ဗီလိန္မာယာ / ဗီလိန်မာယာ ( Arc 2 )

Part 7 ( 2.7 )

ဆယ်ကျော်သက်ကောင်လေးသည် စာအုပ်စင်မှ ဓါတ်ပုံစာအုပ်ကို ထုတ်ယူလိုက်ပြီး ကုတင်ပေါ် ထိုင်လိုက်သည်။ သူ့ခြေထောက်ပေါ် သူထိုင်ရင်း မှတ်စုရေးနေသည်။ နဉ်စစ်နျန်သည် အချိန်အတန်ကြာ ထိုင်ကြည့်ရင်း ပြုံးနေသည်။ နာရီကြည့်တော့ အချိန်လည်း စောသေးတာကြောင့် နဉ်စစ် လုပ်ငန်းနဲ့ပတ်သက်ပြီး ကွန်ပြူတာ သုံးနေလိုက်သည်။

ဆယ်နာရီဝန်းကျင်လောက်တွင် ဖုန်းမှ တတီတီအသံမြည်လာပြီး နဉ်စစ်ကို သတိပေးလိုက်သည်။

နဉ်စစ်နျန်သည် နိုးစက်ကို ပိတ်လိုက်ပြီး ဖန်သားပြင်ကို မြန်မြန် လှမ်းကြည့်လိုက်သည်။ ဆယ်ကျော်သက်လေးသည် အမြဲတမ်း အချိန်ဇယား အတိအကျနဲ့ လုပ်လေ့ရှိတာကြောင့် ရေချိုးပြီး အိပ်ရာဝင်ရန် ပြင်ဆင်နေပြီ။

သူရဲ့အဖြူရောင် ရှပ်အင်္ကျီက ပခုံးကနေလျောကျနေပြီး လှပသောလိပ်ပြာပုံ ညှပ်ရိုး၊ ကွေးဆန့်နိုင်တဲ့ ခါး၊ ပြည့်တင်းကားနေသော တင်ပါး.........နဉ်စစ် အကြည့်မလွဲမိဘဲ ခဏလောက် စိုက်ကြည့်နေရင်း ရုတ်တရတ် မသက်မသာဖြစ်လာသည်။ သူ မတ်တပ်ရပ်ကာ ကော်ဖီတစ်ခွက် လောင်းထည့်လိုက်ပြီး ရေချိုးခန်းထဲရှိ ကောင်လေးအပေါ် ရေများဖြည်းဖြည်းချင်း စီးကျသွားသံကို နားထောင်ရင်း စာကြည့်ခန်းထဲ လမ်းပတ်လျှောက်နေလိုက်သည်။

သူ နေရခက်လာပြီး ရှပ်အင်္ကျီအပေါ်ကြယ်သီးနှစ်လုံး ဖြုတ်လိုက်သည်။ နောက်ဆုံး ကော်ဖီခွက်ကိုင်ရင်း စားပွဲဆီပြန်လာကာ မျက်လုံးတွေက ကွန်ပြူတာကိုပဲ ကြည့်နေခဲ့သည်။ နေ့တိုင်းနီးပါး ဒီအချိန်အခိုက်အတန့်လေးကို သူ မျှော်လင့်စောင့်စားနေတယ်ဆိုတာတော့ ဝန်ခံရမယ်။ အဲအကျင့်ရှိတာနဲ့ မကောင်းတဲ့လူ ဖြစ်တာ ဘာများကွာခြားလို့လဲ။ သူ့နှလုံးသားထဲ သူ့ကိုယ်သူ ရှုတ်ချမိပေမယ့် သူ့ကိုယ်သူ ထိန်းချုပ်လို့ မရဘူး။

သူ ကော်ဖီခွက်ကို ချလိုက်ပြီး စီးကရက်ကို ထုတ်ယူကာ တစ်ချက်ဖွာလိုက်ပြီး သူ့မြင်ကွင်းကို မှုန်ဝါးသွားအောင် အငွေ့မှုတ်ထုတ်လိုက်သည်။ ဒါပေမယ့် ရေချိုးခန်းထဲက ရေနွေးငွေ့တွေက ကင်မရာကို ရေငွေ့ရိုက်ပြီး သေးသွယ်တဲ့အရိပ်လေးပဲ ထင်စေတာကြောင့် အဲလိုလုပ်တာက အပိုသက်သက်ဖြစ်နေသည်။