كشف حساب بقلم / لولو_محمد (كامله)

الحلقه ١٤

(((((( كشف حساب )))))))
#لولو_محمد
الحلقه ١٤
يدخلوا اوضه فريده
صوفيا / بليز مام جيت مى اوت اوف ذيس
فريده / انت بتخوفها اكتر يا يس
همسه / هو فى ايه مالها صوفيا بتعيطى ليه
يس / ويتش ون صوفيا
صوفيا تبص لفريده و تمسك ايدها
يس / و يتش ون
فريده / خلاص يا يس ارجوك متكبرش الموضوع
يس / مكبرش الموضوع لا يا امى الموضوع كبير لوحده لو كانت صوفيا بتكدب يبقى لازم تمشى من هنا حالا
فريده / و انت بتكدبها على اساس ايه و لا اكمنها مش غاليه زى ناس هتكدبها و تصدقهم
همسه / هو فى ايه يا يس انا بدات اقلق
فريده / مفيش حاجه اتفضلوا اطلعوا بره انا محتاجه ارتاح
يس يمسك صوفيا من ايدها / فور ذا لاست تايم ويتش ون
فريده / حرام عليك يا يس
صوفيا تشاور على محمود
يس / جيت اوت اوف مى هاوس ناو
فريده / يس ارجوك
يس / محمود كان معايا طول الوقت يبقى عمل كدا امتى
فريده / البنت متوتره
محمود / عملت ايه
همسه / يس هو فى ايه
يس / صوفيا ملهاش عيش فى البيت ده خلاص و دا نهائى عن اذنكوا
يس يمشى
صوفيا / بليز مام هيلب مى
فريده / دونت ورى اى ويل هاندل ايت
همسه / قطعتى عيش الغلبانه دى عشان تخرجينا من البيت كان ممكن تطلبيها بادب
فريده / اطلعى بره اوضتى اطلعى بره
محمود يسحب همسه قبل ما فريده تزقها
محمود / احنا طالعين احنا اصلا ما يشرفناش نقعد فى اوضه زى دى
الكل يطلع من الاوضه و فريده تترمى على الفوتيه و هى مخنوقه هتطق
.......
فى الجنينه
همسه ماسكه فى ايد صوفيا و هى بتعيط و رايحين ل يس
يس / هى لسه هنا بتعمل ايه دى
همسه / البنت مظلومه اسمعها بس ارجوك
يس / اسمع ايه دى كدابه دى اتبلت على اخوكى انه اتهجم عليها
همسه / ما حصلش والدتك اللى عملت كدا عشان تبعدك عنى
يس / ايه اللى بتقوليه ده
همسه / الحقيقه اللى لا انا و لا انت كنا متخيلين اننا نوصلها فى يوم يا يس انا قولتلك من الاول قولتلك انها عمرها ما هتقبلنى ما بالك بقى باخواتى عاجبك كدا لو كانت شاورت على محمد كانت هتلزق التهمه فينا بس الحمد لله انها ما بتعرفش تفرقهم من بعض الحمد لله انك ما صدقتش الكلام و مشيت وراه و انت مغمض الحمد لله انك متربى يا يس الحمد لله على كل حاجه حلوه فيك
يس / و انتى ليه مصدقاها ما يمكن بتكدب تانى عشان تستعطفنى اخليها
همسه / انا ما اقدرش اثبتلك ما عايش دليل بس اسمعها هى هتقولك
يس / مش عاوز اسمع حاجه خلاص تعبت ارحمونى ... جو تو يور ورك جست جو
