الفصل الثاني _ شهر العسل.
______
مساءً.
دلف زين بهدوء لغرفة طفلتيه التوأم البالغين من العُمر 7 سنواتٍ، ويدعيان "حُور وحورية"، ابتسم وهو يجذبهم الي احضانه ويحتضنهم بحُبٍ قائلاً
=حبايب قلبي عاملين إيه؟
صمتتا الفتاتان بحُزنٍ وصمت، في حين قال زين بتساؤل جلي
=مالكم فيه إيه !
قالت الطفلة "حور" بحُزنٍ
=مش عارفة أسرح شعري يابابا، شكله بقى وحش ومش زى البنات اللى موجودة في المدرسة.. علشان انا مش عندى ماما تسرحوهلي!
ضغط زين علي شفتيهِ بضيقٍ قائلا
=طيب ياحبيبتي متزعليش، أوعدك أتعلم ازاي اسرح الشعر حلو وأسرحلك، وانتِ يا حورية مش عاوزاني أسرحلك؟
هزت رأسها بدموعٍ قائلة
=مِش مُهم تسرحلي.. عيد الام قرب وكُل اصحابي بيجهزوا لامهاتهم، وانا .. انا مش عندى ام ليه!
عانقها بألمٍ بداخله، فى محاولة لتجاهُل آلالامه، ثم قال وهو يقبلها
=هاتى لبابا، مش انا برضو أستحق ولا إيه؟
هزت رأسها وهى تعانقه في حُبٍ، فقال في مرح
=مين هييجى معايا ننزل ناكل مع عمو فارس؟
قالتا معاً بحماس
=اناا.
حملهم بين يديه ك عصفورتين ثم ركض بهم الي الدور الأول، هي عمارة ابيه وكل منهم يقطُن في دور وفيه شقته الخاصة به، دق جرس الباب ليفتح لهم فارس وهو يستقبل الفتاتان بحُب ومرح فهو يحبهم ويدللهم كثيرًا، بينما ولج زين الي المطبخ كي يساعد والدته في إعداد الطعام، فهي كبيرة في السن ومريضة ولا تستطيع تحمُل كٌل هذا.
قالت جميلة وهي تربط علي كتفه بحنان
=روح اقعد انت يابني، وانا هكمل .
=لا هساعدك يا أمي، متحرمنيش من الثواب دة .. ثم إني كام مرة قولتلك نجيب ليكي خدامة وانتِ رفضتي!
هزت رأسها برفضٍ قائلة
=لاء، والحاج ياكُل من إيد واحدة غيرى، طب دة انا أطب ساكتة فيها.
=بعد الشر عليكي.. ربنا يطول في عمرك.
ولج فارس للداخل قائلا وهو يسقف بيديهِ فى حرارة
=بتغيري على الحاج ياسوسو!
قالت وهي تبتسم بدلالٍ
=طبعًا مش جوزى حبيبى.
=إلعب ، أوعدنا يارب.
قالت جميلة وهي تنظر لزين بخٌبث
=لو عاوزين تساعدوني بصحيح، كُل واحد يتلحلح ويتجوز ومراته تساعدني شوية.
ESTÁS LEYENDO
~ شهر العسل ~ "مُكتمِلة".
Ficción Generalلكُل فرد منهم سببه الخاص دفعهُ للزواج من الشخص الاخر .. ليقضيا معاً شهرًا تحت مُسمي شهر العسل، مليء بالاحداث والكوارث. رواية شهر العسل. بقلم/سامية صابر . أنتهت 2022/2/18🌿
