مبادئ الكتابة

بندقية تشيكوف

بندقية تشيكوف...
مبدأ في الكتابة إتكلم عنه الأديب الروسي أنطون تشيكوف
إيه المبدأ ده؟
Every element in the story should matter
ببساطة المبدأ بينص على إن كل عنصر في القصة لازم يكون ليه دور أو أهمية وأعطى مثال على ده بكلامه
"لو ذكرت إن في بندقية متعلقة على الحيطة في الفصل الأول... يبقى لازم تضرب نار في الفصل التاني أو التالت"
لإن القارئ بطبيعته هيبحث عن دور ومعنى لوجود العنصر ده
ولو اكتشف إنه ملهوش دور... هيحث بالخذلان والخيانة والتكديس الغير مبرر
وعشان ده يحصل المفروض نتبع قاعدة الثنائية الذهبية
It takes two to tango!!!
Payoff وال Setup وعنصرين الرقصة هنا هما ال
Setup... بمعنى تحضير القارئ أو المشاهد
Payoff... بمعنى مكافئة القارئ أو المشاهد
الsetup او التحضير ده بيتم عن طريق إلقاء معلومه بطريقة تلقائية هنا او هناك
اما الpayoff هو حدوث الشئ اللي جهزت القارئ لحدوثه
مثال: البطل مكبل اليدين ومحتاج حيلة للهرب
في بداية القصة هو قام بتخبئة سك#ين في حذائة لإنه بيعيش في مكان خطر... setup
لما يستخدمه للهروب وفك وثاقه... payoff
دلوقتي هل في استثناءات لقاعدة تشيكوف؟ هل رقصة التانجو دي ينفع ينقصها عنصر من الاتنين؟
بالتأكيد لإن الكتابة فن الممكن...
باستخدام المثال السابق ممكن يكون فيه payoff بدون setup بشرط يكون ليه تبريره في القصة
إزاي؟
البطل مقيد ومحتاج حاجة تساعده للهروب وبيكتشف إن فيه سك#ين في حذائه من غير ما نشوفه بيخبيه هناك
ده payoff بس من غير setup
بس مع تقدم القصة هنكتشف إن ده حصل بسبب إن البطل عنده فقدان ذاكره أو انفصام في الشخصية وخبا السك#ين بدون ما يتذكر وهنا التفصيلة دي كان ليها دور في القصة
طيب ينفع setup بدون payoff؟؟؟
الحقيقة إنك تجهز القارئ او المشاهد لشئ وبعدين متوفيش بيه هو خذلان وغير مقبول لإنك بتفترض في جمهورك الغباء او النسيان
وزي ما قال تشيكوف نفسه
" Don't give a promise you can't keep"
متديش وعد مش هتقدر توفيه... وال setup ماهو إلا وعد عزيزي الكاتب 🤷‍♀️🤷‍♀️🤷‍♀️

مستنية أرائكم 😊😊😊