صوفيا / ثانك يو سير ثانك يو
صوفيا تمشى
يس / انا عايش فى جحيم بجد عمرك ما هتتخيلى التعب اللى انا فيه
همسه / لو انا ما حستش بيك يا حبيبى مين بس هيحس و بجد اسفه انك بتمر بمواقف زى دى بس انت عارف و متاكد من الحقيقه انت بس اللى مش قادر تعترف بيها
يس / انهى حقيقه
همسه / ان والدتك هى السبب فى كل ده حقك ترفض تصدق
يس / والدتى السبب فى ايه بس والدتى عمرها ما تقدر تفكر بالطريقه دى والدتى عاشت حياتها بالطول و العرض سفريات و فسح و شوبينج عمرها ما حاولت تدخل فى الشغل او مصالح الشركه ما بتحاولش تشغل دماغها باى مشكله بتقول ان التفكير الكتير بيخلى الانسان يعجز بسرعه واحده زى دى هتعمل الشر ده ازاى
همسه / خايفه
يس / خايفه
همسه / خايفه كل ده يروح منها خايفه عليك خايفه من اى حاجه الله اعلم انا ما اعرفش دا مجرد احتمال
يس / كلام فارغ كل اللى بيحصل ده كلام فارغ و احنا اللى ادناله اكبر من حجمه كلها خطه هبله عشان ياخدوا منى فلوس و انا عمرى عمرى ما هصدق حرف منها خلاص من فضلك اقفلى الموضوع ده و انتهى و بجد مش عاوز اسمع عنه اى كلام تانى خلااااااااااااااص
همسه / براحتك بس انت كدا بتناقض نفسك لو مش مقتنع ان صوفيا بريئه ليه رجعتها الشغل تانى لو مش مقتنع بالكلام اللى فى الجواب و القسيمه بتاعه سحر ليه سافرت امريكا لو مش مقتنع باللى قالهولك ابراهيم زيدان او بجوابات والدك اللى انت واثق و متاكد انها بخطه ليه سكت ليه ما حكيتش قصته الزباله دى لوالدتك ليه ما خرستوش قبل ما يشوه سمعه ابوك
يس / ممكن تسكتى شويه انتى ايه ما بتتعبيش من الكلام خلاص ما صدقتى ارحمينى
همسه تدمع / انا اسفه عن اذنك
يس يلحقها و يمسك ايدها / انا اسف انا بجد مش عارف انا ازاى اتعصبت عليكى كدا انا بجد
همسه / حصل خير انا مقدره اللى انت بتمر بيه اكيد مش سهل ابدا
يس يترمى على الكرسى / حاسس انى مخنوق انا مش عارف ليه كل ده فى الوقت ده ليه كانوا فين من زمان
همسه / كانوا مستنينك ترجع مصر و انا متاكده ان رجوعك كان على عكس رغبه والدتك اللى اكيد كان نفسها تعيش عمرك كلو فى امريكا بعيد عن هنا
يس / ما انكرش انها كانت مرتاحه اكتر فى امريكا بس دا ما يمنعش اننا كنا بنيجى مصر كتير
همسه / خلاص يا حبيبى اهدى حصل خير انا اسفه انا مش هفتح معاك الموضوع ده تانى انا عارفه انك تعبان
صوفيا تدخل
يس / خير .. سورى وات
صوفيا / سم وان وانت تو سى يو
يس / مين ده عن اذنك ثوانى يا حبيبتى
.............
