وردة الجنوب

البارت الاول

#وردة_الجنوب
#البارت_الاول
الكاتبة الفاطمية الصغرى

الدنيا حقل الغام ، وأن لم تدس على لغمً
سينفجر بسبب حضك ،

ادم اللامي
adim_lraqu

«««««««««««««««««««««««««««««««

مرحبا حبايب انا ياسمين من ناصرية مولودة بمنطقة ريفية من عائلة عشائرية جدي مزوج 2 نسوان و عند عمي ابو حسن و بعدها ابوية بعدها عمي ابو حسام وعمي حزام ممزوج

نولدت عام 1993 م بس يوجع قلبي اني منبوذلة بين اهلي مايحبوني مايهتمون بيه عكس باقي اخواني اسولف الكم عن اخواني

اختي الكبيرة علياء بنتها هدى مزوجة اختي و وراها اخت اسيل بعدها اني ياسمين و جواد و سجاد و زين اني تسلسلي ثالث طفلة الهم

كنت اداوم بالمدرسة صار عمري 12 سنة تركت دراسة عدنا للسادس ابتدائي بنت تترك ماكو متوسطة يمنا قريبة

اني جدو رباني من حيث نهار كله بيت جدو عام 2005 كعدت الصبح رحت بيت جدو
سلمى (زوجة جدو 2): هلا ياسمين حبيبتي شلونج
(ابتسمت بوجها كالعادة )
ياسمين : الحمدلله
سلمى: تريكتي حبيبتي
(اشرت براسي بمعنى لا )
سلمى: لعد روحي غسلي حت نتريك

رحت دخلت للهول شفت بيبي كاعدة مكملة خبز مدخلتهم للبيت اقتربت منها رفعت رأسها باوعت عليه وابتسمت
سليمة: هلا بياسمين قلبي هلا بوردتي
ياسمين: هلا بيج بيبي
سليمة: يله بيبي غسلي حت نتريك
ياسمين: أن شاء الله بيبي

رحت غسلت و رجعت كعدت اتريك ويه بيبي و اجه جدو حضني وباسني ، احنا بيننا وبين بيت جدو فرع واحد صغير ، اما عمامي كاعدين بفرع بيوتهم شي بصف شي

كاعدة اتريك مرت جدو 2 كلش حبابة كنت اتمنى امي تسئلني مثلها شنو اكلتي شربتي سويتي امي احسها تكرهني كلش من حيث اني وحيدة بين خواني ملابسي مبهذلة وصخة وقديمة

كملنا ريوك لمينا بيت وطلعنا للحلال ويه بيبي بنات عمامي هم يسرحن بالحلال جنت ابقه ويه بيبي بالحلال لحد وقت غده من يصير وقت غده زوجات عمامي يجن ع بناتهن و ياخذنهن ويرحن حت يرتاحن الا اني حلمي امي تجيني جنت اصفن و اكول شيصير لو امي تجيني

كملنا بيبي صاحتني رحنا للبيت تغديت بيت جدو طبعاً اهلي مايسئلون عليه يعرفون كل وقتي بيت جدو بعدها نمت كعدت ويه غروب للبيت مابات بيت جدي

رحت للبيت دخلت امي كاعدة بالمطبخ باوعت عليه
زينة: بعد وقت
ياسمين: يمه جنت بيت جدي
هزت إيدها بمعنى ماعاجبها

ابوية كاظم جان يشتغل بغداد هو كلما ينزل يجيب اشكال ويا من فواكة حلويات اختي هدى مزوجة كلما ينزل بابا تجي لو هو يروح اله