" ကိုနေ့သစ်က တစ်ခါတလေမှဆက်တာပါ လူကြီးရာ "
" ဟုတ်လို့လား "
မသင်္ကာသလိုအမေးကြောင့် သေချာစိုက်ကြည်လိုက်လျှင် အနားပိုတိုးကပ်လာ၍ ရင်ခွင်ထဲဆွဲသွင်းပွေ့ပိုက်ဖက်လာ၏။ ဒေါင်းမာန်ရင်ခွင်ထဲရှိ ခေါင်းလုံးလေးပေါ် မေးအသာတင်လိုက်ပြီး
" ဘေဘီကို စိတ်မချတာမဟုတ်ဘူး၊ ဟိုကောင်ကို စိတ်မချတာ "
" ...... "
အတွေးလွန်နေသူအား ပြန်ပြောလည်း လက်ခံပေးမည်မထင်၍ ဘာမှပြန်မပြောဖြစ်။
" အကြည့်တွေကို ကိုယ်သိတယ်လေ "
" လူကြီးထင်လို့ပါ "
ဘေဘီပေါက်အပြောကြောင့် ဒေါင်းမာန်ထပ်မပြောဖြစ်တော့။ ဘေဘီက မမြင်သော်လည်း ဒေါင်းမာန်အဖို့မြွေမြွေချင်း ခြေမြင်ကြသည်မှာ သဘာဝပင်။ ထို့ကြောင့် နေ့သစ်ပိုင်အကြည်တို့ကို ဒေါင်းမာန် ခံစားနားလည်သည်။
" ငါ့နောက်ပဲ လိုက်မနေ့နဲ့လေ "
" ......."
ဇန်ငြိမ်းချမ်းကိုစိတ်အတော်လေနေမိသည်။ လူ ထင်ကျော်တစ်ယောက် စိတ်လွတ်သွားတာများလား။
" မင်းဘယ်လို့ဖြစ်နေတာလဲ၊ ငါလမ်းထိပ် ခဏသွားမလို့လေ၊ မင်းက ဘာလိုက်လုပ်ချင်ပြန်တာ
လဲ "ကျွန်တော် ကျင့်သားမရနိုင်သေး။ အရင်က လူထင်အား ကောင်မလေးများနှင့်အတူ တွေ့ရသည်ကို မကြိုက်ပါ။ အခုလို့ကျပြန်တော့လည်း အနည်းငယ် စိတ်မရှည်ဖြစ်ရလေ၏။ မမနှင်းဆိုသူနှင့် လမ်းခွဲပြီးနောက်ပိုင်း ကောင်မလေးအ သစ်ထပ်မထားသေးသည့် လူထင်မှာ မမနှင်းဆိုသူအား အခြားရည်းစားများထက် ပိုချစ်ပုံရလေ၏။ ထို့ကြောင့်လည်း အသဲကွဲပြီးနောက် အခုကဲ့သို့ လွတ်ကျွတ်ကျွတ်ဖြစ်သွားပုံ ရ၏။
တီးလုံးသံများ၊ မီးရောင်များ ထိုးဖောက်မဝင်နိုင်အောင်ကာရံဖန်းတီထားသော အခန်းငယ်လေးထဲတွင် ကဗွီးတစ်ယောက်ရှိနေပေသည်။ အရှေ့စား ပွဲထက်မှ ဓာတ်ပုံများကို တစ်ပုံချင်းစီ ယူကြည်နေမိသည်။ ဓာတ်ပုံတစ်ပုံယူကြည်လိုက်ချိန်တိုင်း
ကဗွီးမျက်နှာထက်၌ ဝမ်းနည်းခြင်း၊ အလိုမကျခြင်းမည်သောအပြုံးများ ပိုထင်ပေါ်လာပေသည်။
YOU ARE READING
ချစ်မြဲ ချစ်ဆဲ
Romanceယခု ( ချစ်မြဲ ချစ်ဆဲ ) ဇာတ်လမ်းတွင် ပါဝင်သော ဇာတ်လမ်း ဇာတ်ကောင်များသည် ကိုယ်တိုင်ဖန်တီးထားသော အရေးအသား အကြောင်းရာများသာ ဖြစ်သည်။ တိုက်ဆိုင်မှုရှိသော် သတိပေးနိုင်သည်။ စတင်သည့်နေ့ =(21.8.2021-4.5.2022) ယခု ( ခ်စ္ၿမဲ ခ်စ္ဆဲ ) ဇာတ္လမ္းတြင္ ပါဝင္ေသာ ဇာ...
အပိုင်း ၂၇
Start from the beginning