((((((( كشف حساب )))))))
#لولو_محمد
الحلقه ١٠
كريم / متستعجليش على رزقك مانا جايلك اهو المشكله بدات لما فريده هانم حست ان فى حاجه غلط و بعتت حد يراقبه ووصلت انه متجوز فجاه سعيد معدش بيجى و لا بيتصل و البنت الحلوه قلقت فى نفس الوقت اكتشفت انها حامل بتتصل بيه مبيردش بتروح الشركه مبتعرفش تقابله حست انه رماها او ضحك عليها و فضلت تعيط و تعيط جارتها نصحتها انها تروح لمراته و تحكيلها و تفضحه و للاسف سمعت كلامها راحت بنسخه من قسيمه الجواز و طلبت تقابل مراته و حكتلها اللى حصل و اللى حصل بعد كدا بقى هو المهم الست فريده هانم قعدت تضحك بشكل مستفز و خدت القسيمه و قطعتها و قالتلها الورقه اللى معاكى دى تبليها و تشربى ميتها اللى شهد على العقد ده يبقى طليق اختها و هو هاجر لامريكا و مش هيقدر يرجع مصر تانى عشان كان واخد قرض و معرفش يسدده و متساليش ازاى حماه وزير و عيله بالغنا ده و تحصل مشكله زى دى المهم ان هو اللى اخرج القصه دى كلها و ان الماذون ده مجرد كومبارس و ان التمثيليه دى للاسف جوزها عملها على اكتر من واحده
همسه / يا خبر و بعدين ايه اللى حصل
كريم / البنت الحلوه انهارت من العياط و نزلت على رجلين فريده هانم و باستها و اتحايلت عليها تسترها لانها حامل و مالهاش حد فريده هانم بقلبها الحنين قالتلها روحى و انها هتتكلم معاه يشوفوا حل فى الموضوع ده و انها طبعا عمرها ما هتسكت على اللى حصل و ان للاسف سعيد سافر تركيا يخلص شغل مهم و اول ما هيرجع اكيد هيتكلموا
همسه / و اتكلموا
كريم / انتى طيبه اوى يا همسه اول ما البنت دى روحت حكت لجارتها اللى حصل و فضلت تعيط و تعيط و المهم خدت ابن اخوها فى حضنها اللى ما كانش فاهم هى بتعيط ليه و كان خايف و مرعوب لتموت زى ابوه و امه و تسيبه و فضل سهران جنبها يطبطب عليها طول الليل لحد ما فجاه الباب خبط جريت زى الهبله تفتح كانت فكراه رجع بس للاسف طلعوا اتنين ستات مبعوتين يسقطوها و نزلوا فيها ضرب الواد الصغير حاول يحوش عنها و هى بتصرخ بس ما قدرش فجرى على باب جارتهم و فضل يخبط بكل قوته و يصرخ اللحقونى هيموتوا عمتو اللحقونى اللحقونى لحد ما جارهم فتح الباب و طلع يجرى بس للاسف الستات كانوا جريوا
همسه تعيط و كريم يمسح دموعها
كريم / اخص عليا انا اسف دى اكيد حدوته وحشه احكيلك قصه تانيه
همسه / و بعدين ايه اللى حصل
كريم / مصره تكمليها ماشى اللى حصل انهم لحقوها و خدوها المستشفى و لسوء الحظ الطفل نجى بس اكيد حياتهم ما عادتش فى امان اللى حصل ده اكيد هيتكرر تانى و المشكله الاكبر ان جوز الست بياعه الخضار شاهد على العقد فكان فاكر ان هو و اسرته كمان فى خطر فخدو البنت دى و ابن اخوها و هربوا على البلد اخوه كان عنده حته ارض بيزرعها فى الصعيد هربوله اخوه ده كان متجوز و عنده ولدين