មកហើយៗ❤️
រឿង ជំនួយការបេះដូង🌈✨
🎀 ភាគទី ០៥ 🎀
~~~~~~~🎗~~~~~~~
ពីមួយថ្ងៃទៅមួយថ្ងៃ ចាន់ព្យាយាមធ្វើយ៉ាងណាឲ្យក្រុមហ៊ុនដកបម្រាមនេះចេញ
#ក្រុមហ៊ុនវ៉ាងស៊ាវ
ថ្ងៃនេះជាថ្ងៃប្រជុំពីកិច្ចការទំនាក់ទំនងក្រៅប្រទេស ស្របពេលនោះមានបុគ្គលិកម្នាក់បានមកយឺតកន្លះម៉ោង គេបើកទ្វារថ្នមៗដើរចូលទៅ តែ....
" ឈប់សិន! អ្នកណាឲ្យលោកចូលមក? " បូ
" សូមទោសលោកប្រធាន! គឺថាខ្ញុំ...គឺ... "
" ចេញទៅវិញទៅ ហើយសរសេរក្រដាសច្បាប់ឲ្យខ្ញុំ...ប្រជុំបន្តទៅ " បុគ្គលិកនោះដើរចេញទៅ ឯចាន់បម្រុងដើរទៅតាមបុគ្គលិកនោះតែបូសម្លឹងមុខគេក៏បញ្ឈប់ដំណើរ...
បន្ទាប់ពីប្រជុំចប់ ចាន់រត់ទៅរកតុបុគ្គលិកដែលមកយឺតនោះ គេក៏ឃើញគាត់កំពុងអង្គុយសរសេរក្រដាសច្បាប់ទាំងទឹកភ្នែក ចាន់ដើរសម្តៅទៅរកគាត់...
" បងប្រុស! មិនអីទេមែនទេ? " ចាន់ដាក់ដៃលើស្មាបុគ្គលិកនោះ ឯបុគ្គលិកនោះជូតទឹកភ្នែកងាកមើលមុខទាំងស្នាមញញឹម
" បាទ! មិនអីទេ អរគុណណា "
" មានរឿងអីមែនទេ? ហេតុអ្វីបងប្រុសមកយឺត? ហើយហេតុអ្វីមិនប្រាប់ហេតុផលទៅលោកប្រធានទៅ? "
" គាត់មិនស្តាប់ហេតុផលអ្វីទេ...សំខាន់គឺកុំឲ្យខុសបម្រាមគាត់ដាច់ខាត..."
" ហេតុអ្វីបងមកយឺត? "
" កូនស្រីគ្រុនក្តៅខ្លាំង ឯប្រពន្ធខ្ញុំនាងឈឺគេងនៅមន្ទីរពេទ្យជិត១ឆ្នាំហើយ...ថ្ងៃនេះខ្ញុំយឺតដោយសារកូនស្រីខ្ញុំឈឺខ្លាំង គេចាប់ដៃខ្ញុំជាប់នាងមិនចង់ឲ្យខ្ញុំទៅណាទេ ទើបពេលនាងគេងខ្ញុំក៏ឆ្លៀតចេញមក...មិនអីទេ! វាអាចជាថ្ងៃចុងក្រោយរបស់ខ្ញុំ...ហើយក៏ជាថ្ងៃដែលខ្ញុំគ្មានប្រាក់បង់ថ្លៃមន្ទីរពេទ្យដែរ... " បុគ្គលិកនោះនិយាយទាំងទឹកភ្នែករលីងរលោង
" ឲ្យក្រដាសច្បាប់បងមកខ្ញុំមក...ខ្ញុំនឹងទៅនិយាយជាមួយលោកប្រធានឲ្យ "
