"ဟား..ငါ့တူရာ..မတွေ့ရတာ ကြာလို့လားမသိပါဘူးကွာ..ငါ့တူ လေညှင်းသွဲ့က ပိုချောလာတယ်ဟေး"
ဒီနေ့က အားလပ်ရက်ဖြစ်တာရော ဦးစံလေဆိပ်ဆင်းတဲ့ရက်လာတိုက်ဆိုင်နေတော့ ကိုထွန်းနဲ့အတူ ဦးစံကို လာကြိုဖြစ်သည်။
"လာပါဦးကွာ..ဦးစံက ဟိုမှာ ဆွေမရှိမျိုးမရှိဆိူတော့ ငါ့တူကို လွမ်းနေတာကွ.."
ပြောလည်းပြော အရပ်ရှည်ရှည် ကိုယ်လုံး
ခပ်ပြည့်ပြည့်က လေညှင်းကိုယ်လေးကို ထွေးဖက်လာသည်။အမေဆုံးသွားကတည်းက ဦးစံသာ လေညှင်းရဲ့ တစ်ယောက်တည်းသော အားကိုးရာမို့ အခုလိုအနားပြန်ရောက်လာတော့ တင်းထားတဲ့စိတ်တွေ လွတ်ချမိသည်။"ဟင့်..သားလည်း ဦးစံကိုလွမ်းနေတာ..ဦးစံအရမ်းရက်စက်တာပဲ..သားကိုအကြာကြီး ပစ်ထားရက်တယ်..အင့်"
"အဟား..ဟုတ်ပါပြီကွာ..ပထမတော့ ဦးစံဒီကို ခဏတဖြုတ်ပြန်လာတာ..အခုတော့ ဟိုက ဆေးရုံလည်း ဖွင့်ဖို်ပဲ ကျန်တော့တယ်ဆိူတော့...ဦးစံရဲ့လက်ထောက်နဲ့ပဲ ဒီက စီစဥ်ညွန်ုကြားဖို့ ဆုံးဖြတ်ထားတယ်..အဲ့တော့ ငါ့တူအနားမှာ ဦးစံက အရင်လို အမြဲနေပေးတော့မှာ..ဘာမှအားမငယ်နဲ့ ဟုတ်ပြီလား..ကြည့်ပါဦး..ငါ့တူလေးက အိမ်ထောင်ကျလို့ လူကြီးလေးတောင် ဖြစ်နေပြီ..အခုထိ ကလေးလေးလို ချွဲေနတုန်း"
မျက်ရည်တွေ ပွတ်သုတ်ပေးရင်း မေတ္တာငတ်နေတဲ့ကလေးကို နှစ်သိမ့်တော့ အရင်လို ပါးချိုင့်လေးပေါ်အောင် ရယ်ပြလာသည်။
"ဦးလေး..အိတ်တွေ ကျွန်တော်သယ်ခဲ့မယ်ဗျ"
"ေဩာ်..အေးအေး..ကျေးဇူးပါ ငါ့ညီရာ"
ကိုထွန်းက ခရီးဆောင်အိတ်ကို ဦးစံဆီက လက်လွဲယူလိုက်ပြီး တူဝရီးနှစ်ယောက်နောက်က လိုက်လာခဲ့သည်။
"ဦးစံ သားအိမ်မှာပဲ နေရမှာနော်..ကြာပါတယ်..အခုတစ်ခါတည်း အိမ်ကိုပဲမောင်းလိုက်တော့ ကိုထွန်း"
"ဟုတ်ကဲ့..အကိုလေး"
"ဦးစံလည်း သားနဲ့အတူနေဖို့ ပြန်လာတာပါကွာ..
စိတ်ချ..ငါ့တူက နှင်လွှတ်ရင်တောင် ဦးစံ အိမ်ကမခွာဘူး..ဟား..ဟား"
YOU ARE READING
စေလိုရာစေ(Completed)
Romanceဘဝတစ်ခုလုံး ပုံအပ်ခဲ့ပြီးပြီမို့.. သူစေလိုရာစေ.. နေဖို့အဆင်သင့်... Main Character-မှော်စက္ခ❤ လေညှင်းသွဲ့ Start date>>16/8/21 End date>>16/3/22
Ep (38)
Start from the beginning