صغيرين بس للاسف مراته متوفيه و محتاس بيهم و لما عرف الحكايه البنت صعبت عليه اوى و قرر يستر عليها فزوروا قسيمه جواز و اتجوزها و خلفت ولد و كتبه باسمه بس هى حزنها و قهرتها ما خلوهاش تعيش كتير ماتت قبل ما تشوف ابنها مكمل سنه و عاشوا كلهم مستخبين لحد ما الولد كبر و عرف الحقيقه من جواب امه كانت سيباهوله بتحكيله فيه الحقيقه و قد ايه عانت و قد ايه هى اسفه انها كانت بالغباء ده انها تفتكر ان راجل بالغنا ده هيبصلها
همسه / انت الولد ده
كريم / الله ما انتى طلعتى ذكيه اهو امال بتعملى نفس غلطها ليه
همسه بتعيط / انت كداب انتوا قلفتوا القصه دى كلها
كريم يطلع من جيبه ظرف
كريم / اتفضلى دا الجواب و قسيمه الجواز اتاكدى بنفسك
همسه تمسك الورق و تقراه و هى بتعيط و مش قادره تصدق
كريم / انا ابقى اخو يس
همسه / مش قادره اصدق
كريم / مصطفى بيقول انى شريك يس فى كل حاجه حتى انتى ليا فيكى النص ما هو لو ما كانش يس غنى اوى كدا ما كنتيش بصيتيه
همسه ما بتفصلش عياط
كريم / و مين عارف يمكن لو كنت انا دلوقت ابن سعيد بدران و عندى الفلوس دى كلها يمكن كنتى حبيتينى انا
همسه / و ايه سكتك السنين دى كلها ليه ما روحتوش المحكمه ليه ما بلغتوش البوليس ليه سكتوا
كريم / انتى مجنونه و لا عقلك ضارب دى بنت وزير و مش حتى وزير سابق لا دا فى السلطه كنا هنروح كلنا ورا الشمس
همسه / و ايه اللى خلاك تيجى دلوقت و تطلب حقك
كريم / حقى لا لا انا لو خدت روح كل عيله بدران بايدى مش هكون خدت شعره من حقى انا اتحرمت من امى اللى ماتت بقهرتها على شرفها و اتربيت باسم واحد تانى انتى متخيله كام مره كان بيتقالى فيها انت ابن حرام متخيله كام مره كنت بتعامل زى الزفت من مرات ابويا قصدى من مرات الراجل اللى عطف عليا و اتبنانى
همسه / بس يس ملوش اى دعوه باللى حصل
كريم يبتسم بسخريه / انتى فاكره يس انضف منهم الى اتربى فى بيت بيستحلوا فيه شرف الفقرا و ارواحهم اكيد هيبقى زباله زيهم
همسه / لا يا كريم يس مش كدا
كريم / انتى رافضه تصدقى ان كان ممكن يس يعمل معاكى كدا تفتكرى لو كان حس للحظه انك سهله كان اشترالك شقه او حتى فكر يتجوزك دى لعبه مدروسه بحرفنه وارثها من ابوه و لولا اللى انا عملته كان زمانك زى امى بتندبى حظك بس يمكن انتى حظك كان احسن شويه و هتطلعى بقرشين
همسه / يس مش كدا انا بقولك انت ما تعرفوش
كريم / هنشوف اديكى هترجعى و هنشوف
همسه / انا مش قادره استوعب دماغى هتنفجر
كريم / لو ربنا وفقنا بكره و خدنا الفلوس و رجعتى لكريم ابقى اديلوا الورقتين اللى معاكى دول و هتشوفى بنفسك اصل يس الواطى
همسه / طب و انا
كريم / لو ربنا كرمنا بكره هترجعى بالسلامه و بالنسبه لورقه طلاقك فدى هخليها كرت حمايه
همسه / يعنى ايه
كريم يزعق / انا قولتلك انى ليا حق عند عيله بدران و لازم هاخده انتى ايه غبيه
