" အလိမ္မာ... နင့်နဖူး ဆံပင်စပ်မှာလေ... အမာရွတ်ရှိတာလား... "ရာသီဥတုက ပူလို့ အလိမ္မာက ရှေ့ဆံပင်ဆံရစ်ကို သပ်တင်လိုက်တုန်းခဏ နဖူးက အမာရွတ်ကို သိင်္ဂီတို့က မြင်ဖြစ်အောင် ဖြစ်သွားသေးသည်။
" အင်း... "
အလိမ္မာက အမာရွတ်ကို ပြန်ကွယ်ဝှက်လိုက်ပြီး...
" ငယ်ငယ်က ခိုက်မိတာ.... "
" ဘယ်လိုဖြစ်ပြီးလဲ.... "
ဝဏ္ဏထွန်းမေးတာကို အလိမ္မာက မဖြေပဲ တိတ်ဆိတ်နေသည်။ သူတို့အုပ်စုနဲ့ ခပ်လှမ်းလှမ်းမှာ မှုန်ကုပ်စွာနဲ့ တစ်ယောက်ထဲ ထိုင်နေသော မင်းသက်မှူးက လှည့်ကြည့်လာကာ...
" ငါ့ကြောင့်..... "
မင်းသက်မှူးမျက်နှာမှာ အခုတလော အရင်ကထက်ပြီး အရယ်ပြုံးတွေ ရှားပါးလာခဲ့ပြီး တစ်ခုခုကို အမြဲ တွေတောနေသည့် ပုံပေါ်သည်။
" အဲ့ဒီ ဒဏ်ရာက ငါ့ကြောင့် ရခဲ့တာ... "
သူမတို့ အုပ်စုနား မင်းသက်မှူးက ရောက်လာကာ...
" ၈တန်းနှစ်တုန်းက ငါနဲ့ရန်ဖြစ်ဖူးတဲ့ ကောင်တွေက အုတ်နီခဲနဲ့ ငါ့ကို ချောင်းထုတာကို အလိမ္မာက ဝင်ခံလိုက်လို့.... အဲ့ဒီဒဏ်ရာ ရခဲ့တာ... "
ကြားရရုံနဲ့တင် ဝဏ္ဏထွန်းက အလိမ္မာ့အပေါ် အားမလို အားမရဖြစ်လာရသည်။ တတ်နိုင်သမျှ မြန်မြန် သူမကို ဒီကောင့်ဆီကနေ ဆွဲထုတ်ချင်မိတော့သည်။
" ငတုံးတစ်ယောက်လိုပဲ.... အမြဲရှေ့ကနေ ကာဆီးကာဆီးနဲ့။ ကိုယ့်ကိုကိုယ် ထိခိုက်မှာကို ဘယ်တော့မှ ဂရုမစိုက်ဘူး... "
အလိမ္မာနားမှာ ထားထားတဲ့ သူ့လွယ်အိတ်ထဲကနေ မင်းသက်မှူးက ဆေးလိပ်ဘူးကို နှိုက်ကာ ထွက်သွားတော့သည်။ အလိမ္မာ သူ့နောက်ကျောကို လိုက်ငေးနေမိခဲ့သည်။
ငါ့ကိုယ်ငါတောင် ဂရုမစိုက်အားပဲ နင့်ရှေ့ကနေ ကာကွယ်နေတယ်ဆိုတာ ငါနင့်ကို ဆုံးရှုံးရမှာ ကြောက်လို့ဆိုတာ နင်သိရမှာ ပိုင်ပိုင်ရဲ့...
🏠
" ဟိုလေ.... ပိုင်ပိုင်.... "
ညနေခင်းရဲ့ နေရောင်... ဆေးလိပ်မီးခိုးငွေ့တွေရဲ့ အလည်မှာ... မေဇွန့်ချစ်သူ အဲ့ဒီကောင်လေးက ရပ်နေသည်။ ဘယ်လောက်တောင်မှ ပြောင်မြောက်တဲ့ ပန်းချီကားတစ်ချပ်နဲ့တူလိုက်သလဲ... သူဟာ...
YOU ARE READING
Forever Home
RomanceZawGyi code is below. Home is not a place. It's just a person. Disclaimer: I'm big fan of Mikasa Ackerman from Attack on Titan and Alainmar Khin's character was inspired by her. If my character and story annoy you, I'm really sorry. It's my bad.