ဒီအရသာ ဘယ်လောက်ကောင်းသလဲဆိုတာ သူ အသိဆုံး။ ကောင်းလွန်းတာမှ အရှင်လတ်လတ် နတ်ပြည်ရောက်သွားသလိုမျိုးပဲ။ ဒါပေမဲ့.. အခုတော့ သူ့အတွက် တခဏတာ စိတ်ကျေနပ်အားရစေခြင်းတွေကို သော်တာနိုင့်နာကျင်မှုတွေနဲ့ မလဲရက်နိုင်တော့ပါ။ သွေးသံတရဲရဲနဲ့ နာကျင်လွန်းလို့ တအီအီ ငိုကြွေးနေတဲ့ သော်တာနိုင့်အတိတ်ပုံရိပ်တွေဟာ အခုချိန်ထိ သူ့အကြောက်တရားတွေ ဖြစ်နေတုန်းပဲ။
ချစ်တာခြင်းတူပေမဲ့ ချစ်နည်းခြင်းဟာ မတူ။ ကိုယ်တယောက်ပဲ ခံစားကျေနပ်နေပြီး.. တဖက်လူက စိတ်ရောလူပါ ဒဏ်ရာဗလရပွဖြစ်ကျန်နေခဲ့မယ်ဆိုရင် ဒီနည်းလမ်းက ဘယ်မှန်ပါတော့မလဲ။ ဒီအချစ်ကရော ဘယ်လိုလုပ် စစ်မှန်ပါတော့မလဲလေ။ ပေးဆပ်ခြင်းတွေ၊ ရယူခြင်းတွေကို သူ သိပ်နားမလည်ခဲ့ပါဘူး။ အချစ်ဆိုတာ တဖက်လူရဲ့ စိတ်ချမ်းသာမှုအပေါ်မှာပဲ ဖြစ်တည်လာတဲ့ ပျော်ရွှင်ခြင်းရယ်လို့ သူ အနည်းငယ်သိခဲ့ရပြီးနောက်ပိုင်း ဘယ်အရာကိုမှ မိုက်မိုက်မဲမဲ လုပ်တော့မှာ မဟုတ်ဘူး။
နှစ်ကျော့ပြန်ပဲ ရှင်သန်လာပြီးပြီပဲလေ.. ပျော်ရွှင်စရာ အဆုံးသတ်မဟုတ်ရင် ဘယ်ဖြစ်ပါ့မလဲ။
“ အကို.. ကျွန်တော့်ကိုယူမလားဟင်..”
ကိုးရဲ့ တိုးတိတ်ငြင်သာသော မေးခွန်းကြောင့် သော်တာနိုင်တယောက် သကာရည်ဆမ်းထားတဲ့ သကြားခဲကို ငုံလိုက်ရသလို ရိုးတွင်းခြင်ဆီထဲမှအစ သူ့အရေပြားပေါ်က မွေးညှင်းပေါက်လေးတွေအဆုံးထိ ချိုမြိန်သွားရလေသည်။ ထိုချိုမြိန်မှုကို နစ်နစ်နဲနဲ ခံစားနေရခြင်းကြောင့် ဘာစကားမှလည်း မပြောနိုင်တော့ပေ။
“ ကျွန်တော်က အကို လိုချင်တဲ့အတိုင်း ဘာမဆိုဖြစ်တယ်..”
ကိုးက ပြောပြောဆိုဆိုနှင့် သော်တာနိုင့်ပါးလေးတဖက်ကို ခပ်ဖွဖွလေး နမ်းရှိုက်လိုက်သည်။
“ အကို့ကိုချစ်လွန်းလို့ ကျွန်တော် ဘယ်လိုလုပ်ရပါ့မလဲဗျာ..”
ကျန်နေသေးသော နောက်ပါးလေးတဖက်သည်လည်း အနမ်းခံလိုက်ရပြန်သည်။
“ အကို ပေးလာမယ့် ခံစားချက်တွေကို ကျွန်တော် မစောင့်နိုင်တော့ဘူး.. လုပ်ပါဦး အကိုရ..”
29 (U) 18+ Sexual Content Warning 🚨
Start from the beginning