همسه تعيط اكتر
كريم / انا اسف بصى لو يس دفع الفلوس بكره يبقى اكيد ممكن يدفع اكتر عشان يخلصك منى
همسه / ياااااه دانا طلعت جامده اوى و ممكن يدفع فيا اكتر من عشره مليون جنيه
كريم / ساعتها هطلقك و انا مطمن انه اكيد بيحبك و عمره هيعمل فيكى زى ما اتعمل فى امى
همسه / و بعدين
كريم / ولا قبلين هتتجوزى حبيبك و تعيشوا فى تبات و نبات و تخلفوا صبيان و بنات
همسه / و انت
كريم / هاخد اخواتى و نبدا حياتنا بقى احنا اصلا نجارين مسلح بس نعجبك اوى بدل ما بنشتغل عند الناس هشترى خشب و ابقى مقاول كبير و حياتنا هتتغير و نقب بقى و ندور على بنت الحلال و نتجوز و نبنى عيله
همسه / انت باصص للموضوع ببساطه اوى يس مش هيسيبك و لا البوليس
كريم / انتى عارفه احنا ليه قررنا نعمل كل ده
همسه / ما اعرفش
كريم / عشان ما عدش عندنا اللى نخسره البيت اللى فى البلد وقع على مرات ابويا و سافرنا مصر باخر فلوس معانا و زى ما انتى شايفه المقاول اللى مشغلنا كان رحيم بينا و خلانا نبات فى الموقع ده و اهو بالمره يوفر الغفره مهو اربع شباب زى الورد اكيد هيكونوا احسن من مليون غفير
همسه / طب و لو اتحبست
كريم / و هو انا مش محبوس بصى حواليكى السجن اللى انتى عشتى فيه كام يوم دا هو بيتى و الادهى من كل ده ان الارض دى و كل اللى حواليها و الى بيتبنى عليها ملك لمجموعه بدران فى سجن اكتر من كدا
همسه ما بتبطلش عياط و كريم يقرب منها و يمسح دموعها
كريم / كان ممكن تقبلى تعيشى معايا هنا لو ما كنتيش قابلتى يس
همسه متردش
كريم / اكيد لا اكيد ما كانش ممكن ابدا انا نفسى ما كنتش هرضالك بالعيشه دى اصل حتى السجن ده مش دايم احنا كل ما بنشطب عماره بننقل لواحده تانيه يعنى حتى الاوضه دى مش دايمه و لما المجمع كله يخلص هنشوف حته تانيه او موقع جديد
همسه تبصله
كريم / يااااااااااه دى كانت حدوته وحشه اوى بصى نامى و ارتاحى و انا كمان هروح انام بره عشان انا محتاج اكون بكره فى كامل تركيزى يلا تصبحى على خير
همسه / انت ما بتكدبش عليا صح
كريم / الوحيد اللى يقدر يثبت اللى حصل هو يس لما تروحيله بالسلامه و تديله الورق هتعرفى الحقيقه
همسه / انا عمرى ما هسامحك لو كنت بتكدب عمرى ما هسامحك
كريم / هههههههههههههههههه انتى اطيب بنت قابلتها فى حياتى بجد بتمنالك السعاده من كل قلبى عن اذنك
كريم يطلع بره و يقفل الباب و همسه تفضل تقرا الورق اللى معاها مره و اتنين و تلاته لحد ما تروح فى النوم
...........
تانى يوم
همسه / انتوا خلاص ماشين
كريم / انا اسف انى هربطك بس خلاص اخر مره
همسه / انت ما كنتش بتكدب عليا امبارح صح
كريم / وآلله ما كنت بكدب
همسه / يبقى هدعيلك ترجع
كريم / شكرا صدقينى فرقت معايا اوى
مصطفى يدخل
مصطفى / يلا خلينا ننجز
.............