فى المكتب
يس / افندم خير اؤمر
كريم / كريم ايه هى المدام ما حكتلكش عنى
يس يهجم على كريم و كريم يزقه يوقعه و يثبته
كريم / ما تحاولش عيب عيب اوى تجبرنى انى اضرب اخويا الكبير
كريم يسيب يس يقوم و يس يروح ناحيه التليفون
يس / انا هطلب البوليس
كريم / بتهمه ايه بتهمه انى جاى احاسبك انك عايش انت و مراتى فى بيت واحد انا اللى من حقى دلوقت اطلع مسدسك ده و اضربك انت و هى بالنار عشان شرفى
يس يسكت و يحط السماعه
كريم / عاقل هى فين صحيح وحشتنى
يس / احترم نفسك و ملكش دعوه بيها
كريم / لا ليا و ليا و ليا
يس / انت ما لكش اى حاجه عندى و احمد ربنا على اللى انت خدته لحد دلوقت و احمد ربنا اكتر انى هسيبك عايش بعد اللى عملته فى همسه انت فاهم و لا لا و اطلع بره بيتى حالا
كريم / بيتك ؟؟؟ غريبه كنت فاكر انه بيتى انا كمان
يس / بطل استهبال و هات من الاخر عاوز ايه تانى فلوس زياده عشان تطلق حاضر هديك اللى انت عاوزه بس مش عاوز اشوف وشك هنا تانى ابدا انت فاهم ارجع مطرح ما جيت و ابعد عنى و عن عيلتى
كريم / عيلتك هى عيلتى انت ليه مش قادر تفهم ده
يس / انسى التمثيليه الهبله اللى انت بتعملها دى ما يصدقهاش عيل فى ابتدائى
كريم / بس انت مصدقها و اللى اكتر منك ان همسه مصدقاها و صدقنى هى تهمنى اكتر منك
يس / لو جبت سيرتها على لسانك تانى قسما بالله ما هيحصلك طيب
كريم / الله يرحمه ابونا بقي هو السبب فى كل اللى احنا فيه ده لو كان بس سابها فى حالها
يس / هى مين دى البت الشمال اللى لعبت عليه و خطفته من مراته و ابنه
كريم يمسك يس و يزقه فى الحيطه
كريم / لو ما كنتش وعدت همسه انى مش هاذيك ابدا كان زمانك ميت بعد الجمله دى البت الشمال دى تبقى اشرف من الست الوالده على الاقل ايديها نضيفه و عمرها ما حاولت تاذى او تقتل حد عكس عيلتكوا كلها حتى انت دلوقت بتحاول توسخها معاهم
يس / اطلع بره
كريم / نادى لهمسه تسمع و تشوف بعينها حقيقتك
يس / انت اللى دخلت همسه فى الهبل ده خليها بره و خليك راجل لراجل احسن
كريم / لا مش انا اللى دخلتها انت اللى دخلتها حياتك هى كمان كانت بنت غلبانه ما لهاش فى حاجه و ما كانش ينفع اسيبها تعيش نفس المصير
يس / انهى مصير انت مجنون انت بتكدب الكدبه و تصدقها
باب المكتب يتفتح و فريده و همسه يدخلوا
همسه / كريم ؟؟؟
فريده / مين ده انتى تعرفيه
يس / دا ضيف و ماشى خلاص
كريم / لا امشى ازاى اخيرا نولت شرف انى اتعرف على راس الحيه
يس / اخرس و احترم نفسك فى بيتى بدل قسما عظما ما تطلع منه حى و اقول انك كنت جاى تتهجم عليه
كريم / تانى هتستهبل تانى انت فاكر ايه يابنى انت اللى هتروح فى داهيه انا لو شعره منى اتلمست مصطفى هيروح القسم و يبلغ عنك
فريده / هو فى ايه بالظبط ايه اللى بيحصل هنا
كريم / انا هشرحلك يا فندم انا ابقى كريم ابن سحر  سامى
فريده / ايه!! ايه الهبل ده ازاى يعنى
يس / ازاى ازاى يعنى يا ماما
فريده / هاه ... انا اقصد يعنى مين يعنى سحر سامى
كريم / بجد طب و ماله ادى قاعده
يس / انت عاوز ايه ما تجيب من الاخر
كريم / ان اخوك و ليا النص فى كل حاجه و احمد ربنا انى ما طلبتش النص بتاعى فى هموستك
همسه / اطلع بره
