" စောက်ပိုတွေပြောမနေနဲ့ ငါစုံစမ်းခိုင်းတာရပြီလား'
'ဖြည်းဖြည်းပေါ့ကွာ CEOကြီးက အခုထဲက ပညာတွေပြနေပြီလား'
'နောက်ဆိုမင်းကို အလုပ်ပါထုတ်ပစ်အုံးမှာကွာသိလား'
'ဒီမှာမင်းစုံစမ်းခိုင်းတဲ့သူရဲ့အကြောင်း...ငါမနည်းသတင်းလိုက်ရတာနော် သားကြီး'
စားပွဲပေါ်သို့ ပစ်တင်လာသည့်ကိုယ်ရေးအချက်အလက်တွေအား ဟန်နရီကလှမ်းယူကြည့်ကာခပ်ရွဲ့ရွဲ့ပြုံးရယ်လိုက်၏။ထင်သည့်အတိုင်း မာန်ဟိန်းကိုကိုက ရိုးရှင်းတဲ့ကျောင်းဆရာတစ်ယောက်တော့မဟုတ်ပေ။
'ခင်ဗျားက ကျုပ်နဲ့လာကစားချင်နေတာလား မာန်ဟိန်းကိုကို အဟက်'
'သားကြီး...ဟိုမှာ မင်းရဲ့ ဟန်နီလေးလာနေပြီ "
ရုံးခန်းထဲသို့ ခွင့်ပြုချက်မတောင်းပဲ၀င်ရောက်လာသည့် ဟန်နီကြောင့် ဟန်နရီကသူ့လက်ထဲမှဖိုင်တွဲကို အံဆွဲထဲထိုးထည့်လိုက်၏။ဟန်နီက ခေတ်ဆန်သည့်မိန်းမပျိုလေးဖြစ်သည့်အလျှောက် ၀တ်စားဆင်ယင်ပုံက အနောက်တိုင်းဆန်တာမို့ အနည်းငယ်အမြင်ရိုင်းစေ၏။ပခုံးအသားကိုတမင်အလှပြကာ ၀တ်ဆင်ထားသည့်ကြိုးတစ်လုံးဂါ၀န်က အနည်းငယ်တိုကပ်နေသော်လည်း ကိုယ်ခန္ဓာလှသည့်မိန်းကလေးဖြစ်တာကြောင့် ဆွဲဆောင်မှုရှိနေတာဖြစ်သည်။
'မောင်ကလေ ပြန်လာတာတောင် ဟန်နီကိုလာမတွေ့ဘူးနော် မောင်အရမ်းရက်စက်တာပဲ'
ဟန်နီက ချွဲတဲ့တဲ့ပြောဆိုရင်း ဟန်နရီပေါင်ပေါ်သို့ရဲတင်းစွာ ထိုင်ချလိုက်တာမို့ သုတကချက်ချင်းအကြည့်လွှဲကာ ထိုအခန်းထဲမှရှောင်ထွက်သွား၏။
" ဒါရုံးခန်းနော်ဟန်နီ နည်းနည်းပါးပါးအသိ၀င်အုံး'
'မောင်ကလဲ...မောင့်ကိုဟန်နီဘယ်လောက်လွမ်းနေမှန်းသိရဲ့သားနဲ့ ဟွန့်'
'သိပါတယ်ကွာ သိတာမို့လို့ဖယ်တော့... လာရင်းအလုပ်ကိစ္စကိုပြော'
'ဟွန့်...မောင်ကလေအမြဲအဲ့လိုချည်းပဲ ကုန်ကြမ်းတွေရပြီလားလို့ဟန်နီကလာမေးတာပါ "
'ကုန်ကြမ်းတွေက သဘက်ခါမှသင်္ဘောနဲ့တင်ပေးလိုက်မှာ ကုန်ကြမ်းတွေရောက်တာနဲ့ ကိုယ်ဆက်သွယ်လိုက်မယ်'
![](https://img.wattpad.com/cover/289477277-288-k861752.jpg)