" အဲ့ဒါ အလိမ္မာပေါ့... "" အင်း.... "
" သူတို့ တကယ်ရုပ်တူကြတယ်နော်... "
" တူရမှာပေါ့... "
" အခုငါတို့ ဘာလုပ်ကြမလဲ.... "
" သူတို့ကျောင်းတက်နေတဲ့ မြို့ကို သွားမယ်... နောက်ပြီး အလိမ္မာနဲ့ စကားပြောမယ်။ ငါတို့ပြန်ခေါ်မယ်... "
" အလိမ္မာက လိုက်မှာမို့လား... "
" မလိုက်ရင် အတင်းခေါ်ရမှာပဲလေ... "
" အဲ့ဒါကတော့ တရားနည်းလမ်းမကျဘူးနန်း... "
" ငါတို့သွေးသား ငါတို့ကလေးကို ပြန်ခေါ်တာ... ဘာမတရားလို့လဲ "
သူတို့ စကားပြောဆိုနေရာသို့ မိန်းကလေးငယ် တစ်ယောက်ဝင်လာသည်။
" ဘာပြောမလို့လဲ.... တူမလေး "
" အလိမ္မာ့ကို ကျမ မြင်ဖူးချင်တယ် "
နန်းမူယာ ကောင်မလေးဆီကို ဓာတ်ပုံ ပြလိုက်သည်။ ဓာတ်ပုံထဲမှာ နံ့သာရောင်မင်္ဂလာသတို့သမီးဝတ်စုံနဲ့ အလိမ္မာက အဝေးကို ငေးကာ ဆွေးဆွေးကလေးပုံပေါ်သည်။ ဘေးမှာတော့ ဓာတ်ပုံထဲမှာတောင် ဂျစ်ကန်ကန်ရုပ်ပေါက်နေသော လူတစ်ယောက် ရပ်နေသေးသည်။
" တကယ်တူတာပဲ... "
" ဟုတ်တယ်...။ ဘေးမှာရပ်နေတာက စော်ဘွားကြီးရဲ့တူတော်ပဲ... အခုတော့ သူတို့လက်ထပ်ထားကြတယ် "
" သူက ဟောနန်းကို စွန့်ပစ်သွားတဲ့သူရဲ့ကလေးပဲလေ... ဒွေးလေး။ ကျမတို့ ခစားစရာမလိုဘူးမလား... "
" အချိန်မရွေး... စော်ဘွားကြီး အမျက်ပြေသွားနိုင်တယ်... တူမကလေး။ မင်းထက်မြတ်နိုင်နဲ့ မင်းသက်မှူးပိုင်တို့ ညီအကိုဟာ ဘယ်လိုပဲ စွန့်ပစ်ထားခံရတဲ့သူတွေလို့ပြောပြော... အဲ့နှစ်ယောက်က ပင်မမိသားစုရဲ့ နောက်ဆုံးမျိုးဆက်ပဲ။ လက်လွှတ်စပယ် ဆက်ဆံခွင့်မရှိဘူး... "
" ဟုတ်ကဲ့.... "
ထိုမိန်းမငယ်လေးသည် ဓာတ်ပုံထဲက အလိမ္မာ့မျက်နှာကို သေချာစိုက်ကာ...
" အလိမ္မာ့ကိုပဲ ပြန်ခေါ်ကြတာပေါ့... "
🏠
DU LIEST GERADE
Forever Home
RomantikZawGyi code is below. Home is not a place. It's just a person. Disclaimer: I'm big fan of Mikasa Ackerman from Attack on Titan and Alainmar Khin's character was inspired by her. If my character and story annoy you, I'm really sorry. It's my bad.