နန်းတွင်းမှဘုရားအထိ လမ်းတစ်လျှောက်တွင် တိုင်းသူပြည်သားများက ပျော်ပွဲရွှင်ပွဲများဆင်နွှဲနေကြသည်။နေရာတိုင်းတွင် အကျွေးအမွေးမဏ္ဍပ်များ၊ကခုန်နေကြသည့်လုံမပျိုလေးများ၊ ပိတောင်ခက်နှင့်ရေစင်ပက်ဖြန်းနေသောလူပျိုတော်သားများကို တွေ့ရသည်။ရွှေဝါရောင်ပိတောက်ခိုင်များက တိုင်းပြည်တစ်ပြည်လုံးကို ရွှေဝါရောင် လွှမ်းသွားစေသည်။လေညှင်းကလည်း သင်းပျံ့သည့်ပိတောက်ရနံ့ကို သယ်ဆောင်ထားလေသည်။
မြို့ဦးစေတီတော်ရဲ့မုခ်ဦးမှစ စေတီတော်အထိ လမ်းကလေး ဘေးတစ်ဖက်တစ်ချက်တွင် ပိတောက်ပင်များ စီတန်းစိုက်ပျိုးထားလေရာ ပိတောက်ပွင့်များက မြေခနေသည်။ဗညားသတိုးနှင့်နန်းစောရှင် အနှီပိတောက်လမ်းလေးပေါ်မှ ဖြတ်ကာလျှောက်လှမ်းနေသည်။
ဗညားသတိုး စေတီတော်ပေါ်တက်ပြီး ဆောင်ဓားကိုဘေးချကာ မြတ်စွာဘုရားထံ ဦးခိုက်လိုက်သည်။ဗညားသတိုး ဦးသုံးကြိမ်ချပြီး နန်းစောရှင်ကိုကြည့်တော့ နန်းစောရှင်လေးက ရှည်လျားကော့ညွှတ်သည့်မျက်တောင်လေးတွေရဲ့အလေးဒဏ်ကို မထိန်းထားနိုင်ဟန် မျက်လွှာလေးချလို့ ဆုတောင်းနေသည်။ဖြူနုသည့် မျက်နှာပေါ်က နေလောင်ဒဏ်အကြွင်းအကျန်လေးတွေသာမရှိရင် နန်းစောရှင်လေးကို စစ်သည်တော်မျက်နှာလေးလို့ ထင်မှတ်စရာမရှိ။ချောလှပေသည်။
ဗညားသတိုး အင်းဝတွင်ရှိစဉ်က နန်းစောရှင်လေးရဲ့မျက်နှာလေးကို ပြန်ပြောင်းသတိရလိုက်မိသည်။ထိုစဉ်က နန်းစောရှင်လေးက ငယ်ရွယ်ကာလွတ်လပ်ပေါ့ပါးသူဖြစ်သည်။အမြဲရယ်မောနေပြီး စိတ်ထဲရှိသမျှကို အရှိအတိုင်းဖွင့်ပြတတ်သူ ဖြစ်လေသည်။မင်းရဲဗလသာ ပုန်ကန်ခြင်းအမှုကို မပြုလေပါက သည်လိုနူးညံ့သည့်မင်းသားငယ်လေးကို ဗညားသတိုး ပိုင်ဆိုင်ရပါ့မလား။အကယ်၍ ပုန်ကန်မှုမရှိခဲ့ရင်တောင် ဗညားသတိုး နန်းစောရှင်လေးကိုအပိုင်ရရန် အင်းဝကိုစစ်ချီဖြစ်လိမ့်မည် ထင်သည်။
'သည်လိုဆို နန်းစောရှင်ကိုရဖို့ စစ်ပွဲဘယ်နှစ်ပွဲလောက် ဆင်နွှဲရလေမလဲ'
"အမောင် ဘာတွေစဉ်းစားနေရော့သလဲ"
ဘုရားပေါ်တွင် တစ်ဦးတစ်လေမှမရှိလေသည်မို့ နန်းစောရှင်လေးက အမောင်လို့ခေါ်ရှာသည်။ထိုခေါ်သံလေးက ဗညားသတိုးရဲ့နှလုံးသားလေးကို နူးညံ့စေပြီးပြည့်လျှံနေပြီဖြစ်သည့်ချစ်ခြင်းတွေကို ပိုလို့လျှံကျစေသည်။
YOU ARE READING
ချစ်သောပြည့်ရှင်မင်း(Completed)
Historical Fictionစစ်နတ်ဘုရားဟံသာဝတီအိမ်ရှေ့မင်းက အင်းဝနန်းတွင်းမာသူလျှိုလုပ်ရင်း အင်းဝမင်းသားငယ်လေးကိုကာကွယ်ချင်လာတဲ့အခါ နောင်တော်တစ်ပါးရဲ့သစ္စာဖောက်မှုကြောင့် အင်းဝမင်းသားငယ်လေးကဟံသာဝတီကိုရောက်သွားရရှာပါတယ် သူတို့နှစ်ဦးကံကြမ္မာတွေကိုဘယ်လိုဖြတ်ကျော်ပြီးစစ်မှန်တဲ့ပြ...
Part 27
Start from the beginning