ကျောက်ပျဉ်ပေါ် ကြည့်လိုက်တော့ သနပ်ခါးရောင်လို ဝါညစ်ညစ်အရောင်ကိုမတွေ့ရဘဲ ရွှံ့အရောင်ကိုသာ တွေ့ရသည်။
"အမောင် ဘာသွေးနေရော့တာလဲ"
"မန်ကျည်းခေါက်သွေးနေလေတာ အမယ်က မိတ်ပေါက်ရင်မန်ကျည်းခေါက်သွေးလိမ်းပေးရလေတယ်ဆိုလို့ မြနုဆီကကျောက်ပျဉ်ငှားပြီးသွေးနေတာ"
ဗညားသတိုး ရေတချို့ကိုကျောက်ပျဉ်ပေါ် အစက်ချလိုက်ပြီး မန်ကျည်းခေါက်ကို ဆက်သွေးသည်။မန်ကျည်းခေါက်မှထွက်လာသည့်ရွှံ့အရောင် အရည်ခပ်ပျစ်ပျစ်က ကျောက်ပျဉ်ပေါ်တွင်အပြည့်။
"ဘာလို့ အိမ်ပေါ်မှာမသွေးရော့တာလဲ"
"မန်ကျည်းခေါက်သွေးသံကြောင့် အမောင့်အချစ်နိုးသွားမှာစိုးလို့ ညကကောင်းကောင်းအိပ်မပျော်ဘူးမို့လား"
"အမောင်သာအိပ်မပျော်တာ ညကဖြင့်တစ်ညလုံးယပ်ခတ်နေပြီး"
"အမောင်ကနန်းစောရှင်လေးရဲ့ကြင်ယာလေ ပြုစုရပေမှာပေါ့"
"...."
ဗညားသတိုး မန်ကျည်းခေါက်ရည်ကို လက်ညှိုးလေးနှင့်တို့ကာ နန်းစောရှင်ရဲ့ဖြူနုနုနှာခေါင်းကို အသာတို့လိုက်သည်။
"အလို ချစ်စရာကောင်းလိုက်ပါဘိ"
"ကျွန်တော်ကယောကျာ်းသား ချစ်စရာကောင်းပေမလား"
"ချစ်လို့ကို ချစ်စရာကောင်းပေတာပ"
"ဟင်းဟင်း"
နန်းစောရှင်က သဘောတကျရယ်သည်။ဗညားသတိုး နန်းစောရှင်ရဲ့မျက်နှာလေးကို မြတ်မြတ်နိုးနိုးကြည့်ကာ နှဖူးလေးကိုနမ်းလိုက်သည်။
မွ။
"အမောင်"
"သွား ရေသွားချိုးရော့ စဉ့်အိုးထဲအမောင်ရေဖြည့်ထားတယ်"
"ညနေကျချောင်းထဲ ရေသွားချိုးရော့မယ် ရေမဖြည့်လေနဲ့တော့"
"အမောင့်အချစ်သဘောပါဗျား"
နန်းစောရှင် ဗညားသတိုးကိုမနိုင်ပါဘူးဆိုသည့်အကြည့်လေးပေးပြီး ရေသွားချိုးလေသည်။ဗညားသတိုး ကျောက်ပျဉ်ကိုမကာ အိမ်ပေါ်တက်သည်။
YOU ARE READING
ချစ်သောပြည့်ရှင်မင်း(Completed)
Historical Fictionစစ်နတ်ဘုရားဟံသာဝတီအိမ်ရှေ့မင်းက အင်းဝနန်းတွင်းမာသူလျှိုလုပ်ရင်း အင်းဝမင်းသားငယ်လေးကိုကာကွယ်ချင်လာတဲ့အခါ နောင်တော်တစ်ပါးရဲ့သစ္စာဖောက်မှုကြောင့် အင်းဝမင်းသားငယ်လေးကဟံသာဝတီကိုရောက်သွားရရှာပါတယ် သူတို့နှစ်ဦးကံကြမ္မာတွေကိုဘယ်လိုဖြတ်ကျော်ပြီးစစ်မှန်တဲ့ပြ...
Part 35
Start from the beginning