همسه نايمه و هى مربوطه تصحى على صوت ضحك و هيصه
كريم / انتى نايمه ازاى قومى قومى
مصطفى / يا مساء السعاده و السكر الزياده
همسه / مدام رجعتوا و مبسوطين يبقى يس دفع الفلوس
كريم / الغبى كان فاكر انه هيضحك علينا
مصطفى / البيه كان حاطت جهاز تتبع فى الشنطه بس على مين دا احنا مطبقين فى الخطه قدام الافلام الاجنبى لما اتهرينا
محمود / البيه فاكرنا اغبيه
همسه / يعنى هتفكونى امشى
كريم يفكها
كريم / معلش الفرحه نستنى افكك هههههههههههه بصى اللى هو عمله لازم يتعاقب عليه فا احنا قررنا انك هتمشى بكره مش النهرده خلي اعصابه تتحرق شويه
همسه / عرفتوا منين ان فى جهاز تتبع فى الشنطه اصلا
كريم / حركنا الراديو الصغنن ده حوالين الشنطه فى كل حته و اول ما الارسال قطع عرفنا ان جواها حاجه و ما كانش فى غيرنا فى العربيه ففتحنا الشنطه و طلعنا الجهاز و رميناه و نزلنا المحطه اللى بعدها
همسه / بالبساطه دى
كريم / سبحان الله ما كنتش متخيل ان الموضوع هيبقى بالبساطه دى هما مشيو ورا الجهاز و نسيو الشنطه فعدينا من وسطيهم
همسه / و ازاى فتحت الشنطه
مصطفى / الغبى مكنش قافلها برقم سرى و لا اى حاجه ههههههههههههه
همسه / مبروك عليكوا
مصطفى / انا عازمك على العشا بقى مدام البليه لعبت
همسه / لا شكرا
مصطفى / خلاص اربطك بقى عشان نخرج احنا
كريم / مفيش لزوم انا كدا كدا مش خارج
مصطفى / براحتك
مصطفى و اخواته يمشوا و يفضل كريم مع همسه
همسه / مبروك الفلوس
كريم / حسك مش فرحانه
همسه / يا ترى يس عامل ايه دلوقت
كريم / بكره هتعرفى ما تستعجليش
همسه / هتعملوا ايه بالفلوس
كريم / قولتلك هنشترى خشب و ارض و نبنيها
همسه / و لما يسالوك من اين لك هاذا هتقول ايه
كريم / عادى فى مليون سبب اولا احنا متفقين ان الفلوس هتفضل مستخبيه و مش هتطلع مره واحده هنقول اننا بعنا القيراطين اللى كانوا حيلتنا فى البلد و كنا محوشين قرشين فاشترينا الخشب فى الاول و نبنى اول ارض مش لينا و منها نشترى الارض و اهو نطلع الفلوس واحده واحده
همسه / و اخواتك موافقين على كدا
كريم / كل الكلام ده اتكلمنا فيه قبل كدا و اتفقنا عليه ما هو ما شافوناش و احنا بنسرق هيشوفونا و احنا بنقسم
همسه / مش خايف ابلغ عنكم
كريم / تانى ما انا قولتلك انك مصيرك متعلق بينا المهم ارتاحى بقى عشان بكره هترجعى و تحكى كل اللى حصل ده لاخويا العزيز الغالى يس عن اذنك ورايا ملايين اعدها
كريم يطلع و يقفل الباب
//////////////
فى الاوضه مع يس
همسه / بس و تانى يوم خدونى عند المول و قالولى استنى هنا و انك هتيجى تاخدنى و فجاه لقيت الصحفين من كل حته حواليا و مش عارفه اروح فين و كل واحد بيسال سؤال و انا مش عارفه اجاوب و بداوا يزقوا بعض و يزقونى لقيتنى بصرخ و خايفه و ما قدرتش امسك نفسى و فضلت اعيط و اصرخ لحد ما انت جيت تاخدنى ساعتها بس حسيت بالامان و هديت فنمت
يس / على كل ارتاحى دلوقت و بعدين نتكلم