كريم / انا اسف يا همسه مش هقدر احققلك الطلب ده لانى ليا حق و لازم هاخده
فريده / حق ايه ده اللى بتتكلم عنه و اخوه بمناسبه ايه انت كداب
كريم / متاكده انى كداب متاكده ان سحر سامى مخلفتش ولاد
فريده / انت بتتكلم عن مين
يس / اطلعى فوق يا ماما ارجوكى و انتى كمان يا همسه
محمود و محمد يدخلوا
محمود / هو فى ايه يا جماعه
كريم / احكى يا يس بيه قولهم فى ايه
يس / عاوز كام هات من الاخر
فريده / ولا مليم مين ده اصلا عشان تفاوضه فى فلوس مين ده انا هتصرف و هوديه ورا الشمس
يس / من فضلكوا يا جماعه سيبونا لوحدنا
كريم / ما تسيبها تودينى ورا الشمس و لا انت خايف من حاجه يا يس
يس / ما تختبرش صبرى
كريم / انت عارف و متاكد من الحقيقه انت بس عنيد زياده و فى شويه كبر انك تعترف بيها صح
يس / قولتلك ما تختبرش صبرى
كريم / ماشى انت احسبها و تمن حياتى و حياه امى تمن ما انت راجل اعمال و بتعرف تحط لكل حاجه سعرها حط التمن اللى انت شايفه مناسب بس و انت بتحط السعر اوعى تنسى ان فى يوم من الايام فى بنت غلبانه شافت الموت بعنيها و كل ذنبها انها اتجوزت راجل غنى  اوعى تنسى طفل اتولد فى الضلمه و عاش فى الضلمه بعيد عن حنان امه و امان ابوه طفل شاف الويل عشان يقدر يعيش
يس / انت عاوز ايه بالظبط
فريده / انت ازاى بتسمعله اطرده بره دا كداب صدقنى يا يس والله الواد ده كداب و نصاب
فريده تروح عند همسه
فريده / هى دى لعبتك انتى اللى عمله كل ده انا عمرى ما هرحمك
يس / و ايه دخل همسه فى الموضوع
همسه / قوليله انا ايه دخلنى فى الموضوع ليه عندك استعداد تدفعى عشره مليون لاخويا عشان تخرجينى من حياه يس
فريده / انتى كدابه
همسه / ليه اجبرتى البنت الغلبانه انها تتبلى على اخويا عشان ما تتهميهاش بالسرقه و تحبسيها
يس / هو فى ايه
محمد / التسجيل على الموبايل اسمعه بنفسك
فريده / التسجيل ده متفبرك دول عصابه يا يس عصابه بيحاولوا يوقعوا بينى و بينك يا حبيبى صدقنى انا امك اللى عشت عمرى كله عشانك دول عصابه
كريم / بطلى كدب و قولى الحقيقه مره واحده فى حياتك
يس يمسك الموبايل و يشغل التسجيل و فجاه الموبايل يقع من ايده و يروح يقعد على اقرب كرسى
كريم / التسجيل متفبرك فعلا
فريده / دول شويه نصابين يا يس صدقنى شوفت كل الحاجات دى كدب هما كدابين و البت دى اكتر واحده كدابه فيهم
يس يبص لامه
يس / ليه تدفعى عشره مليون عشان تخرجيها من حياتى
فريده / لانها بنت نصابه انا ادرى بالاشكال دى ايوه الصوره بقت واضحه قدامى دلوقت كل دول كل دول كانوا معاكى فى الخطه رسمتى انك تتعرفى على ابنى و خليتيه يحبك و عملتى تمثيليه انك مخطوفه و دلوقت جايبه شويه الصيع دول عشان تاخدوا فلوس اكتر انا فهمت خطتك انا فهمت كل حاجه
كريم / هههههههههههههه بجد انا مش عارف انتى ليه كرهاها اوى كدا عملتلك ايه البت المسكينه دى عشان تكرهيها كدا و تكدبى كل الكدب ده
يس / انا ما اسمحلكش تكلم امى بالطريقه دى
كريم / اسالها انت اسالها ليه عاوزه تدفع عشره مليون عشان تبعد همسه عن طريقك ليه بتتهمها انها ما كانتش مخطوفه ليه بتقول انى كداب اسالها انا متاكد ان عندها الاجابه لكن عمرها ما هتقول لانها فى اللحظه اللى هتقول فيها الحقيقه هتفتح على نفسها ابواب جريمتها اللى فاتت
