم بقلبي افكر شلون يتحمل يحترق جسمه كله، سحب ايدي لفها ونزل

من نزل يله تنفست كعدت ب3 الفجر بدلت دشداشة طويلة ربع ردن، نزلت البيت هدوء ذكرت جهالي فز قلبي، ركضت لغرفتهم ماكو، شفت غرفة فاطمة ماكو، نزلت غرفة عمتي شفت لارا نايمة محد يمها
ياسمين: لارا لارا
لارا: ها خالة ماتن
ياسمين: منو
لارا: منو اكو غيرهن حياية
ياسمين: لا دا اسئل ع جهالي
لارا: يوووي عبالي اكو شي ناموا يم خالو
ياسمين: ها كملي نومتج