همسه / الورق اهو قسيمه الجواز و الجواب اللى سحر سامى كتباه لابنها
يس يبص للورق
همسه / انا عارفه انه صعب تصدق بس انا نفسى مش مصدقه بس لو فى حد هيقدر يوصل للحقيقه فالشخص ده هو انت و بس و اكيد لو كان الولد ده معاه حق اكيد ولدك مش مرتاح دلوقت فى تربته
يس / انتى عارفه انتى بتطلبى منى ايه
همسه / انت ما ترضاش بالظلم
يس / انا متاكد ان العيال الزباله دى مجرد كدابين و انهم غسلو دماغك
همسه / يا يس اسمعنى
يس / بالنسبه لعقد الجواز ما تقلقيش انا هتصرف و زى ما هو مفكر انه كرت الامان بالنسباله هيكون الخيط اللى هيوصلنى ليهم و ساعتها و الله ما هرحمه
همسه / بس انت لازم تتاكد الاول
يس / اتاكد من ايه مش هما دول اللى خطفوكى مش هما دول اللى عملوا فى اديكى و رجليكى كدا
همسه / بس ما حدش منهم اذانى انا كان ممكن احكى اى كلام و اشيل تفاصيل و احط تاتشات بس لا انا حكيتلك كل كلمه اتقالت زى ما حصل بالظبط عشان انا مش عاوزه اخدعك صدقنى انا ما فكرتش فى ثانيه انك ممكن تدفع جنيه عشان ترجعنى و صدقنى لو عشت عمرى كله اردلك دينك ده
يس / بطلى ايه الهبل ده انسى دول لو كانوا طلبوا كل اللى حيلتى كنت اديتهولهم انتى ما تعرفيش انتى غاليه عندى قد ايه
همسه / طب لو بجد غاليه عندك كدا ارجوك دور على الحقيقه بص دى امضه باباك و لا لا و الشاهد التانى ده تعرفه بيقولوا كان جوز خالتك
يس / كل اللى اعرفه عنه انه كان نصاب اخد قرض عشان ينتج فيلم و سرقه و هرب
همسه / يعنى ما تقدرش توصله
يس / لا طبعا اقدر قابلته مرتين فى امريكا بس انا ما كنتش بديله وش
همسه / يعنى تقدر تكلمه و تساله ارجوك اساله مش هيكلفك السؤال على الاقل تراضى ضميرك
يس / و انا اضمن منين مش يمكن هيكدب عليا او يمكن يكون مرتب الموضوع ده مع العيال دول عشان ينتقم من خالتو هو طلقها قبل ما ياخد القرض و يهرب
همسه / ايه اللى هيخليه يفكر ينتقم بعد السنين دى كلها و انت ايه علاقتك بانتقامه من خالتك بص روح و اساله كلمه فى التليفون حتى
يس / طب و اساله ليه مش بتقولى ان ماما قابلتها هسال امى
يس يتحرك ناحيه الباب و همسه تمنعه
همسه / لا يا يس عشان خاطرى استنى
يس / ليه
فجاه الباب يتفتح و فريده تدخل
فريده / انا مش قادره اصدق نفسى انت بايت فى اوضتها من امبارح
يس / احنا كنا بنتكلم
فريده / كلام ايه و هباب ايه شكلك ايه قدام الخدامين و هما شايفينك بايت فى اوضتها و الباب مقفول عليكم طول الليل انا فعلا ما عرفتش اربى بس العيب مش عليك العيب على الست هانم اللى لا خشا و لا حيا بس عادى
يس / ارجوكى يا ماما من فضلك ما تتكلميش معاها بالاسلوب ده
فريده / انهى اسلوب انت اصلا قعادك فى امريكا قتل نخوتك الهانم بقالها اسبوع مع تلت رجاله لوحدها
همسه / اربعه
فريده / افندم
همسه / كانوا اربعه
فريده / دى بتحاول تنقطنى انتى مش معقوله
همسه / ليه انتى كنتى عاوزه تاخدونى لدكتور تكشفى عليا انا موافقه اتفضلى
يس / من فضلكوا احترموا وجودى انا رايح انام و انتى يا ماما لو سمحتى ياريت تسيبى همسه ترتاح