فريده / انا مش عارفه انت بتتكلم عن ايه
كريم / معاكى حق لانك بتكدبى فى كل كلمه قولتيها انتى عارفه كويس ان جوزك كان متجوز و عارفه انك بعتى ناس يقتلوها هى و اللى فى بطنها انتى عارفه ده كويس
فريده / انت كداب يس اطلب البوليس انت ازاى ساكت
كريم / لان يس نفسه مصدق انى اخوه
محمود / يلا يا همسه احنا ما ينفعش نفضل هنا بعد اللى حصل
همسه / الجوابات دى اداهالنا ابراهيم زيدان فى امريكا ادهانى انا و يس و حكالنا كل اللى حصل
فريده / دا راجل مجنون و كداب
همسه / بس دى مكتوبه بخط سعيد بدران يس بنفسه اكدلى انه خطه فعلا
فريده / انتى عاوزه توصلى لايه
همسه / حق الغلبان ده
فريده / الواد ده نصاب و انتى عارفه
يس / انا تعبت كفايه بقى كفايه تعرف منين هى انه نصاب و لا لا
فريده / صدقنى يا يس صدقنى يا بنى هى عارفه انه نصاب هى اللى ماجراه يعمل كدا هى اللى عامله التمثيليه دى كلها
يس / ليه و ازاى و هى هتعرف منين ان ابويا كان متجوز و هتجيب منين صوره القسيمه او جواب سحر هتعرف منين المعلومات دى كلها
فريده / يا يس صدقنى دى بت نصابه
يس / اصدقك !! انا ما عدتش عارف اصدق مين خلاص تعبت
فريده / انا امك و بقولك ان البت دى نصابه و هى اللى عامله كل ده حاصرتك لحد ما وقعتك فى فخها دى طمعانه فى فلوسك
همسه / و اطمع فى فلوسه ليه مدام كلها هتبقى ملكى بعد الجواز
فريده / يا جبروتك يا شيخه انتى عارفه كويس انك عمرك ما كنتى هتتجوزيه
يس / ليه بقى ان شاء الله عمرها ما كانت هتتجوزنى
فريده / ياربى ارحمنى يا يس للدرجادى مش قادر تشوف الحقيقه
كريم / انهى حقيقه ان ابويا كان متجوز من واحده و انتى بعتى ناس يقتولها و لا انك بتكرهى همسه لدرجه انك مقتنعه اوى ان هى عندها من الذكاء الخارق و النفوذ انها تلعب اللعبه دى كلها ما تقولى انهى حقيقه قولى انهى حقيقه ازاى متاكده انى نصاب
فريده / عشان سحر سامى مخلفتش ولاد
فريده تحط ايدها على بقها
يس / يعنى انتى تعرفى سحر سامى فعلا
فريده / يس يا حبيبى فوق دول عاوزين يفرقوا بينا
يس / قولى الحقيقه بابا كان متجوز سحر فعلا انتى عارفه انها ما خلفتش ولاد منين انتى فعلا بعتى ناس يسقطوها
فريده / لا كدب كدب
يس / انا هتجنن امال عرفتى منين انها ما خلفتش ولاد ارجوكى يا ماما قولى الحقيقه ارجوكى
فريده تقعد على الكرسى و تعيط
يس / قولى الحقيقه يا امى ارجوكى ما تكدبيش عليا لو ابويا فعلا كان ليه ابن اكيد مش مرتاح فى تربته
فريده / تربته !! يرتاح فى تربته !! يولع فى جهنم ابوك ده انا اللى عملته انا اللى حبيته و اديته اكتر من اللى كان بيحلم بيه بس كان رمرام و طفس راح لحته بت ما تسواش بصله و فضلها عليا
يس / يعنى حقيقه كل ده حقيقه
كريم / طب تمام اوى شوفلى حد بقى يعمل جرد للتركه و يدينى حقى
فريده تقوم / انت ما لكش جنيه عندنا انت مجرد نصاب و انا هتصل بالبوليس
يس / انتى قولتى ان سحر سامى ما خلفتش ايه اللى مخليكى واثقه كدا
همسه / انا هقولك
يس / لا ما تقوليش !!! ماما ما كنتش بتكدب لما قالت انك شريكتهم !!
همسه / سحر سامى فعلا ما خلفتش ولاد خلفت بنت .. انا