"ဘယ် သူလဲ လို့မေးနေတယ်လေ !"
ပြန်ဖြေသောအသံမကြားတာနဲ့နောက်တစ်ကြိမ်ပြန်မေးလိုက်သည်။
"ငါ ပါ အဟင့် အဟင့် ငါ ပါ နဒီ !"
မိန်းကလေးတစ်ယောက်ရဲ့အသံဖြစ်ကာ အသံတုန်တုန်ရီရီ နှင့် သူမနာမည်ကိုခေါ်သဖြင့် နဒီသည် တံမြတ်စည်းကို အောက်သို့ပစ်ချပြီး တံခါး ဂလန့်ကိုချက်ချင်းဖွင့်လိုက်သည်။ ဂါ၀န်လက်ပြတ်အဖြူလေးနှင့် တရှုံ့ရှုံ့ရှိုက်ငိုနေတဲ့ သူမရဲ့သူငယ်ချင်းမလေးဟာ တံခါးနောက်ကနေပေါ်ထွက်လာသည်။
"မ မွ မွန်း မွန်း !"
နဒီက စွံ့အသွားသည့်အလား မယုံနိုင်စွာငေးကြည့်နေချိန် မွန်းဟာ နဒီ့ကိုပြေးဖက်ရင်း
"ဟီး... အီး... အဟင့် အဟင့် နဒီ ငါ ငါတောင်းပန်ပါတယ်နဒီရယ် ငါတောင်းပန်ပါတယ်"အတင်းဖက်ပြီးငိုနေတော့ နဒီပါမျက်ရည်များဝဲလာကာသူမကိုနှစ်သိမ့်စွာဖက်ထားပေး၍
"ငနာမလေး ငါ့ကိုပစ်ထားတယ် နင်မရှိပဲ ငါတစ်ယောက်တည်း နေရခက်တာ နင်သိရဲ့လား မွန်းရဲ့ "
နဒီဟာ မွန်းကိုအိမ်ထဲဆွဲသွင်းပြီး တံခါးပြန်ပိတ်ရင်း
"လွန်ခဲ့တဲ့၃လလောက်က နေလင်းကပြောတယ် နင်နဲ့ဆေးရုံမှာတွေ့ခဲ့တဲ့အကြောင်း ဒါပေမဲ့ငါကမယုံဘူးလုပ်နေတာ သူကလည်းတကယ်ပါဆိုပြီးအဟုတ်ကြီးပြောနေတော့ ငါနင့်ကိုအရမ်းစိတ်ဆိုးမိသွားတာ ဘန်ကောက်ကနေပြန်လာပြီး ငါ့ဆီကိုမလာဘဲဘယ်ကိုသွားနေတာလဲ ငါ့ကိုဘာလို့မဆက်သွယ်တာလဲဆိုပြီး!"
နဒီ့ရဲ့အခန်းထဲသို့သူငယ်ချင်းနှစ်ယောက်ဝင်လာကြပြီး နဒီဟာ မွန်းကို အိပ်ယာပေါ်၌ထိုင်ခိုင်း၍
"အခုနင်ကပြန်လာတော့လည်း ကြည့်ပါဦး ငါနင့်ကိုဘယ်လိုစိတ်ဆိုးရမလဲ တိတ် တိတ်တော့ ဘာလို့အရမ်းငိုနေရတာလဲ အခု နင်နားလိုက်ဦး မနက်မှ ငါ့ကို အကျိုးအကြောင်းရှင်းပြ လေ နော် "
နဒီက သူမအတွက်အဝတ်လဲစရာ ပေါ့ပါးမည့်ညဝတ်အင်္ကျီကလေးများထုတ်ပေးဖို့ အိပ်ယာပေါ်မှထလိုက်တဲ့အခါ မွန်းက နဒီ့လက်ကိုဆွဲလိုက်ကာ
"ဟင့်အင်း ငါမအိပ်ချင်ဘူးနဒီ နင် ငါပြောသမျှကိုနားထောင်ပေးပါ ဒီအချိန်က ငါအိပ်ပျော်မယ့်အခြေအနေမဟုတ်ဘူး ပြီးတော့ ငါဒီအကြောင်းအရာတွေကို တစ်ကြိမ်ပဲ ပြောပြမှာ!"
YOU ARE READING
အတ္တလွန်အချစ် (OC) Completed
Romance"စီးကရက်နဲ့ကျွန်မ ရှင်ဘာကိုပိုကြိုက်လဲ" "လွယ်လိုက်တာ မင်းပေါ့ မင်းကိုမနမ်းဖူးခင်အထိ ကိုကင်းက ကိုယ့် Favorite မင်းနှုတ်ခမ်းတွေနဲ့ယှဉ်ရင်တော့ ဘာအေရးပါမှာလဲ" Mautre on Uni/Zawgyi "စီးကရက္နဲ႕ကြၽန္မ ရွင္ဘာကိုပိုႀကိဳက္လဲ" "ၾလယႅိုကၱာ မင္းေပါ့ မင္းကိုမနမ...
Part (45) Uni/Zawgyi
Start from the beginning