فريده / على فكره ده بيتى و من حقى ارفض وجودها
همسه / انا ماشيه
همسه تيجى تمشى يس يمنعها
يس / من حقك ترفضى وجودها بس مكان ما هتكون موجوده هكون انا موجود
فريده / هى حصلت اكيد انت مش طبيعى بصلها ولا باين عليها حتى انها كانت مخطوفه دى واحده كانت فى رحله استجمام اقولك انسى انا بتعب نفسى على الفاضى اشبع بيها
فريده تمشى
همسه / روح بقى و قولها انى قولتلك على الحوار اياه عشان تجيب لترين جاز و تولع فيا
يس / انا امى مش وحشه اوى كدا
همسه / بس ما بتحبنيش تقدر تقولى انا عملتلها ايه عشان تكرهنى اوى كدا انا حتى عمرى ما عملت حاجه تضايقها
يس / دى طبيعه العلاقه بين اى حماه و مرات ابنها على مر العصور و على فكره دى فى كل الدنيا فكبرى دماغك و خشى نامى
همسه / طب ايه
يس/ ايه ايه
همسه / هتعمل ايه هتقول ايه للبوليس لما يجوا بكره يسالونى انا مش هقدر اكدب ولو قولت هقول الحقيقه كامله زى ما حكيتهالك
يس / اسمعى يا همسه زى ما بتقولوا العيار اللى ما بيصبش بيدوش
همسه / يعنى ايه
يس / يعنى حتى لو الواد ده كداب الكلام ده لو اتعرف او طلع بره الناس مش هتبطل كلام و احنا عيله راس مالنا سمعتنا
همسه / الناس عمرها ما هتبطل رغى
يس / اسمعى الكلام يا همسه ارجوكى و انسى الكلام ده نهائى
همسه / انا مش مصدقاك بجد مش مصدقاك
يس / انتى عاوزه ايه يا همسه
همسه / لو دا فعلا كان اخوك يبقى على الاقل تراضيه
يس / دا مش اخويا انا مليش اخوات
همسه / دى ان ايه اعمل اختبار دى ان ايه
يس / ياربى عليكى زنانه ما بتزهقيش
همسه / لا بزهق عن اذنك
همسه تيجى تمشى يمسكها
يس / حاضر سيبينى لبكره و هفكر فى الموضوع بس لو سمحتى خشى و ارتاحى و اهدى
همسه / اوعدنى انك مش هتسكت
يس / اوعدك مع انى واثق ان الواد ده كداب
همسه / طب خد الورق اهو انت وعدتنى يلا تصبح على خير
همسه تدخل و يس ينزل المكتب
..........
فى المكتب
يس يدخل و يايد النور و يقعد على المكتب و يبدا يقرا الجواب اللى مكتوب و يبص فى القسيمه و يمسك التليفون
يس / الو ...ايوه يا ميرنا ازيك ... معلش انى بتصل بدرى كدا .... شكرا بصى انا عاوزك تجيبلى رقم واحد اسمه ابراهيم زيدان الكومى ....... ايوه هو .... ايوه عارف انه فى امريكا عاوز رقمه فى امريكا ايه صعبه .... اه اسمعى انا مش عاوز خالتو او بنتها او حتى امى يعرفوا اى حاجه عن الموضوع ده اتفقنا .... شكرا
يس يقفل و فجاه فريده تدخل
فريده / انا جايه اصالحك ممكن ادخل
يس / اتفضلى
فريده / انا ما كنتش بتكلم عشان انا بكره همسه انا كنت خايفه على شكلنا قدام الناس
يس ساكت
فريده / مالك يا ابنى انت كويس شكلك تعبان و محتاج تنام اطلع نام و لما تصحى نبقى نكمل كلامنا
يس / ماما هو ايه اهم شكلنا قدام الناس و لا الحقيقه
أنت تقرأ
كشف حساب بقلم / لولو_محمد (كامله)
العاطفيةيعود رجل الأعمال يس من الخارج ليكتشف ان لوالده المتوفى ماض عاد ليفسد عليه حياته
