"အမောင့်နန်းစောရှင်ရဲ့စိတ်နှလုံးသားလေးက ကိုယ်တော်သွန်းလောင်းတဲ့မေတ္တာရေစင်ကြောင့် ထာဝရအေးမြပါစေသား"
အိမ်ရှေ့မင်းရဲ့မေတ္တာရေစင်က နန်းစောရှင်တစ်ကိုယ်လုံးကို ဖြတ်သန်းစီးဆင်းသွားပြီး နှလုံးသားလေးကို သိမ်မွေ့အောင်လှုံ့ဆော်လို့သွားသည်။နန်းစောရှင် အိမ်ရှေ့မင်းရဲ့ချစ်ခြင်းတရားအပြည့်ပါသည့်မျက်လုံးတွေကို ကြည့်ကာ ပြုံးယောင်သန်း သွားလေသည်။
နန်းစောရှင် အိမ်ရှေ့မင်းမျက်နှာက ပြောင်ရှင်းခံ့ညားနေတော့ အထူးအဆန်းဖြစ်ကာ။
"အိမ်ရှေ့မင်းရဲ့နှုတ်ခမ်းမွေးတွေ ဘယ်ရောက်သွားရော့သလဲ"
ဗညားသတိုး နန်းစောရှင်ရဲ့ပါးလေးကို ဖဲ့လိုက်သည်။
"ကိုယ်တော် ရိတ်သင်လိုက်တာ"
"ဘာလို့ပါလဲ အိမ်ရှေ့မင်း"
"အမောင်မွှေးကြူတော့ အမောင့်ချစ်ရသူလေးရဲ့ပါးပြင်နုနု နာကျင်မှာစိုးပေလို့ပေါ့"
နန်းစောရှင်ရဲ့ပါးပြင်လေးက ချက်ချင်းပင်နှင်းဆီသွေးလွှမ်းသွား၏။
"နှုတ်ခမ်းမွေးမရှိတော့ လူအများမလေးစားမခံ့ညားမှာ မစိုးပေရော့ဘူးလား"
"ဟိုအရင်တစ်ခါကိုယ်တော် နန်းစောရှင်ရဲ့ပါးပြင်လေးကိုခပ်ကြမ်းကြမ်းပွတ်မိလေတော့ နီရဲသွားတာကိုမြင်ရလေပြီး ကိုယ်တော်အိပ်မပျော်လေဘူး"
အိမ်ရှေ့မင်းရဲ့အသံက စိတ်မကောင်းဖြစ်မှုကို အသေအချာဖော်ပြနေသည်။နန်းစောရှင် ရယ်ချင်လာမိသည်။
"အိမ်ရှေ့မင်းရယ် ကျွန်တော်မျိုးကစစ်သည်တော်ယောကျာ်းရယ်ပါ အဲ့သည်လောက်မနုနယ်ပါဘူး"
"နုနယ်လိုမဟုတ်ပေဘူး ကိုယ်တော်ကနန်းစောရှင်ကိုမြူမှုံလေးမျှတောင် မနာကျင်စေလိုတာပါ"
"အိမ်ရှေ့မင်း"
ဗညားသတိုးနှင့်နန်းစောရှင် ဆောင်ဓားကိုကိုယ်စီကိုင်လျက် ဟံသာဝတီမြို့ဘုရားစေတီတော်ထံ သွားသည်။အခါရက်ဖြစ်သောကြောင့် မြင်း၊မြင်းလှည်းနှင့်နွားလှည်း စီးသူများမရှိ။နန်းစောရှင် အိမ်ရှေ့မင်းဘေးမှ ကပ်လျက်လျှောက်ကာ လိုက်ပါလာသည်။
YOU ARE READING
ချစ်သောပြည့်ရှင်မင်း(Completed)
Historical Fictionစစ်နတ်ဘုရားဟံသာဝတီအိမ်ရှေ့မင်းက အင်းဝနန်းတွင်းမာသူလျှိုလုပ်ရင်း အင်းဝမင်းသားငယ်လေးကိုကာကွယ်ချင်လာတဲ့အခါ နောင်တော်တစ်ပါးရဲ့သစ္စာဖောက်မှုကြောင့် အင်းဝမင်းသားငယ်လေးကဟံသာဝတီကိုရောက်သွားရရှာပါတယ် သူတို့နှစ်ဦးကံကြမ္မာတွေကိုဘယ်လိုဖြတ်ကျော်ပြီးစစ်မှန်တဲ့ပြ...
Part 27
Start from the beginning